Danai hte hpa kan na shiga

1. Danai myu kaw e 19 / 6 /2011 ya shana, nga hkwi ai mare masha (2) jak li kaji hte yu wa ai shaloi, jak hten mat ai majaw, gaungwi sha lata hte hkali shap nna, tsawt yu wa ai hpe, shana 11:00 pm ram ten hta Danai hka mahkai sin ai myen asuya hpyen la ni kaw nna, sinat hte gap ai majaw, mying nchye ai nga hkwi sha ai mare masha langai si mat wa ai hpe shim ai hku makoi magap nat kau ai lam nga ai.

2. Hpakant, Lawng Hkang, Sang Hka mare kaw nga ai myen hpyen dap Hk.M.Y ( 298 ) Du Kaba, Kawng Myat woi awn ai hpyen hpung ni gaw shanhte a hpyen dap grup hkra hpe bawm hkam shinggrup tawn nna, mung shawa a dum su nga, u, wa ndat shaprang na lam aming ndau shapraw tawn da ai lam chye lu ai.