************************************
Mung shawa Pat Jasan hpung hpe hkap gap gasat ai hta BGF dap ni asan sha shang lawm nga sai lam BGF hpyen hking hte hkrak re hpyen la langai hpe Pat Jasan hpung ni lu kamu rim da sai re. Ya na zawn Pang Wa BGF dap kawn Pat Jasan hpung ni hpe hkap gasat na matu BGF hpyen la (1) hpe ta lang Kai Lang Bom (2) hpra, pala kaji (160) hpra htuk da ya ai re lam na chye lu ai. Ya na zawn laknak n'lang ai mung masha Pat Jasan hpung hpe sinat laknak Bom ni hte hkap gasat ai lam gaw Mung shawa a hpyen majing rai nga ai.
Ndai lam gaw myen asuya a mahkam kaba rai nga ai, kade nna yang BGF hte P.T.Ts dap ni hpe mara kaba shagun nna yawng dawm zing kau na matu myen asuya gaw hkyen shajin nga sai lam na chye lu ai. BGF hte P.T.Ts dap ni hpe ma hkra laknak dawm kau nna Pang Wa ginra ma hkra hpe myen hpyen ni hkrai yawng madu sha kau na matu PJS hpung ni hpe myen asuya gaw jai lang nga masai. Pang Wa BGF a prat gaw ndai kaw htum sai.
Wunpawng sha ni galoi she Myen a mahkam hta na lawt lu na kun..........?
