2016 Ngwi pyaw ai awng dang ai shaning nnan de

2016 shaning gaw jinghpaw wunpawng myu sha ni a matu awng dang lam law law lu la u ga kyu hpyi dat nngai law..

Shawng nnan American mung dan hta shanu nga ai Jinghpaw wunpawng myu sha ni a labau shang magam bung li nkau myi hpe tsun dan mayu ai.

Dai ning 2016 gaw Jinghpaw wunpawng myu shani a Myu sha hte seng ai ''Dat Kasa'' rung hpe Washington DC mare kaba kaw e  labau shang hpaw hpang wa sana re lam Kabu hpa chye lu ai.
Ndai Rung ( office ) gaw shawng nnan lang na USA kaw tara shang hpaw hpang wa na Myusha hte seng ai rung(office ) re hpe mung chye lu ai.

Ndai rung byin tai wa lu na matu Kachin Alliance woi awn let 2ning ram shakut laiwa sai lam chye lu ai.
Grau nna gaw USA mung dan hta shanu nga ai hpu shawng hpuna,Kanu,Kana ni, Naw ku hpung yawng,Uhpung uhpawng yawng hku nna, Myushalam hte seng ai rung a matu yawng jawm garum ,hpaji jaw ai lam a majaw ya na zawn Myu sha yawng a matu Akyu jashawn na ''Dat kasa rung'' byin tai wa lu ai lam rai sai.
Matut nna mung hpaji jaw n gun jaw,Garum la ga ngu nna mung gasaw dat nngai law.
Rung Hpaw poi hta yawng sadu shang lawm na matu ,seng ang ai myit su ni kawn saw shaga ai lam mung galaw na re lam chye lu ai.

American Mungdan hta Uhpung uhpawng, Nawku hpung hte seng nna nru nra,nang shaoi nang sha re ai lam ni nga lai wa rai tim,
Ta tut hta gaw Myusha ni yawng  myit hkrum let ,Galaw ra ,Galaw ging ai Mu, magam bungli ni hpe galaw awng dang ai lam hpe mu lu nga ai.

Florida state zawn re mare kaba hkan e Jinghpaw wunpawng myusha ni madu ai Naw ku jawng Kaba ni mung lu galaw shachyaw tawn sai rai nga ai.Matut nna Texas state hte ngam ai state hkan e mung Tinang Myusha hte seng ai Naw ku Jawng ni gawgap sawa na masing nga ai hpe chye lu ai.

Mungkan Mungdan shagu hta du nga sai Myusha ni yawng Tinang Amyusha Kachin a matu Labau shang masat ni lawlaw gaw gap sawa galaw.