Gap hkat jahkring lam tsun tim myen gaw Kachin ni hpe ya dai ni du hkra zing ri ding yang ,Lawu na shiga yu ga

WANLENG LAM MAYAN SHANA N MAI PRU
N dai laman Jinghpaw Mung Wanleng lam mayan na mare kahtawng ni hta Myen hpyen ni kawn shana n mai pru na lam ni n dau wa sai hpe chye lu ai. Mohnyin, Mohgaung, Hopin hte Hpakant ginwang ni hta n dai zawn galaw ai re lam bai mare buga masha ni hpe mung Porter lahkawn ai lam ni nga ai lam na chye lu ai. Hopin kaw dung ai Hka la Ya (40), (389), (388) ni kawn shana n mai pru na lam matsun wa sai nga buga masha ni kawn chye lu ai. Hpakant Ginwang maga de gaw myen ni porter grai lahkawn taw ai majaw buga masha ni grai hkrit tsang nga ma ai lam buga de na shana wa ai.
--------------------------
MYEN NI ROI RIP AI LAM
August (9) ya shani hta Wai Maw kaw na deng 20 tsan ai , Sadung sa ai lam kaw na Bum Tawng kahtawng kaw na Lisu hkan nu, Kanu asak (39) ning hte Kasha asak (17) ning hpe myen dap (37) na myen hpyen la ni shannu wa ni a n ta kaw nan chyawm roi rip nna sat kau wa sai lam shiga na chye lu ai. Kawa (asak 44) hpe gaw adup zingri nna gap sat kau ma ai lam, dai hkan nu wa ni gaw mare htum pa, myen dap hte ni ai kaw nga nna yi sun hkau na madung galaw sha nna nga ai ni re lam hpe mung chye lu ai.
By: Jinghpaw kasa blog