Yaten na mung masa shiga ndai Blog kaw hti yu ga

http://jinghpaw.ning.com

Mung Masa Pati Ni Hte Seng Ai Upadi Shapraw Sai

Lai wa sai March shata praw 8 ya shani na Myen Mung Shi Laika kaw e, Mung Masa Pati ni hte seng ai Upadi shapraw dat ai lam ndau lai wa sai rai nga ai. Dai Upadi hta e, Mung Masa Pati ni gara hku hpaw ra na, ganing re ai masha ni hte hpaw ra na, ganing re ai masha ni hpe sha Pati shang masha hku hkap la ra na, ngu ai masat shadawn jitna ni tawn da ai lam chye lu ai.
Grau nna gaw, Pati hpaw ninghtan mayu ai wa, shing n rai, Pati shang masha tai mayu ai wa gaw, Htawng hkrat taw ai wa, shing n rai, ya ten Ari Jaw hkrum da ai ni n mai lawm ai nga nna masat da ai re majaw, Ya ten hta, Myen Mung a
Mung masa shawng lam kaw tsap nga ai, NLD Pati hpaawn malawng maga n mai lawm mat na hku rai sai nga nna, tsun jahta taw ai ni mung nga nga ma ai.
Bai nna, Pati Hpaawn ni hte Pati shang masha ni gaw ya nga taw ai Gawda Tara hpe tup hkrak makawp maga na hpe myit hkrum ta masat htu ra ai, ngu ai mung lawm ai majaw, ya ten Gawda Tara hpe byeng na matu tsun nga ai ningbaw ningla ni hku nna yak wa na re ai lam mung tsun nga ma ai.
Ya nga taw ai Pati ni mung matut nna grin nga lu na matu nhtoi 60 ya laman Commission kaw nna hkap la ai rai yang Mying Jahpan Bang mai ai lam masat da ya nga ai. Raitim, dai Commission gaw kadai ni hte hpaw na, galoi hpaw na, ngu ai mung garai n chye shi ai laman nhtoi 60 ya laman tang shawn ra ai ngu ai gaw, n mai byin ai masa hpe hpaw da ya ai lam re nga nna tsun ma ai.
Commission hpaw na hte seng ai Upadi hta mung, ya na masha kaba ni yu ra shingni lawm ai wa rai ra na, ngu ai gaw kaja nan tengman rapra ai commission hpung gaw n rai na re, nga nna tsang taw ai ni mung grai law ai rai nga ai.
Anhte a shawng lam gam maka hpe Karai Kasang sha she lam woi ya mi ga.