KIA masat (3) Dapba npu masat (1) dapdung hte masat (15) dapdung lapran ginra, Lungja Kawng hta 28 August 2011 (Majoi) ya shana daw hkying 2:00 jan ten kaw nna KIA masat (15) dapdung hte Manmaw muklum kawn lung wa ai Myen hpyen n-gun 200 jan grup-yin rau majan laja lana byin nga ai lam chye lu ga ai.
Myen Asuya, Hpyen Dap ni kaw nna Lungja Kung Post de sinat kaba ni rau gapsharut bang taw nga ai lam mung chye lu ga ai. KIA hpyen dap kaw nna mung laja lana ninghkap gasat nga ding-yang re ai hpe shiga na lu ga ai. Ndai hpyenman de Myen Asuya, Hpyen dap ni Manmaw hku nna, dapdung 4-5 na hpyen n-gun kahkyin la nna shang htim nga ai lam hpe mung chye lu ai.
Myen Asuya Gumsan Magan Theing Seing kaw nna Myen Mungdan dinghku simsa lam galaw sa wa na re nga nna ga dat nga ai ten hta ndai zawn Myen Amyu sha n re ai, laga hpunau Amyu sha ni a ginra de Myen Asuya, Hpyen Dap kaba a laqba n-gun hte htim gasat nga ai lam gaw ding-yang rai nga ai. Dai majaw laga hpunau Amyu sha Rawt Malan Hpung ni a matu mungdan dinghku simsa lam hpe jet ai tengman lam masa hku mu na matu yak nga ma ai.
By:Kachinlandnews.com
