Dear Myitrum Ni,
Kata kaw soi sam, na nga ai shiga langai hpe shagun dat ai. Chye ju hte hti la ga.
Myen gaw Miwa hte pawn nna jinghpaw ni hpe gasat na matu Miwa Govt hku nna myit hkrum lam lu la sai hpe chye lu ai.
Myithkrum lam ni,
1. Laiza, Jehkawng, Maijayang ni hpe Miwa lata de ap kau na lam
2. Miwa hku na myen hpyi shawn ai lam ni hpe myit hkrum ai.
3. gajarit jai lang akyu jasawn na matu,
4.Laknat garum na matu.
KIO ni hku nna mung Pekin de sa jahkrum yang, Yunan State Governor hpe lit jaw sai lam chye lu ai. Yunan Governnor hte matut jahkrup na matu Pekin hku nna matsun dat ai. Yunan kaw jahkrup tim Mangshi Province Governor hte jahkrum na matu matut matsun ai.
Mangshi Province Governor hpe gaw Myen hku na lam amyo myo hkalem masu zinlum da ai lam chye lu ai. Grau nna gaw ndai majan hpe Politic majan nre, Business majan she re, Miwa a business hpe KIO hku na jahten ai re. Dai majaw Jinghpaw ni hpe shamyit kau jang hpa lam hta mung galaw na ahkang nga ai lam Miwa hpe hkalem kau sai lam chye lu ai.
Pekin hku na mung myit hkrum masu ai lam rai nga ai. Ndai majan a majaw Miwa ni Kani Hpraw Hpaga, hte kaga investment lam hta grai sum mat ai lam nga ai chye lu ai.
Dai re majaw an hte Jinghpaw ni hpa lu galaw na hpe myit ra ai. Ngai langai hku na gaw, Maigan kaw nga ai jinghpaw ni yawng Miwa Embassy kaw demonstration galaw yang ram ram tang du na re ngu kam ai. Kata kaw na ni gaw masha ni mu hkra hpa lam hta mung n'lu galaw ai.
Matut nna jawm bawm mat ga. KIO ginjaw de mung bai matut san la nna bungli galaw mat yang grai manu na re ngu Maigan kaw nga ai jinghpaw ni woi awn na hpe kam kaba let shana dat ga ai.
Amyu Sha Lam Hta,
Marip Pan
