Hugawng pa na lamuga sen 2 zing madu la ai Yuzana company a bungli galaw myen masha 300 hpe mana de maga kawn lawu myen mung ga de wa shangun kau sai lam na chye lu ai.
Ya hte ya hte 4w ntsa bawm kapaw si mat ai Jathu Zup (TatYIn Mu) Tin Mawng Soe hpe
dai ni Dum Bang mare kaw makoi mayang kau na lam mung chye lu ai.
Yuzana Company gaw Nai kadung hkai na gabaw rai tim, 2010 -2011 shaning Ka-ni sun hkai ladaw ten hta mung, mare masha ni hpe ka ni sun hkai na ahkang jaw da n na dai ni kaw gumhpraw bai hkan hta sha hkawm ai lam mare masha ni tsun dan ai hku re.
Yuzana Company nga ai majaw, Mung mare masha ni a Dum Su nga wu loi ni sat sha kau ya ya re ai lam ni hkring hkring byin nga ai.
Yuzn Company mying hte mi nga taw ai raitim ahkyak madung ta tut hta gaw (Myen) shanhte a myen hpyen la ni she grau law ai re.
Dai kaw shanhte ni a laknak kaji kaba yawng sa bang da ma ai.Ya wa kau shangun ai gaw
shinggan mare lawu ga na masha ni rai nga ma ai.
Ya dai kaw e shara sin na matu nga jahpai ti shanhte a hpyen la ni hpe bai n-gun jat bang da sai lam chye lu ai,Nawng Myi mare kaw hpyen n-gun 250 ram du taw nga sai re.Dai myen hpyen ni gaw ,sin na gin wang Wunpawng mung dan shang lawt hpyen Dap Dung 6 hte Dung 14 hpe gyam kasat na matu hkyen nga ma ai lam chye lu ai.
Ya dai Nawng mi ga na myen hpyen du lanagai gaw yuzana company masha hku jahpai let Dap Dung 14 maga de na salang ni hpang phone matut wa ma ai da. Nambyu maga de Hpaga bungli galaw sha mayu ai maibyin na kun? nga nna san jahkrup wa ai lam buga masha ni tsun ai lam chye lu ai.
