Hugawng chye na la lu ai change we need

DEVELOPMENT GALAW NA MATU YA MALAYSIA KAW NGA AI JINGHPAW WUNPAWNG U HPUNG UHPAWNG NI KAW YAWNG HKUM TAW SAI.

KNO kawn mung myusha hte seng ai lam,myutsaw myit hpe grau nna systematic byin hkra zin lum na lm,KRC mung myusha ni a tsin yam lam hpe grau nna tang du hkra galaw lu nna myusha ni maigan madang dep ai lam de woi shalat na,Hpung hte seng ai ni mung Karai magam lam hta grau nna myusha ni lani hte lani chye na wa hkra, Karai a lata la ai myu ni re majaw karai ra ai hku nna hkawm sa ra na lam,Wunjat mung myu sha ni ning tawn nna jawng nlu lung mat ai ni hpe myu a ning baw ning la tai hkra ja gum hpraw hte garum nna, duwa na ten Myusha ni a Munkan madang dep ai jawng University ni gaw de na lam,
e ndai zawn re development changed byin na matu, dai ni an hte Jinghpaw wunpawng sha ni shakut nga ai lam rai nga ai.Laga mung dan shagu na myusha ni mung shakut nga na re ngu kam ai.

Slg: SAN YU NGUEN TSUN AI ga,

Ndai zawn galai shai wa lu na matu dai ni mung kan hta (Change theory) lam masum nga ai lam salang wa tsun dan ai hpe myit yu ga,an hte myen mung kata kaw gaw lam 4 ra ai hpe mu lu ai.dai gaw slg yu nguen shi bai kahtap nna shahkum dat ai lam re.

An hte gaw mying nchye shamying ai,shan hpraw,mai gan myu ni gaw hpa galaw tim mying grai chye shamying ma ai.

Daini mung kan e galai shai ra ai development hpe new technology ga hkum hku nna shamying ai lam nga ai, dai gaw ( change ) re.

American mungdan na Gumsan magam OBAMA wa pyi ( change we need ) hte ralata poi dang nna ya gumsan magam tai nga sai re,hugawng a ning mu sha re.

Change Theory (3)+(1)
Change comunity byin wa na matu: Cause to change; make different

Theory 3

1. personal = nang masha langai hpe change galaw mayu yang dai wa hte shawng hkau dik hkra galaw u.
gashadawn rama num hte la gaw sumtsaw byin na matu la wa gaw num jan hpe tsawra ai lam,hku hkau mayu ai lam tsun na rai nga ai,shaloi num jan gaw nang ngai hpe tsaw ra yang,nang salik malut lu ai lam hpe dawm kau u,shaloi ngai na matu myit ya na ngu tsun dat sai,shadang sha gaw shitsawra ai re majaw dai malut hkayawm lu ai lam hpe dawm kau na matu shakut na sha rai nga ai,e ndai hku change byin wa ai lam rai nga ai.

2. Identification= manang wa a kasi lai hpe yu nna (atu hku )galai shai wa ai lam,
Eg: Myenmungdan ya ten Korea Sumla hkrung ni yu nna galai shai ai lam ni nga ai,Korea sumla hkrung zawn rai,sumla hkrung ni hkan gayatBuhpun mawn sum lam ni hkan bu hpun e ndai ni mung change byin ai lam re.

3. Internalization = ten du yang shi hte shi galai sahi wa ai,
Eg: ndai lam gaw asak prat ram wa,nna ma myit kawn sak kung myit de galai shai wa ai,lama myi mahkrum madup a majaw myit hta grai hkam sha nna galai shai wa aindai mung change byin ai lam re.

4. law enforcement= tara upadi hte shagyeng nna galai shai shangun ai lam,
ndai gaw nan hte an hte yawng chye na re.Lama ma hpe galai shai wa lu na matu tara upadi hte hkang da ai lam re.dai hku nmai galaw ai,galaw jang Dam,ari hkrum na e ndai hku masat da jang shawng de galaw ga tim hpang de gadai n galaw gwi sai,galaw yang ari hkrum na sha rai nga ai,e ndai zawn change byin pru wa ai lam ni re.

Developing a Theory-of Change Logic Model For Your Program
Change amyu myu
Organization change

Read more »

Jahkring myi naw yaw

Ngai hugawng a bungli masa hta hkan nna Blog ka ai hpe hkring myi gan hkring la na re lam,blog laika,ka laika hti myit rum manang ni hpe shana dat nngai law,
Chyeju kaba sai,
Hugawng

Read more »

Kachin official language

Ngai Hu gawng myu sha lam hta ap nawng gun hpai lai wa ai ten na mahkrum madup nkau hpe tsun mayu ai,

2006 june
Malaysia Kualalumpur,
No.50 B,Jalan sultan ismail,Htap 3 gawk,ntsa na Sak kung ram ma ni a gamung nau ra hpe myit dum let ndai blog ka dat nngai law,an hte Myu baw sang ni yawng a hkum ara rai nna bawng ban laiwa yu sai ga baw ni nga ai hku re.


