LAIZA MUNG SHAWA ZUPHPAWNG

KIO awn woi awn let, ya yang byin nga ai dinghku majan hte seng nna myen
mung ting nga ai Jinghpaw Wunpawng Sha ni a ning mu hkam la ai zuphpawng hpe
July 11 ya jahpawt hkying (8) ten kaw na galaw hpang wa ai gaw ya dai ni du
hkra re lam na chye lu ai. N dai zuphpawng hta Myen mung shara shagu ga ai
Jinghpaw Wunpawng Myu Sha Dak Kasa ni, Nawku Hpung shagu de na Hpung Woi
Myitsu Salang ni sa du dung lawm ai re lam hte, n dai zuphpawng hta sa du
shang lawm ai myit su n kau mi gaw gap ai lam jahkring nna simsa lam la na
matu tang shawn wa ai rai tim, du sa ai shawa masha law malawng gaw matut
nna gap gasat na lam ja ja tang shawn lai wa sai lam hpe mung na chye lu ai.
Wunpawng Mungdan Shanglawt Asuya KIO/KIA kawn mung shawng lam majan a matu
yawng jin jin re lam na chye lu ai.