September (12) ya bat langai ya shana de Wunpawng Mungdan Shanglawt Asuya a myu tsaw hpyen hpung ni kawn Nam Sam Yang mare e dap jung tawn ai myen tai hpyen a dap hpe sa shang hpya, wan nat kau ya lai wa sai lam shiga na chye lu ai. N dai Nam San Yang kaw dung ai myen dap ni gaw (142) ni re lam hpe mung chye lu ai.
Bai, U Raw Kawng kawn yan hkrat wa ai myen hpyen dap ni hpe KIA Dap Nawng ni htim gap ai majaw myen hpyen la (20) jan si hkrum lai wa sai lam mung na chye lu ai. N dai zawn gap hkat ai hta myen ni gaw Dum Bang Bum kaw nna a myawk kaba ni hte bai matut gap bun wa sai lam, n dai zawn gap hkat ai a majaw dai na hkan mung gap gasat ai lam bai byin wa lu ai lam shiga matut chye lu ai.
---------------------------------
---------------------------------
PAJAU NAHPAW DE MYEN NI HELICOPTAR HTE LU SHA HTAW SA RA
September (11) ya shani hkying 12:30 ram hta Pajau Nahpaw de dap jung tawn ai myen hpyen la ni hpe myen asuya kawn Helicoptar hte N gu hte malu masha ni wa sa ya ai lam shiga na chye lu ai. N dai zawn helicoptar hte malu masha ni sa ya ra ai lam gaw, Pajau Nahpaw de dap jung da ai myen dap ni hpang de n gu hte malu masha ni htaw sa ya, sa gun la re hkan KIA Myu tsaw dap na Sniper hpung ni lam lapran hta gap kau ya ya rai ai majaw ya na zawn n bung lam hku sa ya ai re lam chye lu ai.
-------------------------------
By:JPkasa
-------------------------------
ZI KAHTAWNG KAW GAP
Laiwa sai September (9) ya bat manga ya shani Nam San Yang makau na Zi Kahtawng hta Wunpawng Mungdan Shanglawt Asuya a Dung (18) hte Mung Shawa hpyen hpung ni kawn myen tai hpyen ni hte hkying hkum (5) ram gap hkat lai wa sai lam shiga na chye lu ai. Jahpawt hkying (8) ram kaw na shani hkying (2) ram dum hkra gap hkat lai wa sai lam, n dai zawn gap hkat ai hta myen hpyen la (2) hpe jahkrung lu rim la lai wa sai lam shiga matut na chye lu ai.By:JPkasa
