KCF GA:Ndai september shata na shawng nnan na bat hpang e American mung dan Georgia hte Florida Jacksonville kaw shanu nga ai Jinghpaw wunpawng myu sha nkau mi gaw Rau zin lum let Georgia Decatar Slg Dabang Ah gyung a nta kaw e zahpawng galaw lai mat wa sai lam chye lu ga ai.
Georgia kaw shanu nga ai Jinghpaw wunpawng myu sha ni hku nna Myit hkrum let jinghpaw wun pawng u hpung u hpawng hpe hpaw ning htan sa wa na lam myit hkrum da sai lam chye lu ai.Dai hpang Florida Jeckson ville kaw nga ai Myu sha myit su ni hpang
de lam woi madun ya na lam shana sai hte maren,Jeckson ville Kachin Baptist Church Florida kaw na hpu nau Kanu kawa myit su ram ma marai (10) sadu nna n gun jaw hpaji jaw let Karai kasang kaw kyu hpyi shaman ya ai hte Kachin Christian Fellow ship Georgia ngu nna hpaw shagrin da ya lu sai lam chye lu ga ai.
Hpung hpe hpaw hpang wa ai masat masa hku nna alu gum hpraw $500 hte mung JKBC Florida kawn nna kumhpa garum ya sai lam mung chye lu ai.
Hpawng a lamang ni hta Florida JKBC kaw na du sa ai ,Dr. Rev: Gam Seng Shae hku nna kyu hpyi shaman ya ,Poi daw jaw ai lamang hte Hpung tau Hkyet Zau Tang,Hpung tau Hpau wung David Brang shawng,Sara Num Dr.Jahpa hte ram ma ni hku nna n gun jaw hpaji jaw rai alum ala rai hpawng hpe ngut kre la lu sai lam chye lu ai.
Hpawng hta yawng marai 50 jan sadu nawku shang lawm sai lam chye lu ai.
KCF GA a yaw shada ai lam gaw Makam masham Wenyi lam sha n ga Myu sha lam ,Hpaji machye machyang,myu sha shada hku hkau zin lum garum shing tau sa wa na lam,Maigan mung dan hta tinang amyu ga,Laika nmat mat ai sha lam shagu hta kung hpan wa na lam ni re hpe chye lu ai.
Jing hpaw Wun pawng ga hku nna hkaw tsun ai Hpung sara,Jau hte myu sha ning baw ni yawng hpe KCF GA kawn hkap tau la na re lam mung chye lu ai.
JKBC shiga
Bai nna JKBC Florida Kawn laimat wa sai laban 25 sep 2011 shani Wunpawng mung dan hte myu sha share shagan ni yawng a ntsa Yehowa Karai Kasang bau sin makawp maga let awng dang sim sa lam lu uga matu hkying hku 24 kyu hpyi ai lamang galaw lai wa sai lam chye lu ai.
Florida mung daw e Jinghpaw wunpawng kaji kaba machyangai yawng marai 800 hkawt shanu nga ai lam mung chye lu ai.JKBC naw ku hpung masha gaw 300jan ram rai nna bat shagu naw ku sa ai gaw marai 150 grup yin re lam chye lu ai.
JKBC florida Gaw Naw ku hting ra mari da n htawm Jing hpaw wun pawng hkalup hpung Naw ku hting nu gaw gap hpang wa sai lam chye lu ai.Tsin yam hte Buga de garum ning tum hku nna gaw KDF (Kachin Development Foundation )kawn lit la garum ya nga ai lam chye lu ai.
USA Mungdan ting a gawng malai hku nna KAA ( Kachin American Association ) kawn mung Tsin yam ni hpe garum ya nga ai lam chye lu ga ai.
Kachin Christin Fellowship Georgia a lam
Hpaw hpang kyu hpyi shaman la ai ning htoi (9/11/2011)
Shara : American Mung dan Georgia mung daw
Hpung woi hpa awn ni:
Ning Baw : Slg Awng lat
Ning tau ning baw : Slg La Pa
Amu madu : Slg Awng Hkun Li
Ning tau Mu madu : Slg N Hkum Zan Awng
Jahpan jum /Jahpan jep
Slg Jan Nin Zi,
Slg Jan Marip Roi Ja
Slg Jan Ding sa Roi Tawng
Matut mahkai (media)
Slg Chyahkyi Gum hpan ndai ni re lam chye lu ga ai,
Shiga shana ya ai
Florida na hpung tau David hte Georgia na slg Chyahkyi gum hpan
