Ahkaw ahkang daw II(INDIA KAW NGA AI JINGHPAW AMYU SHA NI.)

India mungdan kaw Jinghpaw amyu sha ni gaw, ASAM hte ARUNACHAR mungdaw ni hta shanu nga ma ai. Ndai shara
ni hta Jinghpaw amyu sha ni gaw shaning law law kaw nna, du shanu nga sai. Ndai Jinghpaw amyu lakung ni gaw, moi kaw nna, shan hte a lamu ga ni hte ya du hkra, n daw, n hka rau nga lu ma ai.
INDIA mung gaw shanglawt lu ai mungdan kaba rai nna, Jinghpaw ni mung, dai shanglawt lu ai mungdan kata kaw, shanhte a laksan ahkaw ahkang lamu ga kaw shanu nga ma ai. India na Jinghpaw ni a ahkaw ahkang hpe bai yu yu ga.
1. India nga Jinghpaw ni gaw, mung masa galaw lu ai ahkaw ahkang nga ai. Shanhte nga ai buga ginra hta shan hte nan ra
lata poi shang shingjawng na ahkaw ahkang nga ai. Shanhte shanu nga ai shara hpe shanhte ra lata dang jang, shanhte nan up hkang mai nga ai. Mung masa hpung hta shanglawm shamu shamawt mai ai.
2. Shinggyim ahkaw ahkang nga ai. (masha n law ai majaw, n law ai amyu ni gaw, n gun n nga ai lam gaw, nga ai.)
3. Tinang htunghkring hpe wanglu wanglang,galu kaba hkra galaw na, makawp maga na ahkang nga ai. Makam masham
lam hta wanglu wanglang kamsham na ahkang nga ai.
4. Hpaji hparat hpe wanglu wang- lang sharin na ahkang nga ai.Tingyeng jawng ni hpaw nna, sharin na ahkaw ahkang nga ai. Tinang Jinghpaw laika hpe asuya jawng kaw nan sharin lu ai ahkaw ahkang nga ai.
5. Wanglu wanglang hkawm sa na ahkaw ahkang nga ai. Wanglu wanglang ja hpaga ga na ahkaw ahkang nga ai. Wanglu
wanglang tsun shaga na ahkaw ahkang nga ai. Wanglu wang lang laika dip shapraw na ahkang nga ai. Wanglu wang
lang rem lu rem sha, hkai lu hkai sha na ahkaw ahkang nga ai.
6. Tinang lu tarn ai sutgun, hte dum nta lamu ga ni hpe shim ai hku madu da lu ai ahkaw ahkang nga ai.
7. Jakrung jakrai ni hpe madu a mying hte shan hte a ginra kaw shachyaw lu ai ahkaw ahkang nga ai.
8. Ya du hkra Jinghpaw mungdu ni shanhte a lamu ga hpe madu nna nga na ahkang nga, makawp maga da ai lam nga ai.
(Hpalap hte kaga hkai n mai hpe hkai lu hkai sha nna, kan bau nga ai.) Makam masham gaw, bukda hte nat hpe kam
sham ai ni law ai.) Ndai gaw, India mung kaw shanu nga ai, Jinghpaw amyu ni hte Jinghpaw buga a lam re.
Naw matut na Daw II de