Tai hpyen wa a sat lawat hpe yu maram nna,anhte Masat (2) DAp Ba hpyen dap ginra kaw na
KIA myu tsaw hpyen la ni yawng mung gasat poi shang mat wa na matu yawng sadi maja let
myit shajin nga sai hku re dai ni Dap Dung 5 Sinbo maga mung myen hpyen wa htim gasat sa wa ai majawKIA myu tsaw hpyen la ni hte gasat gala byin lai wa sai re.Dai kaw myen hpyen la marai (3) si sum mat sai lam shiga na lu ai. Myen Hpyen Asuya wa gawKIA ni hpe gasat mayu nna, gasat ai nre,ganing nchye di wa ai majaw she nhtang gasat ai re ngashan hte myen ni a shi laika kaw ndau shabra taw nga ai raitim ta tut hta gaw anhte KIO KIA ni hpe gasat na matu yaw shada nna she anhte Jinghpaw mung de hpyen n-gun law law wa sa dat ai hku re lam asan sha rai nga ai. simsa lam bai la ga, galaw ga nga tsun ai ga ni gaw anhte Wunpawng Mungdan Shanglawt Asuya hte Wunpawng amyu sha ni hpe YU KAJI ai majaw roi mayu ai ga shaga wa ai she rai na re.
sim sa lam bai la ga nga tsun ai grai na sai ya ten du hkra sim sa lam galaw na sat lawat nmawn nsam ni hpa mung n-madun pru wa ai kaja wa sha shanhte myen hpyen asuya ni
anhte Wunpawng Mungdan Shanglawt Asuya ni hte jet ai sim sa la galaw mayu ai raiyang gaw
ya ndai aten kaw nna Jinghpaw Mung shara shagu kaw sa bang tawn da ai hpyen la ni hpe yawng
shanhte a NYEPYIDAW de bai nhtang wa kau shangun ra na re .Dai nrai ai sha anhte Jinghpaw mung kaw sha naw n-gun bai jat jat rai nga da shangun ai raiyang gaw,
ndai Myen mungdan gaw MAJAN KABA de gale du wa ra na re.MAJAN KABA gaw anhte Wunpawng mungdan shanglawt asuya ni galaw la ai nre,anhte Wunpawng amyu ni majan hpe ra nna lawu ga e nga ai Myen hpyen wa hpe shaga shalun la ai mung nre ndai myen mungdan kata ( Jinghpaw mung kata ) na majan ni yawng gaw sadi ndung ai, myit nsan seng ai myen hpyen wa e hkrai sa shabyin la ai majan nan rai nga ai re.
ya yang ndai madang hku byin taw nga sai
jinghpaw mung kata na majan hpe mung
myen hpyen wa e shawng sa shabyin ai hku re
Myen mung ( Jinghpaw mung kata ) na ndai majan hpe kadai wa shawng galaw hpang ai re lam hpe
Mungkan ting myi chyaw chye ai re
sakse ngu na mung
makau grup yin na Mungdan ni nga ma ai re
Jinghpaw mung kata na KIA hpe gasat ai ndai majan hpe gaw
myen hpyen wa kaja sha shazim na hku,
sim sa lam hpe kaja wa sha ra sharawng ai nga ai raiyang gaw
Mungdan kaba langai ngai hpe shaga la nna,
sakse galaw shangun nna she
GA SADI galaw da ra na re ngu mu mada ai
