တနိုင်းဒေသ(ဟူးကောင်းချိုင့်ဝှမ်း)အတွက်သတိပေးစာပါ။
၂၈.၃.၂၀၂၅
ဒီနေ့ ကျနော်တို့ နိုင်ငံတဝှမ်းလုံး ငလျင်ဒဏ်ခံစားနေရပါတယ်။ ပြင်းအား အနည်းနဲ့အများပဲ ကွာခြားသွားတာပါ။
ကျနော်တို့ တနိုင်းမှာလည်း ငလျင်ဒဏ်ကို အနည်းငယ်ခံစားလိုက်ရပါတယ်။
တခု သတိပေးလိုတာက
ကျနော်တို့ တနိုင်း(ဟူးကောင်းချိုင့်ဝှမ်းဒေသ)က ငလျင်ဇုန်အရပြောရမယ်ဆိုရင် Zone V (အပြင်းထန်ဆုံးဇုံ)ထဲမှာတည်ရှိနေတာပါ။ (ပုံ-၂ ထဲက မြေပုံထိပ်ဆုံးက အနီရောင်လေးထဲက (Zone V ထဲမှာ တနိုင်းမြို့တည်ရှိနေတာပါ))
ပုံ-၁အရ
ငလျင်ပြတ်ရွေ့တွေအနေနဲ့ပြောရမယ်ဆိုရင် Kaming S. (ကာမိုင်းပြတ်ရွေ့)နဲ့ Shaduzup S.(ရှဒူးဇွတ့်ပြတ်ရွေ့)ကြားထဲမှာတည်ရှိတာပါ။ (မြေပုံမှာဆိုရင် အပေါ်ပိုင်းမှာရှိတာပါ။
ဟူးကောင်းဒေသမှာလှုပ်ခဲ့တဲ့ ငလျင်ကြီးများ
၁။ ၁၉၀၆ ကူမွန်ငလျင်(ပူတာအိုငလျင်) ပြင်းအား (7.6)
၂။ ၁၉၃၁ ကာမိုင်းငလျင်
ပြင်းအား(7.58) ပုံ-၃
၃။၂၀၂၄ တဗျည်ချောင်းဖျား
ပြင်းအား(5.8) ပုံ-၄
ဒီငလျင်ကြီး၃ခုက အင်အားပြင်းထန်တဲ့ ငလျင်ကြီးတွေပါ။
အခု စစ်ကိုင်းဒေသကို ဗဟိုပြုပြီး လှုပ်ခဲ့ ငလျင်က Saging S.(စစ်ကိုင်းပြတ်ရွေ့)မှာ ဖြစ်ခဲ့တာပါ။ ပြင်းအား(7.7)။
အကျိုးသက်ရောက်မှု မြန်မာနိုင်ငံမှာ မကပဲ အိမ်နီးချင်းနိုင်ငံတွေအထိပါ သက်ရောက်မှုရှိခဲ့ပါတယ်။
အဲဒီငလျင်ကြီးရဲ့ နောက်ဆက်တွဲ ငလျင်တွေ ဆက်တိုက်လာနိုင်ပါတယ်။
အဲဒါဆို ငလျင်ကြောအရ ကျနော်တို့ရဲ့ တနိုင်းနဲ့ စစ်ကိုင်းဆိုတာ Sagaing Fault (စစ်ကိုင်းပြတ်ရွေ့ကြော)ပေါ်မှာတည်ရှိနေပြီး ဆက်စပ်မှုရှိနေတဲ့အတွက် ကျနော်တို့ရဲ့ တနိုင်းဒေသလည်း ငလျင်ဒဏ်သတိထားဖို့လိုနေပြီဖြစ်ပါကြောင်း အသိပေးပြောကြားပါရစေ။
By တနိုင်းဟူကောင်း သားမျှား ဆုံဆီးရာ