Kachinland

1. An hte Kachin Myusha ni mungdan lu wa ai shani official language aga lai ka gara mahtang lang na?

2. Ya ya nan buga (Gidai mungdan )de pung pung nga gap hkat wa yang an hte mai gan du Kachin ni gara masa hku nna shang lawm na,


3. Nang lama na Mungdan ning baw ningla tai wa yang, gara masa hku nna Myu hte mungdan a matu grau gaja hkra galaw na?

4. Myusha ni a matu madang dep ai sut masa byin tai wa lu hkra ,ya mai gan du Jinghpaw wunpawng myusha ni gara hku nna hkyen lajang shang lawm sa wa na?

5. Media bungli hpe n gun dat nna myu sha ni a lam hpe mung kan ting chye hkra shana shabra na lam ni.


ndai gasan gahtai hpe marai langai hpang langai ga tsun numshawn gamung sumdu jahta byin laiwa sai hku re,gabaw yawng hpe gaw ntsun sana hpang de aten masa hta hkan nna she bai ka sana re.

Shawng nnan na official language hte seng nna chyi myi tsun mayu ai hku re,
ngai hugawng hku nna gaw, an hte wunpawng myu sha ni a sali wunli,wunli wun gau rai nga ai amyu lakung 6 a (aga : language) hpe nhten nmat hkra hkang mazing sum hting da nhtawm,Yawng chye na ai common hte mungkan ting chye na ai aga laika hpe Kapyawn nna lang yang htap htuk manu ai lam tang shawn ai hku re.

Rawang ningbaw hpa awn rai nga ai sara Asyn (Sangdong syn) hku nna gaw jinghpaw laika hpe Official hku mai lang nga ai,rai tim an hte jing hpaw ni chyu madung re ngu ai masa hku nre sha, Hpu nau myit su ni yawng hte matut mahkai ,yawng a matu akyu rawng ai (aga ,laika) tai wa lu na matu yawng hpe sharin ya nna yawng a akyu rawng ai )aga laika) rai ra ai nga nna hpaji jaw ai hku re.


Lisu myu baw sang a datkasa ning baw hpa awn rai nga ai sara Adee Gwa hku nna tang shawn ai lam gaw: Dai ni mung kan ting chye na ai English ga,laika hpe No.1 Official language hku nna jai lang nhtawm N0.2nd hku nna jing hpaw Laika ga hpe jailang yang mai na re lam tsun sang lang dan lai wa sai hku re.

Shadang: sara Kamli( Maru tang Bau ) hku nna tsun ai lam gaw,Ya an hte malaysia mung dan hpe yu yu ga,Signboard langai ka ai shaloi,Malay hku,English hku,Miwa hku,lang ta ka da ai hpe mu lu nga ai,application form ka ai shaloi mung dai 3 kaw na tinang chye ai shara myi kaw kabang yang mai ai hpe mu lu ai.Madung gaw yawng hte matut mahkai mai ai aga laika rai jang gaw gaja sai ngu mu mada ai nga nna tsun sang lang dan lai wa sai hku re.

laga hpu nau myu baw sang ningbaw myit rum manang ni yawng mung Jinghpaw laika hte Enlish hpe gapyawn nna lang yang htap htuk manu ai lam myit hkrum tang madun lai wa sai lam myit dum let tang shana dat nngai law.

Read more »

Labau shang ai baw sang yawng a Dai Jinghpaw mying shing teng

Dip dat u ( Jinghpaw Wunpawng amyubaw sang )

Ndai Kachinnet kaw na laklai ai shiga hpe mu hti ai majaw kabu n gun lu ai,An hte hugawng mung hte,

India mung,Miwa mung nga shapong yawng,Jinghpaw ni gaw yawng ya dai ni du hkra Dai Jinghpaw,chyinghpaw,singp

ho,jingphozu,amying shing teng hpe yawng myit hkrum let labau shang lang nga ai rai mali ai.Masha maigan myuni mung labau hku yu ya

ng dai mying hpe hkap la nga ma ai. Daini na myit su hpu nau na ni yawng gaw grai myit hkrum nna zet kung wa nga saga ai ngu mu lu ai.ng

ai mung myit hkrum kabu lawm nngai law.

“Jinghpaw” ngu ai mying hpe mahtang bawsang ni yawng a amyu sha mying daju hku hkap la ga. Jinghpaw bawsang ni mahtang, bawsang hpe galai kau mu. Uma dap ni nanhte a kaji daju Shapawng Yawng wa a mying hpe la nna, “SHAPAWNG YAWNG SHA NI” ngu mu. Grai madat pyaw nna grai tsawm ai mying hpe lu tawn manit dai,” ngu ai ra sharawng myit lu ai lam (Opinion) hpe madun lai wa masai. Laika ka ai wa gaw, nye a chyinghkai kawa, nye a labau sara wa asak naw hkrung nga ai aten hta, “ Moi na Jiwoi Jiwa ni, Lhaovo, Lachik, Zaiwa, Lisu, Rawang amyu lakung ni yawng hpe Jinghpaw amyu ni re, ngu nna hpa rai tsun shamying masat hkap la tawn ai rai kun? Ndai ten hta gaw, Jinghpaw ngu ai hpe n kam tsun lang wa ai majaw, “Jinghpaw Wunpawng, ‘ ‘Wunpawng' ngu ai mying ni pru wa sai,” ngu san yu ni ai. Nye a dai ga san hpe chyingkai wa bai htai hparan dan ai lam mung asan sha rai nga ai.

