UK london KNO myit su salang langai Malaysia jinghpaw wunpawng ni hpe sadu gawan

London Mare kaba e shanu nga ai slg Layang Hkun Htoi gaw Malaysia du Jinghpaw wunpawng myusha ni hpe sadu bawng ban jahkrup ai lam 26-05-2010/27-05-2010 laman galaw lai mat wa sai lam chye lu ai.
shi hku nna myusha ni yawng hpe hkrumzup bawngban hpawng galaw mayu ai lam nga ai.
Rai tim aten nlaw ai majaw seng ang ai ning baw ni hte lawk shagu hkrum zup hpawng hpe galaw lai wa sai.
KNO a galaw sa wa ai lam ni hte myusha yawng shang lawm gahkyin gumdin yang awng dang ai lam lula na re hpe tsun bawng ban laiwa sai.
Myit rawt ai Malaysia na Jinghpaw wunpawng ram ma ni hte mung ten gadun laman hkrum zup bawng ban lai wa sai.Myit rawt ai ram ma nkau myi gaw ya ten na Jinghpaw mung e byin hkrum ai ai,Malihka madim hte wunpawng ram ma ni hpe majoi mara kata rim hkrum ai lam hpe Ning hkap ai lamang galaw na lam,Myen dat kasa rung ni hta e n gun madun na lam ni bawng ban ai hku re.Rai tim Ya ten na Malaysia mungdan asu ya a jasat jasa hta hkan nna kasu kabrawng ai lam hpe gaw n galaw na lam KRC hte slg nkau myi hpaji jaw ai majaw,laga ladat hku nna sha musha masa hpe rau jawm galaw na lam chye lu ai.
Matut nna KNO de na hpu shawng hpuba ni hku nna Myusha hte mung masa lam hpe ndai mung dan du nga ai ram ma shayi shadang sha ni hpe sadu hkaw tsun n gun jaw lam woi la na lam hpe mung tang shawn dat ai lam chye lu ai.
Ya ten malaysia mung dan e Jinghpaw wunpawng Kaji kaba yawng 4000 jan du taw nga sai re.Law malawng gaw no. 3 mung dan de htawt sit hkyen sai ni mung rai nga ma ai.2009 hte 2010 laman UNHCR hta jahpan shang tawn sai ka ang hkup ram gaw process grai naw la na ra lam hpe mu nga sai majaw, maigan mungdan kaba e du nga sai myusha ning baw ni , dai mung dan asu ya kaw e laika tang shawn ai lam hta garum layang ,grai htap htuk na lam re hpe chye lu ai.