Saturday, February 6, 2010

Hugawng rawt malan poi du shang lawm

Mungkan mungdan shagu shanu nga ai jinghpaw wunpawng myusha ni yawng dai ni na ten hta tinang myusha ni a lawt lam ,ahkaw ahkang a matu shakut nga ai rawt malan poi hpe galaw nga ai ten ning htoi Mali kaja rai nga mali ai.
Malaysia Mung dan du nga Jinghpaw wunpawng myusha ni mung KNO hte KRC rau ta gin dun let galaw ai lamang hta shang lawm sai.Shiga hkum hkra gaw Kachin land ndai kaw hti yu ga.
Saw shaga da ai gaw grai law tim ndai mung dan masa ya ten rim ai lam a majaw Law malawng nlu sa ai lam chye lu ai.
Ngai hu gawng gaw laimat wa sai shaning 20ning jan e ning rai rawt malan poi hpe htaw nam kahtawng shalawt da ai gaiwang ginra ni hta shang lawm lai wa sai.Ma prat ten na rawt malan poi ni hpe ya du naw dum shing ran ai.Grai mung myit rawt nngai.rai tim an hte tsun jahtau ai myu sha ni a lam hpe kadai mung na ya ai lam,chye chyang ya ai lam nau nnga ai.
Dai ni na ten gaw Prat galai sai.Mung kan ting hpe chye na hkra mai galaw sai rawt Malan poi ni de du sai.Myusha ni hpa majaw rawt malan ai.Hpa majaw lawt lu ra sai ngu hpe nang ngai wang lu wanglang mai tsun jahta sai.mungkan mungdan shagu myusha ni a lam dan leng lu hkra shaman ya ai Hpan Wa Karai hpe mung chye ju dum ai law.