1. Ginru ginsa lamu ga madu, shadip shahpang ahkaw ahkang lu ai amyu ngu nna labau hta sakse nga ai.
2. Lamu ga dam lada nna nhprang sut hpring tsup ai ginra madu ai. Lamu marang shaning tup kaja ai, lu hka n-taw ai, shawa jahpan law gabrat ai lam n-nga ai (over population).
3. 21st Century hta ahkyak htum Mungkan ga na lamu ga ginra kaw shanu nga ai. (1.37bln Miwa, 1.31bln India, hte 625mln ASEAN a lapran na ginra.)
4. Mungdan Kaba ni hte Mung masa ginsup wa yang Myen Mungdan ting hpe Mung masa/Hpyen Masa hte shading sharai mai ai ginra.
5. Hkristan Makam masham hte Htunghkring masa lam hta zinlum nna Mung Masa lam hta mung woi awn ai Gindai nga nna, woi awn na atsam nga ai Ningbaw ni hpe mung shawa malawng madi shadaw ai.
6. Hpyen masa hta mung Southeast Asia dan hta ning tawn htum / magrau grang dik jahpan hta lawm ai.
7. Burma's National stability (Mungdan simsa) lam hpe hkra machyi hkra adawt lu ai atsam nga ai.
8. Hpu nau bawsang ni hpe woi awn nna (collective bargaining) pawnghpawm mung masa hpyi shawn chye ai.
9. Mungkan Rapdaw, Maigan mungdan ni, Hkristan Nawku Hpung Daju ni hte mung diplomacy kyithkai masa nga ai.
10. Ra ang ai madang du hkra laknak n-gun hte Mung shawa madi shadaw shanglawm ai n-gun nga ai.
11. Myen Hpyen Dap/Asuya gaw Mungdan ting a singular/anchored power (Ninggawn n-gun daju) tai lu na matu gaw KIO/KIA hpe shamyit/shamat kau ra ai ngu mu ai.
"Thucydides Trap" nga mung masa theory re.
Lahta na 1-10 hta na ahkyak ai lami laman ni naw nga ten hta mai kaja ai Mung masa shingwang de lu shang wa hkra shakut na matu gaw nang ngai yawng ai lit nan rai nga n-ngai.