(1) Anhte Jinghpaw ni gaw, kahpu kanau, mayu dama, kashu kahkri nga nna, shada tsawra makyit mahkai mahkri shawn nga ai amyu ni rai ga ai. Bawsang ni hta mung anhte hte bung ai kun?, n bung ai kun? San yu mu!

(2) Jinghpaw ni gaw, lamu ntsa na Mu Sinlap Nat ni hpe jaw jau hkrat wa ai amyu ni rai ga ai. Bawsang ni kaw mung nga ai kun? San yu mu!

(3) Jinghpaw ni gaw ma shangai ai hte rau, jahtawng htu ai baw amyu ni rai ga ai. Bawsang ni mung galaw ma ai kun? San yu mu!

(4) Jinghpaw ni gaw Ji Nat Mahtum Mahta ni e sharung shakau jaw dat ai Shawa Nang Kachyi hpe jahpu sharing nna, mayu shayi lam hta jai lang ai amyu rai ga ai. Bawsang ni mung lang ma ai kun? San yu mu!

(5) Jinghpaw ni the htunghking makam masham bung ai amyu ni rai yang gaw, labau rum ai amyu sha ni rai na re. Makam masham hte htunghking lailen ni n bung jang chyawm gaw,labau n rum ai amyu she rai na ma ai re. Hpunau Sam ni hte shaning apart law law rau kanawn mazum nga pra laiwa saga ai, raitim jinat makam jaw jau ai lam hkan sa ai htunghking lailen lam ni hta n bung hkat nga ai majaw an hte hte labau n rum, amyu n rum ai ni she rai ma ai. Ning ngu nna chyinghkai wa tsun sanglang dan ai mahtai ni gaw, bawsang shagu hpe labau rum n rum, amyu rum nrum, jep sawk dinglik yu lu na matu lam matsun ni she rai nga ai. Ya ten na bawsang myitsu du salang, ramma nkau mi gaw ,” Jinghpaw” ngu ai mying hpe amyu sha yawng a gumhpawn ai shingteng amying kaba hku myit hkrum masat la nhtawm, Jinghpaw bawsang ni mahtang, bawsang mying kaga alak mi galai kau yang mai kaja na re ngu ai myit masa rawng ai lam ni nga wa ai lam, soi sam na lu ai shaloi, nye a myit hta grai na kabu nngai. Amyu sha ni yawng myit hkrum kahkyin gumdin lu na matu, myit mada shara kaba nan rai sai, ngu nna mung kam nga nngai. Amyu sha kahkying gumdin lam the seng nna, ngai Jinghpaw la wa langai mi a chye na hkap la hkam sha ai lam gaw, bawsang ni ayai aya n re ai sha, Jinghpaw ngu ai amying shangteng hta kahkyin gumdin ai lam teng teng lu la na she rai yang gaw, anhte Jinghpaw bawsang Uma dap ni mung, hpushawng hpuba ni a ra shawrawng byin shangun mayu ai lam hpe kabu gara hkap la lu na ga ai re. Anhte Jinghpaw bawsang ni a shingteng amying ningpawt gaw, “ Shapawng Yawng” ngu ai rai mali ai. Ya she mying nnan bai tam gyin shalat la ra ai amyu ni n rai ga ai. Moi moi kaw nna “ Pawng Yawng Sha Ni” nga nna nga pra taw chyalu ni she rai ga ai. India de na Jinghpaw ni mung, “Shapawng Yawng Singpho” ngu ai mying hte nga ai da. Jinghpaw Wunpawng bawsang ni yawng, Jinghpaw ngu ai amying shingteng hta gaja wa nan kahkyin gumdin nga na shew teng ai rai yang gaw, Jinghpaw bawsang ni mying galai na hte seng nna, manghkang kaba hpa n nga na re, ngu kam nngai. Dai re magaw, Jinghpaw bawsang ni n dai aten kaw nna, sung sung myit yu bawngban jahkrup magang wa lu na matu, kraw dung salum kata kaw nna saw lajin dai nngai law.

Dingyau Zau Ing, Myitkyina

More++( Kachinnet shiga hkridun)

Read more »

Asia Harvest

Asia Harvest nga nna tsun tawn tim mung an hte hta gara hku naw rai nga kun?

Read more »

Wunpawng Tsim yam

Lamu ga

Lamuga,shara nlu mat ai rudi kata ru dam tai mat 

ai,myusha ni ndai mung kan hta law law rai nga ai.Tinang a lamu ga ,myusha, up hkang lam masat masa nnga mat sai ni gaw sharai la lu na ram ram yak ai hpe mu lu nga ai.

Ya hte na Rohinger shi ga ni  hpe yu yu ga.

tsin yam hkrum,Zing ri hkrum,sat hkrum nga 

ma ai,gara mungdan asu ya mung amyu langai hku nna hkap lat let shara jaw na yak nga malu ai.  Gara  mung dan asu ya mung tara rap ra hkra hparan ya lu ai lam nnga nga ai,

Nye manang Farit soelin wa tsun ai ga,"manang wa e ngai gaw refugee hku nna mai 

gan du nye ding hku hte ngai ja gum hpraw lu na, sha  na, yawng tsang nra sai,nga pyaw sai ngu mai tsun ai.Rai tim ya na zawn tinang myu ni law law wa tsinyam hkrum mang hkang pru ai hpe na chye lu yang myit npyaw ai,si tim pyaw na zawn nnga ai, an hte gaw lamuga shanu shing byi shara mat ai majaw grau sawng sai re,"nga ai.

