Ndai lang byin ai majan hta gaw, moi de prat tup majan kade byin hkrum tim, n htawt ai Rev. Lamung Naw Htoi (Ga Ra Yang), hte Rev. Dashi Brang (Ga Ra Yang) yan mung hkrap myi prwi hte hpung masha ni hpe woi lakawn nna, Njang Dung buga de hprawng du wa masai, nga nna buga masha ni tsun wa ma ai.
Myen Hpyen Dap hku nna, Jinghpaw Mung shawa hpe laksan gasat na matu lawu ga na laksan hpyenla tsasam ni hpe shangun dat ai lam shiga na lu ai.
Jahkrau Loi Seng hkan mung mu mamu mare masha ni hpe hkan gap taw ai lam chye lu ai. Dai majaw, dai kahtawng mare hkan na mare masha ni gaw ni nawn ai shara de hprawng yen mat sai lam chye lu ai. Masha kade si sai hpe gaw matut nna sagawn nga ding yang re ai lam chye lu ai.
Ndai zawn matut nna, grau grau laja lana byin wa na rai yang gaw, Mung Shawa yawng nga manga sinat lang nna ninghkap ra na re ai lam mung Buga masha ni tsun wa ma ai. Ndai shiga ni hpe matut nna sakse sakgan hte hkrak Mungkan de tang madun lu na matu mung, Mungdan kata, shinggan nga ai amyu sha yawng lit la sa wa na matu, Buga kata kaw nga ai myitsu ni tsun shana wa ma ai.
BY: BUGA SHIHTAWN BLOG
