ShingDu UShoi KaDai Jum

 ShingDu UShoi KaDai Jum [3]
Udi matu tam shamat ai zawn gin sap tsip shanut hpe hpran aran magang di abrut mat ai zawn byin nga ai myen mung a shaning galu matut manoi byin hkrum hkra nga ai hpe dai ni du hpa majaw n’mai shazim lu nga ai kun?mabyin nga ai zawn mahkyen mung nga ai . byin chye ai masa re gaw galaw ai wa nga nan nga ai hpe yawng chye nga ai tim,kadai galaw ai ngu ai hpe gaw yawng myit shang sha ai the sagawn chyalu re.
Miwa
Awng San Baw jaw jang myen mung hta n’mai byin ai hpa mung n’nga ai nga Miwa ni n’gup kaw noi garu mying kaba lai wa ai, prat langai mi ban langai n’ga,ya dai ni du dai masa hta tsap nga ga ai .Mung chying masat, tara je yang ai rung,aming duru ahkang aya,lamu ga,sut hpaga lam,arung arai yawng hpe Awng san baw the kalai kau magang sai. dik dik si ari hkrum tim Awng san baw jaw jang mai lawt ai.dai ni myen mung masha ni gaw mare kaba a shingnawm de du mat ma sai hta n’ga,madu ni gaw mare shing nawm,manam ni gaw mare ka-ang e ning-ngai shajang nga sai. Miwa ni gaw Sam mung jinghpaw mung,myen mung a lamu ga the dum n’ta bungli galaw dabang yawng,n’hprang rai,ja maw,lung seng maw,tsi hkung Tsinan,dusat yam nga yawng hpe Awng sang baw madun n’na kalai madu la kau sai.dik dik mang hkang byin wa yang pyi miwa shut tim anhte mare madu n’ta madu ni hpang de tsap n’na kadai n’gwi shaga je yang ai daram Miwa a ahkang aya gaup dip nga sai.lamu ga mung tam shamat kau rai byin hkrum hkra nga ai myen mung masha ni gaw n’lu tim lu tim maigan pru she shaja magang rai nga ai jaw miwa gaw grau kabu magang byin nga ai n’lu n’lawm re sha gaw kade n’kam n’ja tim miwa lata de dut kau da ra sai masa kaba hta du shajang nga saga ai.mungchying masha ni gaw Miwa a kaup sha nga ai hpe n’kam hkam dik tim laknak hpai ai ni hpe hkrit ai jaw sharang nga ai.
N’dai zawn re matsan n’hkun kata kaw kaning rai sak hkrung hkra nga na rai ta?Dai ni Thein sein gaw singgu krin kaya n’su,labu palawng n’kap ai mungkan shing grup n’na [ Maw Hpyi ] hpyi lu hpyi shahkawm nga ai re.taw labu palawng mung n’kap ai shinggu krin hpa rai hpyi sha hkawm nga n’ta?Gum san sari pyi ahkayk n’la sai kun? Ngu san dat yang ,byin ai hpe byin ai hku madun ai re nga bai htan na sha re.n’dai zawn re matsan n’hkun kaw manghkang kade byin pru tim ahkyak la je yang gwi na kun?dai myen mung htumpa kaw na n’dung hkrun Miwa maza kanu a sha zingri hkrum nga ai hta n’ga,Miwa a gumhpraw hka law law a n’sa kaw sak hkrung tsap nga ai myen Thein sein asuya kaning rai n’na,Miwa the galaw tawn ai mang hkang law law hpe mai shazim gwi na ta?
Kala
Myen mung shanglawt grai n’lu shi ai kaw n’na,rudi tam tinang amyu a matu akyu ara hpe yu n’na bungli masing jahkrat galaw chye ai Kala gaw maji ai[ maji wahku] hta mying gumhkawng ai zawn mai byin yang hka n’tsin hpe pyi shen n’na lu na daram sawn ai kala gaw Miwa zawn atum apa ashan azin galau sha ai hku n’re sha, myen mung a laswi lasa,masin salum sai lam hpe gangwi madu n’chye hkra ahkyak ai ni hpe mayun hkumhpa jaw,salum jinghpa ushoi dun rai?myen a mying kaba ai ahkyak madung byin nga ai masha kaba du kaba ni hpe moi moi kaw na ushoi dun gang ashun tawn sai re dai kaw Aung san su kyi [NLD} mung lawm mat sai jaw dai ni na ten hta myen Thein sein asuya masu gaw lahkawng maga de hkrit tsang ra dik ai mahkam hta lu nga ai zawn grup grup de na bawsang the mayak law law gaw madi shakyin nga ai,ahkyak dik ai aming jaw je yang dat ai the rau hka kaba hpyi shakyin ai n’gatut hkra masa hpe lede achyaw wawde achyaw dat rai,n’shan 2 a lapran grup grup madi tawn sai ahparan yak nga ai .ndai hta 2 brang byin nga ai Myen myu sha ni a makam [Bukda ]the mung shawa gaw shangun sha hkrum nga ai zawn byin nga ai.N’dai mabyin hpe yu maram n’na annau ni a lawt lam tam mu wa lu na re,grau ahkyak ai daw ni hpe matut ka shalen ran kau ran a re jaw matut n’na daw 4 du naw ka hparan na.
Hkungga ai.
Baren Numraw.