Dai ni an hte Chyurum ai wunpawng myusha ni Ten naw nga yang lawan myit dum hprang ga, shakut ga, lamuga mung masat masa naw nga ai, Amyu rusai mung naw grin nga ga ai,Ya ten dum hprang nna n gun dat yang, hpang nhkrat nga ai.sut masa lam hku,Hpaji masa lam hku,lam amyu myu hku nna tinang myu hte mung dan a matu dating let shakut ga.Hpyen majan gasat gala ai lam hte sha n rai lam amyu myu hku nna mung kan ,grin nga ding sa myu Wunpawng sha ni grin nga lu hkra shakut ga. ngu ngai langai a ning mu hku nna mu mada ai law.

Israel

Isreal mung dan hte myusha ni a labau ni hpe yu nna kasi la mai ai lam ni law law nga ai.Mungdan nlu na masha myu ni a npu e nkau myi nga mu nga mai let nga lu ai rai tim,sat sharu hkrum ai,zingri zingrat hkrum ai,tsin yam tsin dam ni law law hkrum sha lai wa sai,Raitim shan hte hpe tang du hkra tara rapra hparan ya lu ai lam gadai nnga ai.

Ya dai ni shan hte myu mungdan masat masa ngu nga wa ai shani kawn chyawm gaw shan hte hpe zing ri ,roi rip ai ni hpe shan hte myu mungdan rap daw kawn ya du hkra je yang nga masai re.Gashadawn mani mana na GAZA majan ni hpe yu ga,shan hte lamu ga de myawk machyu pala gap bang ai ni,shan hte hpe roi ai ni hpe 

atsawm sha lu hpaji madun nga ai nrai ni?

Roirip

Ya dai ni an hte myu wunpawng shayi sha ni hpe roi rip nna sat hkrum nga sai,laga masa lam myu myu hku nna mung naw roi hkrum nga ga ai.Yaten du hkra myusha ni myit dik hkra rap ra 

ai hku tara je yang ya lu ai lam nau nnga ai hpe mu lu nga ai.

Htawm hpang an hte a kashu kasha prat hta ya na hta grau matsan mayan tsin yam hkrum sha wa na masa lam ni nrai ni?ya kawn lam shagu hta n gun kya mat jang ,htawm hpang de shamyit kau hkrum na masa re.

Dai re majaw Myu wunpawng sha ni hpe roi rip ,Zing ri hkrum ai lam n nga hka,Mung dan sim sa let galu gaba gan ga sa wa na matu gaw Rap ra tara je yang ya lu 

ai an hte myu Wunpawng sha ni a rap daw nga ra sai ngu mu mada let,

Read more »

Hpraw malai gaw nmai ,Myit malai gaw mai

Obama's victory speech in full ++Video

Change 

Prat ting shan hpraw myu ni uplai wa sai Amerika  mungdan, hpawt ni gaw shan chyang gumsan magam dung na matu Chyum laika hte dagam ga shaka la na shi rai wa nga sai.an hte yawng gaw mungkan shiga ni hta hkum hkra lu hti la sana re ngu kam ai.

Ngai lanagi myi tsun mayu ai gaw,ndai zawn byin wa na matu Amerikan mungdan masha nkau myi gaw moi shawng kawn tau chye hkyen lajang da sai re hpe chye lu nga ai.

25 Dec 2006 Portdicson,Malesha Jinghpaw Wunpawng Hkristmas poi hta na mungga hta an hte hpe Duwa Zinghang Tang gun tsun ai mung ga hpe bai myit dum nngai.

''an hte JWP shani lawan rawt galu kaba wa na matu hpaji gaw ahkyak madung rai nga ai,Hpaji byeng ya gaw karai kasang kaw na sa wa ai re lam chyum mung ga hte lakap nna hkaw tsun dan nga ai.''

Amerika mungdan de shanchyang ni gaw an hte a madang hku pyi nre,mayam hku nna du shang wa ai ni re,an hte yawng gaw migrant masha ni hkrai rai nga ai.rai tim daini Shanchyang myusha ni gaw Amerika mung dan ahkyak shara ni de du taw nga sai.Ya kade nna yang Amerikan mungdan gaw Shanchyang ni Gumsan magam ting nyang du hkra dung na re''

''Shan chyang ni ndai ram wa byin pru wa ai a ning pawt gaw hpaji hpe madung dat shakut ai majaw re lam chye lu ai''

Shanchyang ni a naw ku jawng,shagu gaw laika hpaji gaw ahkyak dik re,nga nna kada ai hpe mu lu ai,

Dai re majaw An hte JWP myusha ni mung laika hpaji hpe madung dat shakut ga.naw ku hpung hpe shamyet shanat let,mungkan ting hte matut nna hpaji lam hta ning tawn hkra woi awn sa wa ga, U ga uhpung u hpawng,mung masa,sut masa hku nna gaw ,Pati ngai hte ngai a masa lam nbung hkat jang mungkan de matut mahkai yak ai,shamu shamawt yak ai,dai re majaw Karai hta kyu hpyi let Hpaji masa hku nna myusha ni a lawt lam tam ga'

nga nna hkaw tsun laiwa sai mung ga hpe dai ni bai dum wa nna yawng myit yu mai lam hpe garan dat nngai law.

