Hkawp Myitrum manang ni,
Hpawtni
gaw, Kabu Gara Hkrung Rawt Nhtoi rai sai i.Grai kabu ai. Happy Easter! ngu,
Shanglawt Tsing ni shawng tau shakram dat ai yaw. Yawng Kabu Gara Nawku Dawjau
shang lu myit ga!daini na Gashagawp gaw, " Shi Hkrung Rawt Sai " re.
Ya
hte Mungmasha 4 hpe chyahkrung htu lup ai Shiga n teng ai lam na chye lu sai.
Myen ni rim da ai Mungmasha kaw na Ko Mhat Gyi ngu ai wa hprawng lawt mat wa ai
shaloi, manang ni marai 4 hpe aga nhkun nten e shatsap da ai mu kau da ai majaw
tak nna, " Htu lup kau sai"ngu hkrit tsang malu tsun hkrup ai she re
nga ma ai. Marai 8 hpe woi mat wa ai lachyum gaw,Shanhte a shim lam matu rai nhtawm,
atsawm sha woi nga nna, numhtet ga ni tsun dat rai, apyaw sha bai wa shangun ai
re da. Numhtet ga gaw, " Anhte mung n- gap na, nanhte mung hkum gap na da"
ngu, KIA ni hpe wa tsun mu ngu ai re da. Numhtet ga tsun ai Sitchaungmhu wa gaw
Kayin, Baptist re, kyu grai hpyi ai wa re da.
Bai,
5.4.2012 shani, Manmaw lam, Laimawk Yang kaw KIA 6 hpe Tai 300 daram wang da ai
mung, dai shana na laru marang kaba e lawt mat wa ma ai da. Kyuhpyi mahtai rai
sai. Anhte a shawnglam Share Ninghkring ni chyawm me, aga kaduk kata rawng ai
nau na sai majaw, shan tsit kan tit re ai ana ni byin wa ma ai da. Yehowa jaw
ai tsi lu shaja na matu hpaji jaw dat sai. Ginjaw hpe wan shawng nat kajawng
nna, shang gasat yang she loi na re ngu nna, ginjang tam na Tai kaichyan ni
shakut nga ma ai nga nna mung, tsun garu nga ma ai. Dai majaw, Ginjaw hte
Shawnglam a matu Kyu grai hpyi nga ga yaw. Hpa n ra u ga.
Bai,
Mali Zup hka madim galaw na bai zawzang nga ai shiga n teng ai nga nna, Mungkan
de, ucsifjynfe,f&kH;? wm0ef&SdolwpfOD;
ngu,
tsun shabra masu nga ma ai re yaw. Zawzang taw nga ai gaw 100 % hpring teng nga
ai sha re. Hpyen yen kau da ai kahtawng ningchyawng hkan, lawu ga na matsan
mayan ni hpe lanep wa hta magawn sha shangun ai mung laksan ladat rai nga malu
ai. Arung arai ni gumhpraw ni htawm wa ai lawu ga masha ni hpe lu rim nna,
warning jaw dat ai mung kade lang she rai masai da. Lawu ga e jan gri nna galaw
lu galaw sha grai yak ai majaw asuya e nan daihku galaw shangun ai re nga ma ai.
JIC: read++more+++
