Jinghpaw Wunpawng Ga Malai Ni

KTC SHIGA LAIKA KAW NA RE
Ga malai ngu ai gaw, moi moi na kaji
kawoi ni a matsun maroi ga, sadi jaw
ai, shadum sharin ga ni re. Hkansa galaw
ra ai, koi yen ra ai, myit sawn sumru
hpa hpaji ga ni rai nga ai.
Ga malai a atsam: Ga malai gaw
masha a myit masin hpe hkra shangun
lu; matsing mat wa shangun lu ai; ga
shaga yi-ngam grai sa shangun ai; tangdu
shangun lu ai; ga kadun hte tsun shaga
lu ai; ga lachyum hpyan shaleng ya lu ai.
Ga malai nkau mi hpe, moi na mung
bawng rap daw ni hta, dawdan tara hku
lang chye ma ai.
Ga hte malai tsun numhtet da
ai hpe, ga malai nga ma ai. Amyu langai
mi a sali wunli langai mi mung re. N
jahtuk ai hku lang ai ga malai ni nga ai
zawn, jahtuk nna tsun ai ga malai ga
shagawp ni nga nga mali ai.
Amyu lakung shagu a, manu
dan ai ga malai ni hpe mung, lata tang
dan mat wa na re.
• Myit yang mang ai, Galaw
yang dang ai.
Mang ai a lachyum—mau ai,
nhkawn hkrang ai. Magam bungli langai
mi hta, manghkang hkrum wa ai shaloi,
myit sha myit nga yang, mahtai kaja hpe
n hkawn hkrang lu ai. Raitim
manghkang hpe matu tam nna, myit n
htum ai sha tatut shakut shaja galaw
yang, kade kaba ai bungli mang hkang
raitim, hpang jahtum e awngdang lu nga
ai hpe n-gun jaw ai ga re. (Ga malai ga
shagawp hpan re).
• Lagawn e lu ai gaw yup; Yup
e lu ai gaw ngak; Ngak e lu
ai gaw hkaw; Hkaw e lu ai
gaw htung; Htung e lu ai
gaw du u.
Masha gaw lagawn jang yup ja
ai. Nau yup ai masha gaw, sha ayup
mayu nga ai ana (ngak) byin wa chye ai.
Jinghpaw Wunpawng Ga Malai Ni
Ngak byin sai masha gaw, lahkawng
masum ya shat n sha hkra yup nga lu ai
ana (hkaw) de gale wa lu ai. Hkaw byin
nna, yup hkrai bai yup jang, hkum bum
ai ana (htung) de bai gale wa lu ai.
Htung ngu ai byin sai hpang gaw, du u
hkyen da ya ra sai nga, ma ni hpe n mai
lagawn ai lam shadum ai ga re.
• Marai masum myit hkrum
yang, Panglai nawng pyi
htawk dang ai.
Panglai nawng a lachyum—
panglai zawn dam ai nawng kaba.
Marai masum myit hkrum yang, panglai
zawn re nawng kaba hpe pyi, htawk
dang kau lu ai. Myit hkrum ai gaw, awng
dang ninghpang re ngu ai hpe shadum
ai ga re.
• Dayauk da chyik, Lanyau
myaw chik. (Lhaovo)
Lanyau gaw kachyi chyi rai nna,
shi a myi man hpe myit shangut la chye
ai zawn, lajen ren shawa lata brawng
jawm galaw yang, kaning re bungli kaba
raitim ngut mat wa lu ai hpe n-gun jaw
ai ga re.(Ga malai ga shagawp hpan re).
• Matsan nngai ngu hkum
hkrap, Lu nngai ngu hkum
kadap.
Matsan dik nngai ngu hkrap
nga yang, hpa byin wa na n re. Ba hkam
let bungli galaw shakut yang sha lu su
nga mai wa lu ai. Lu su nngai ngu
arawng mala, raidum nna bungli n
shakut ai nga nga yang mung bai matsan
mat wa lu ai hpe shadum sadi jaw ai ga
re. .(Ga malai ga shagawp hpan re).
• Hpunau myit hkrum hpyen
n shang, Wuloi wula myit
hkrum sharaw n dang.
Kahpu kanau (sh) buga masha
ni myit hkrum mangrum, kahkyin
gumdin nga yang, kaning re hpyen
mung, kata de n shang shalau lu ai. Dai
zawn wuloi wula ni myit hkrum nga
yang, matse ai sharaw mung n shang
kawa lu ai. Myit hkrum ai hte hpyen
hpe makawp maga lu nga ai lam
shadum ai ga re.
• Masha garum ai hpe
matsing da u, Tinang garum
ai hpe malap da u. (Lisu)
Masha wa garum ai hpe
matsing da nna, chyeju dum chye ra ai.
Tinang garum ai hpe bai tsum
shadawng, arawng mala re ai lam gaw,
tinang a sari hpe jahpoi lam sha rai nga
ai hpe sadi jaw ai ga re.
• Hka garai n kaba yang,
mahkrai htan ra ai. (zai
wa)
Hka garai n kaba yang, htan ra
ai mahkrai hpe aloi sha galaw kau lu ai.
Aten shalai nhtawm hka kaba yang
mahkrai htan ai rai yang jamjau kaba
hkrum chyen nga ai. Aten naw nga yang
galaw shangut ra ai bungli hpe, ngut kre
hkra galaw ra ai hpe sadi jaw ai ga re.
• Hpyen wa a kumhpa gaw
hkrit hpa re. ( Rawang)
Hpyen wa nga ai hte maren, shi
kaw na lu la ai kumhpa mung, myit kaja
hte jaw ai n re majaw, sadi maja ra ai
hpe sadi jaw ai ga re.
• Aga lai yang hka tai, Ajum
lai yang sha n mai.
N tsun ang ai ga ni hpe tsun
yang hka (shawa) hkrum chye nga ai.
Dai hte maren jum lai ai simai mung
sha n mai nga ai.Ga tsun shaga ai hta n
lai hkra, sadi let tsun chye ra ai hpe sadi
jaw ai ga re. (Ga malai ga shagawp hpan
re).
Tang madun ai,
Sinlum Bum Dau Hkawng
KTC, Nawng Nang

+++CLICK MORE+++
JINGHPAW WUNPAWNG SHILAI KA