Read more »

Peace and War ( War on sin )

Bumsinwa a Karai masa Kaw na re.

"Britain na sara Lawrance gaw lecture jaw ai kaw 'War on sin'ngu ai hpe tsun ga ai. Majan gaw ahkyak ai lam langai gaw rai nga ai. Majan law law byin ai hpang mungdan grau simsa wa ai. Ga shadawn: mungkan majan II ngut ai hpang, mungkan gaw grau ngwi pyaw ai maga shanang mat wa lu sai."

Karai Kasang a shaman chyeju kumhpa hpe hti yu nna, shinggyim masha ni a ntsa jaw ya ai chyeju kumhpa ni hte mung seng nga ai. Dai majaw, Karai Kasang hpe kam sham ai maga hku yu yang lawu na hku mu lu nga ai.

The Source of Peace is God! Simsa lam a daju Karai wa,
The Opponent of Peace is sin! NSim nsa lam a daju gaw yu bak mara
The Dispenser of Peace is the Christian! Simsa lam hpe garan ya lu ai gaw Hkristan
The Payoff of Peace is Godliness! Karai nsam dagraw ai ni gaw simsa lam a madu (ngwi pyaw madu) ni re.

More++http://www.bumsinwakachin.blogspot.com/

Read more »

Maw ga hte hugawng pa

Nbwi sam a hugawng hkrun lam na Mahkrum madup"

Awng Lawt mare gaw Hugawng pa ting hta rip kawp tara hkrak dik mare re lam chye lu ai. Lahta tsang jawng langai a hkrang hku nga nna sara/num n-gun hpring hpring hte sharin ya nga ai. Raitim, sara/num n law ai lam hte ahkang chyu hpyi shaja ai lam ni na chye lu ai. Lapran tsang jawng ngu mying shakap da ai.Shanglawt ni hpaw da ai jawng rai nhtawm, mu ga ai shanglawt jawng yawng hta rip kawp hkrak dik ai hte zen ai jawngma law dik ai jawng ngu na masat hkrup ai".( More ++ Nbwisam blog )

Laimat wa sai 1990 a shawng daw de na,Hugawng pa a lam hpe ngai naw kahtap ka mayu ai, Daw hte daw matut mat wa na re.

Daw (1) Hpun sau maw,Jamaw,Jahpraw maw awng lawt Mare

Hugawng ga na awng lawt Mare gaw,Moishawng de N bawn Mung du ni up hkang ai shara re,Nbawn pyisa ga gaw ya na gala mung(india) du hkra lawm nga ai,mungdu ni up hkang ai prat lai mat wa ai hpang shanglawt prat e sinna gin wan gin jaw Dai hpa ning htawn,Awng lawt mare ngu nna bai up hkang sa wa ai re.Shawng daw de Awng lawt mare gaw Kahtawng (7 ) lawm ai buga re.Dai kahtawng ni gaw: Awnglawt,Hka wan,Maw hkawng,yulen,Hkamau hku,Dingrin Kawng,Hting nan Kahtawng ndai ni re.

Mura hpun sau, prat e Awnglawt mare gaw mying Kaba wa sai,Buga shagu na Myu hkum hkra du wa sai.Hkaw hta bum,Chyau mawng Bum na Mura Hpun sau  a Majaw Prat galai Lauban Byin nna Mare kaba de htawt mat ai ni lawlaw rai sai,

Jamaw ,moi shawng daw de Kap dup hka,Gadu rum,shanu hka,Hkan na ja ni gaw N gun hteng ai bye hte Ja garan ai lamuga ni re nga jau man bu ni tsun nga ma ai,Kapdup hka na ja maw gaw moi myen,gala hkaw hkam prat Chyaloi nhkoi kaw na htu sha nga sai ja maw ni re lam, ya du hkra ja nhkum ni sakse nga ai lam mu lu nga ai.

Majan prat, 

Moishawng de Danai hku lachyau hkawng,Hkamau hku tsau dam,Nbawn pisa gaw hkying htawng mare re nga nna Jauman bu ni tsun ma ai.Rai tim prat galai shagu Dam,ari hkrum tsinyam katut sha sha re ai gaw hugawng dung ni re lam mung tsun ma ai,Majan prat e Japan majan e sat sharu hkrum,English prat e Mung du ni masu hkrum,Myen Mung paliman prat e Mung du ni hpe Myuchyit tahkin myanmar ni e baw doi hkrum,Masala pati prat e Shang lawt hte myen gasat anut hkat ai kaw Mung Masha ni Wuloi ,dumsu lahkawng daru hkat ai kaw tsing du pa mwi ai hpa shamyit hkrum,Ya majan simsa lam la nna ngwi pyaw ten e labupan Katsi majan kaw bai hkrat sum re hpe mu lu nga ai.

