Ngai gaw nye a nta nhku e mung, nye a bunghku ni a kata e mung, kashu kasha hta grau hpu nna dum mai ai amying shingteng, shanhte hpe jaw na nngai; n hten n run ai, htani htana amying shingteng ngai shanhte hpe jaw na nngai.
(Esaia 56 : 5)
(Esaia 56 : 5)
Jahtawng htu ai ngu ai a lachyum madung gaw Amying shingteng jaw shamying shagrin masat da ai lam rai nga ai. (NN 2:19) Karai Kasang mung shi hpan da ai tu matu hkrung mahkrung ma hkra hpe amying shingteng jaw da ai hpe mu mada lu nga ai.
Chyurum Wunpawng myu sha ni gaw Yesu Hkristu a kabu gara shiga hpe n na ga n lu la shi re aten kaw nna nan Karai masa makam kumla amyu myu hpe hkan nang hkan sa nna shadan dan let pra hkrat wa ai re hpe labau maumwi mausa ni law kaw hta mu mada lu nga ai.
Ya ndai Jahtawng htu ai lam hta e galaw jai lang ai myu 3 re. Jum / Shanam / Shan chyahkraw ni hpe kaihtum kaw bang da nna shaman mang gala ga tsun let htu ya ai hku re. Dum ra ai lam langai mi gaw num kasha ni hpe rai yang Nga Shan chyahkrawn re sha, Ngar (gaitsu) chyahkraw hte htu ai nga nna htunghking matsun laika hkan e ka da nga ai.
Jum a lachyum
=========
Na na hkam ai, n yet n hten ai, Sadi dung ai, Shum ai mu ai namchyim shabyin ai, Shan mu ai n re Jum mu ai she re. Hpraw san tsawm ai.
=========
Na na hkam ai, n yet n hten ai, Sadi dung ai, Shum ai mu ai namchyim shabyin ai, Shan mu ai n re Jum mu ai she re. Hpraw san tsawm ai.
Shanam
=====
Tuk balen gung lawm ai lusha, lu shut sha shut re lam n nga na matu, Shi a sama ni hpe n kaja ai chyasam nat (Evil spirit) ni hkrit ai, Daru magam shingkang lawm ai.
Mu ai namchyim hpe shabyin ya ai.
=====
Tuk balen gung lawm ai lusha, lu shut sha shut re lam n nga na matu, Shi a sama ni hpe n kaja ai chyasam nat (Evil spirit) ni hkrit ai, Daru magam shingkang lawm ai.
Mu ai namchyim hpe shabyin ya ai.
Shan Chyahkraw / Ngar gaitsu chyahkraw
========== ==============
La kasha hpe gaw Nga shan, Num kasha hpe gaw Ngar gaitsu rai ra ai, Nga gaw n-gun ja ai, Atsam rawng ai, Asai hte asak hkrung ai hkungga kaba re majaw manu dan ai. Num kasha ni gaw mayat maya ra ai majaw, ngar zawn adi law kaw di asi law law si wa u ga nga myit mada let lachyum shapraw nna galaw ai lam rai nga ma ai.
========== ==============
La kasha hpe gaw Nga shan, Num kasha hpe gaw Ngar gaitsu rai ra ai, Nga gaw n-gun ja ai, Atsam rawng ai, Asai hte asak hkrung ai hkungga kaba re majaw manu dan ai. Num kasha ni gaw mayat maya ra ai majaw, ngar zawn adi law kaw di asi law law si wa u ga nga myit mada let lachyum shapraw nna galaw ai lam rai nga ma ai.
Mying ningsang 3 lachyum 3 Kawa Kasha Chyoipra ai Wenyi a gawng malai lachyum hte galaw ai lam mung rai nga ai.
Hpa majaw ndai hku galaw ra ai ni nga yang, Ma shangai yang kanu kawa ni kabu ai hta grau nna kashu kasha n chye shangai ai NAT chyasam ni grau kabu nna amying shingteng jaw lawm na matu nta wang grup grup e sa la taw nga nga rai ma ai da. Dai majaw Shanam bang ai re da. Anhte mung shangai ai hte kalang dat ndai ni hpe jai lang nna lawan wan amying shingteng jaw masat dat ai lam hpe galaw hkrat wa ga ai hku re.
Ya daini Yesu hpe kam ai Hkristan prat hta mung (Bu hkawm 6 : 22 - 27) kaw rawng ai shaman ga hpe mung tsun, Akyu mung hpyi re hku mai galaw re ngu nna tang madun dat nngai law.
Esaia 40:26
26 Matsaw ntsang de mada yu mu: dai hte hpe hpan da ai wa gaw, kadai rai ta? shi gaw de a wunawng wuwa ni hpe nambat hte shapraw nna, yawng hpe amying shamying wu ai: shi gaw daru magam chyalai hte n-gun atsam rawng ai majaw, langai mi pyi yet lu ai n rai.
26 Matsaw ntsang de mada yu mu: dai hte hpe hpan da ai wa gaw, kadai rai ta? shi gaw de a wunawng wuwa ni hpe nambat hte shapraw nna, yawng hpe amying shamying wu ai: shi gaw daru magam chyalai hte n-gun atsam rawng ai majaw, langai mi pyi yet lu ai n rai.
Chyeju kaba sai
Namhkai Hka
Namhkai Hka
