Myitkyina muklum, muklum ginra (city hall) hta wireless internet promotion lamang hpe 2 september 2011 (Hpan) ya shani hkying 9:00am kaw nna 11:00am lapran galaw ai lam chye lu ga ai. Ndai lamang hpe Digicom Communication Co.,Ltd kaw nna, hpaji ladat lit la let, Jadeland Myanmar Co.,Ltd gaw madu tai ya nna, jawm galaw ai lam chye lu ai. Ndai promotion hpawng hta Myen Asuya a Jinghpaw Mungdaw Asuya, Hkringmang Daju Slg. Lajawn Ngan Seng hte rau Mungdaw magam dap, hkringmang ni yawng sa du lawm ai lam mung chye lu ga ai.
Ndai hpawng hta Myen Asuya a Jinghpaw Mungdaw Hkringmang Daju Slg. Lajawn Ngan Seng kaw nna hpawng hpaw mungga shaga ya ai lam mung chye lu ai.
Ndai Jadeland Myanmar Co.,Ltd hte Digincom Communication Co.,Ltd a wireless internet jasat madang gaw Jinghpaw mung aq muklum Daju, Myitkyina muklum kaw nna sinpraw dingdung de Washawng mare duhkra, sinpraw dingda de Garayang mare duhkra, dingdung de Aung Myay Thar duhkra, dingda de Shadau mare duhkra, sinpraw de Waimaw muklum duhkra lu lang na re lam chye lu ai. Ndai masing hta phone hte internet lahkawng yan hpe jailang mai nna, intenet jailang lam hpe madung tawn ai lam chye lu ga ai.
By:kachinlandnews.com