Salang dingla usa nkau myi tsun ai Hugawng pa gaw manu dan ,nhprang sut rai ni hte hkum tsup ai shaman chye ju lu ai Wunpawng hka nan re,lusha sumhpa,nai mam magai ngai ai sutring sut chying sut chyat hting nu re,Rai tim hugawngpa@Majan pa mung re nga tsun ma ai,

Mying gum Hkawng ai ni mung gaw dan pru,

moi shawng daw de gaw alawng awk yang mung dan up,myu hpe woi awn ai ni pru wa wa re nga hkai tsun dan ma ai,hugawng mung du 12 hta na langai ngai gaw rai na sai,

yadai ni naw gum hkawng ai gaw, nang ngai yawng chye lu ai.sutdu Majoi Gin tawng Yup zau hkawng rai nga mali ai law.

Hpaji masa lam , gaw hugawng pa e ning tawn ai lam nmu lu ai ram re.rai tim Hparat lam hta Kung hpan ai ni mung gaw Nga lai wa sai hpe chye lu ai.

ya na prat-Hkau nbwi sam a blob na awnglawt jawng a lam kadun myi,

Ngai chye lu ai ram Awnglawt jawng ma ni gaw,Ya England e hpaji sharin nga ai ,bumsinwa

,USA e hpung tau Galaw nga ai Hpau wung Brang,ya Blog ka nga ai Hugawng,nkau mying malap taw nga ai,hpang de matut na.

ngai hugawng hte ya England kaw hpaji shakut nga ai manang wa mung dai hkau nbwi tsun ai ram pyi nre ai Kawa gin sum jawng ,Kawa lahkum 2 yep di nna sharin ai jawng hta lung lai wa yu sai wa re.

an hte jawng lung ten e Jawng ting rai yang texbook,laika kanu 1 sha nga ai majaw shani shagaw laika kanu kaw na tinang a laika buk kaw bai copy ka bang la ra ai prat ya du hkra a masting ngu dum nga nngai re.

shani gaw jawng sa,shana daw de yi sum hkau na de bai garum rai nrau nhtau rai shakut laiwa ga sai.Ginhtawng jawng dat ten gaw magwi dabang,ja dabang,hugawng mangai(nwaipan dabang) de bungli galaw ra ai ten ni rai nga ai.Awng lawt ga na npyaw dik gaw lanam na ta ,Hkumpup hte ,wawt,Machyi mayan ni wa re sai,myit dat yang ahkup she nga ai yaw.

Ngai grai matsing ai gasi gaw: moi an hte hpe hpaji sharin ya lai wa sai,Salng kaba Wana yaw Htung tsun ai,Hpaji ngu gaw: Walawng zawn re kaw,rai rai,Ulawng zawn re kaw rairai,nam dum zawn re kaw wa rairai, Gara kaw wa myi rarai ,sharin chye la lu na sha ahkyak re,nga an hte hpe n gun jaw lai wa yu sa.

An hte a jawng up Sara Kaba Hpau wung Tang Gun Tsun ai" nan hte hpe sara laika sharin dat ya ai gaw Basic ,hpang dat ya ai sha re,chye hti chye ka sai kaw na gaw nan hte hti nna jat la mu Mung kan ting laika buk kaw rawng ai.sanpoi awng nna sha hkum myitdik nga'' nga nna jawng dat ten num htet ga ni naw dum nga ai.

Daw (2) Hpe ten lu jang matut na,

Read more »

JingHpaw Mungdaw nhtoi hta na Laklai ai Mung ga

Duwa Marip Laja a mung ga hta lak lai ai ni gaw " ngai history labau hte jawng ngut ai re,myen mung na Pagan nyawng oo hkan labau sawk sagawn hkawm yu sai,Myen mung hta jau dik du nga sai ni gaw myen nre,Ethnic(taiyinta) ni she re,gashadawn Mon,Yahkai,zawn re ni gaw jau dik re hpe mu lu ai,Myen a kum la hpa nmu lu ai,myen ngu gaw labau hku yu ga nga yang mani mana gara jut kawn pru wa kun pyi nchye ai ,labau hku nga yang myen hpe hpa hkrit nra ai,Laknak lang nna greng taw ai sha re."

Myen a hkaw hkam wang ngu na mung num hpu she lun re hpa mung nre ai shara ni re,1800ning nnan daw English mung maden lung wa ai shaloi hkap gasat ai ava(Inwa hkantat) nga ai mung hpa nre,num hpu hte mawng re inwa hkaw hkam hkaw kawn yu dat yang eyawadi hka kau kaw du taw ai English Mung maden hpyen sang hpaw ni tup re mu jang,hkrit kajawng hpa nchye galaw nna Kata labu nbu ai myen ni ram daw mahkawng la nna labu malu shangun nna Hpyen sang hpaw nga ai maga de maidang gadawng dan sha ngun ai,English ni gaw tsan ai kaw na yu yang hkring myi gaw mau ai,myen ndai ni mung kan e gara kaw mung nmu yu ai laknak nnan she lang nga ai,atsawn she bai yu ga nga nna mawk gap bang dat ai.Dai hpe (inwa hkantat) nga nna yazawun,labau hkai ai rai ma ai,

Sama Duwa a lam,Duwa Lahpai Zau lawn a lam,Duwa Zan hta syn a lam.Mungdaw mung dan ,shanglawt,Pati a lam ,hkum hkra tsun sang lang dan sai,Mung masa pati hpe jau dik hpaw hpang ai gaw Sama du wa re lam mung chye lu ai.1938 ning English prat kawn Shanglawt hpung ngu nna sama wa pati hpaw hpang sai lam mung chye la lu ai.

kachin nation a laika ngau kaw na re.
More++Kachin Nation

Blog add: http://kachinnation.blogspot.com/

Read more »

Not for sale,For Your soul

Read more »

Miwa gumsan mungdan na Jinghpaw web yu yu ga

Myusha myit hkrum,Galu Gaba,labau shang lam hpe grai shakut nga ma ai hpe mu lu na re.

