Wunpawng Mungdan Shanglawt Hpyen Dap kaw nna, Mungdan ting de tsaw dik sadi maja ten masat matsun dat ai lam chye lu ga ai. Ya ten Myen Hpyen ni hte shada maja nga ai kaw nna madang tsaw dik masat nna tinang uphkang ginra shagu de mi na hta grau shim lam jahkrat galaw sa wa nga sai lam chye lu ai. Lai wa sai, shata man 1 hta tinang ginra de ahkang n jaw ai shang wa ai majaw Myen hpyen dap, dap dung up langai si hkrum sai re. Ndai laman hta mung Dap ba 2 npu dapdung 14 ginra Hkadang post makau hta Jahtu Zup hkridun Myen hpyen ni gaw amyawk kaba gap jahkrat nna, minit 10 laman sinat tat ai re nga nna hpyi-nem wa ai mabyin ni byin lai wa sai. Bai ndai bat hta sha Dapba 5 npu, dapdung 25 ginra de Myen hpyen ni kaw nna sinat kaba gap satu ai lam ni galaw ai majaw KIA, Dailawn Rung kaw nna laja lana aming shapraw sa wa ai lam chye lu ai.Ndai ten gaw Jinghpaw Wunpawng amyu sha ni yawng a matu yup-tung hpa-wa ten rai nga ai. Ndai ten hta n yup si mat na ahkyak nga ga ai. Shada jahpyak n kawng hkat nna ninghkaw jan pru wa ten hta yup malap taw ai amyu ni n rai hkra jawm sadi maja madi shadaw sa wa ra ai ten rai nga sai.
----------------------------------------------------
Dap 11 hte sam pai hkan myen hpyen ni hte Gap hkat nna myen hpyen ni mung 10 jan dang si hkrum ai lam soi sam na lu ai.myu tsaw shagan nkau myi mung nma grai sawng ai lam gahtap na lu ai.
----------------------------------------------------