Click more++++

Kachin Jinghpo su

http://www.jinghpawland.org/

Read more »

Read more »

Three Things!!!!

Three things in life that, once gone, never come back - Time - Words- Opportunity,

Three things in life that are most valuable - Love - Self-confidence - Friends'

Three things in life that are never certain - Dreams - Success - Fortune,

Three things that make a man/woman - Hard work - Sincerity - Commitment,

Three things in life that can destroy a man/woman - Al cohol - Pride - Anger,

Three things in life that, once lost, hard to build-up - Respect - Trust - Friendship,

P.-----pray

U.----until 

S.----something 

H.----happens 

I need this back... If you'll do this for me... I'll do it for you.

Read more »

Tsaban 21 a majaw nang Hpa majaw Blog ka wa a ta?

Daini na mungkan hta nang hpa majaw Blog ka nga a ta?

lawu na majaw re lam nang chye lu na ra ai, Click di hpaw yu ga,

Read more »

Tara-ntara-hpa ta?( Gamalai )

XXX...Sumtsaw sumra lam hte hpyen majan lam hta nang jaw ngai shut nnga ai,

Jinghpaw ga malai ni,

XXX...lamu ra yang ga madi;  num ra yang la si;   XXX...dangrang dang yang tara;   ga nchye shaga yang hka;       XXX... jahkrai a man e hka;  woi a man e gaw pala.

ndai kaw bai yu ga.

Dipdat u  Bumsinwa

Read more »

How to create ablog with Blogger

Blog hpe Gara hku ka na ngu ai lam hkaja sharin yu ga.Blog ka ai gaw free manu jahpu njaw ra ai,tinang myit ra ai hku mai ka nga ai,

Ndai gaw www.blogger.com



Jinghpaw hku Bloger ka ai lam
KACHIN BLOGER N DAI KAW DIP DAT U

Wordpress.com hte Blog ka mayu yang
Ndaikaw DIP DAT U
Gashadawn
http://mykachin.wordpress.com/

HI-Techs

Kachin bee kaw yu ga

an hte yawng a matu Kachin bee blog grai shakut da ya sai,lawu na link ni ahkyak ni hkrai rai nga ai.yu yu ga

http://kachinbee.blogspot.com/search/label/Techs

Nov

09

Computer Hkaja ai ni

Ka Mara Ai: Kachinbee Baw Hpan Techs

Computer hpe, ya sha nnan hpang, hkaja nga ai manau manang ni hpe, ngai, computer hte seng na, chye ra ai hpaji hparat ni hpe law law mai lu ai shara langai hpe madun dat mayu ai. Hardware hte seng na tinang chye mayu ai yawng lu chye ai shara re. Hkaja mayu ai nga yang gaw Ndai kaw sa yu ga. 

Nov

09

Softwares ra yang Download galaw ra na re...

Ka Mara Ai: Kachinbee Baw Hpan Techs

Software ra ai ni a matu bang dat ya ai re. Hpa mung majoi lu ai gaw sadi ra na re. Lu sai nga n na, majoi joi down dat yang mung gaw nmai na re. Virus mung sadi ga, ngu shawng shadum dat mayu ai.

Lawu na link ni kaw mai lu ai hku re. Ngai chye ai kaw na loi mi garan dat ya ai re. Ngai ningnan bai mu yang, bai jat bang ya na. Naw nga yang mung chye ai ni comments kaw bai jat da ya marit, yawng a matu le.....

1. 9down Free Software

2. Brothersoft Free Software

3. Filehippo Free Software

4. Softarchive Free Software

5. Ultimatezone Free Software

6. Download Free Drivers

7. Full Software Downloads

8. Key Gen ra yang

9. Pcworld 

Read more »

Shilo - Burma
by firat

Read more »

THEN SAI LAW I HTENG HUGAWNG PA

JAHTU SHA NNA LAMU GA MUNG GYI MA SAI,AKYU HKAM SHA AI GAW MYEN DU NI HKRAI,AN HTE MATU NGAM AI GAW ,lAMUGA JAHTEN HTE MASHA JAHTEN,AIDS,KANIYA,HKALI CHYANG MAKHKALAWNG,NRA SHABAWN,LUNGDIN LUNG SHA NI


MAIGAN MYUNI PYAWPYAW HTE GALAW SHA AI LADAT

Read more »

Re: Kade a Mara ta ?laika ngau ntsa Jhon Hkum a mumada ai lam hti yu ga.

Ngai Hku na maram mu ai hte, hkam la shadu da ai gaw,, Anhte Jinghpaw myu ni ah, freedom hpe anhte hkrai nla ai hku galaw mat wa ai,, Jinghpaw Slg, ni ah mara re.. Shanhte 1,2 ah majaw,, anhte Myu hte tsepkawp nbung,, Hpung hte Sam tsepkawp nbung ai Myen, Sam ni hte,, kahtep ra na maga de galaw sa mat ai majaw re.. ( Note*** Rai tim anhte yadu MYen Sam ngu ai ni rau,, n-gayau ga ai! ).. Myen ah Dusat ladat hte anhte JInghpaw myu sha ni hpe,, sam hte shadawk ya nna,, lapran hta,, anhte hpe sat kasat shamyit wa ai rai nga ai,, +++ More click here ( Kade Mara ta?)

Read more »

Kade a mara ta?

Naw htai ya rit?
ngu ai laika ngau hpe hti yu ga. (ya ten du hkra lawt pru nlu ai Kachin refugee a labau re )

http://www.htingnaikachin.blogspot.com/

Read more »

Hugawng Brangji wa World cup de shang na matu shakut nga sai

Ndai gaw gin sup ning hkring taina ma Hkalung a sumla re,Ginsup hpan hpe myit ra sharawng ai lam re chye lu ai,Nlung bawlung(ball) htawng dan na,Zaibru sumri rit dan na da oi....'''Uniform: Bung hkaw gaw Labu Kadun hpe raw nna mara da nga ai, palawng gaw world cup 2006 re,na kaw shakap tawn ai gaw,Lakung(zun) sumla re,Gyepdin gaw China make sawp wawp kyep din re.background sumla gaw (Kachin Greatwall )Kawa wasang hte da tawn ai wang shakum rai nga ai,

Read more »

Myit yu na matu hpaji jaw ga;

World Kachin Org

• Masing masa nlawm ai mung masa( Politics without Principle )
• Magam bungli n.galaw ai sha lu la ai sut gan ( Wealth without Work )
• Krawdung myit masin nlawm ai pyaw daw kadaw ai lam ( Pleasure without Conscience )
• Akyang lailen nlawm ai machye machyang ( Knowledge without Character )
• Arawn alai kata ai shakut shaja ai lam ( Industry without Morality )
• Shinggyin nau na myit nlawm ai hpung tang hpaji ( Science without Huminity )
• Apnawng hkungga nlawm ai Nawku daw jau lam ( Worship without Sacrifice )

George Edgar Shankel, “ God and Man in History”,
( Nasvillee, Southern Publishing HSSO: 1957-Page-85 )
Umhta Brang ( KTC )
+++( More )

Read more »

HUGAWNG PASA HTE HKAP TAU NA

HUGAWNG YUNGWI KACHIN VCD VOL: (1)



HUGAWNG PASA HTE HKAP TAU NA

Read more »

JATAWNG NING CHYIN

Yu ngwi Mahkawn shingni hpe ra sharawng ai zawn,Ning chyin Mazan,Kaiji byu, sunghtum shing ni hpe mung ra sharawng nga ga law,

Bible ,Chyum Mung ga hpe Kam sham hkan sa nga ai zawn ,Tinang a myu a sai lam Labau Ginshi ni hpe mung grau ngang grin lu hkra sharawt la Kamsham hkan sa nga ga law,


An hte Hugawng pa e gaw ,Shanang dung hugawng a Shayaw goi dum ai nsen mung na yu ga,

Jinghpaw Wunpawng Myusha ni a shakawn mahkawn myu hkum hkra nga nga mali ai,shara gin ra buga hta hkan nna shakawn mahkawn chye nga ga ai myu ni re hpe mu lu ai,

Dai law law hta na Yawng e shagau gum hkawng laiwa sai JATAWNG NAW NING CHYIN hpe bang dat nngai rai,Moi chyaloi ning hkoi prat e ramram mying kaba gum hkawng ai ning chyin ngai myi rai tim daini na ten hta gadai nchye mat sai ram rai nga ai,yawng chye lu na matu bang dat sai law..

Ndai ning chyin hpe kadai wa ka shagawp nna jahtuk laiwa sai hpe gaw hkrak nchye ai,sagawn nga ding yang re,Rai tim 2007ning hta Malaysia de sadu nna Labau ginshi gawnsharin shalat ya ai sara Kaba shi nan jaw da ai Ningchyin re,Mying hkum tsun nga ai majaw mying nbang dat sai,




JATAWNG NING CHYIN (Daw 1)

E…kale…goi e…. Jatawng Mandan hta nwai pan pu ai.
Interj. Jatawng land in unwithered flower bloom V.P.
Unfading flowers bloomed in Ja Tawng Land

Hka shi latsa lwi ai.
Water stream a hundred flow VP
(a hundred of streams flow)

CLICK AND SEE (MORE+++)

http://groups.google.com.my/group/world-kachin-org/web/jatawng-ning-chyin?hl=en

Read more »

SAIGA SHAGA AI LABAU LENG

Jinghpaw Wunpawng Myusha Hkum ding dek Kyem Mazing da ging ai Labau Leng Sumla hkrung re,Yu nan Yu byin hkra yu ga.


Part 1,2,3,4,5 ,htum hkra yu na matu (Dipdat u )

Ndai Labau leng hpe na a computer kaw Download Galaw na matu (Dip dat u)

Read more »

Tinang a lam hpe shawng hkrak chye hkra shagreng ga

Daini mungkan madang dep hkra Wunpawng Myushani shakut sa wa nga sai re.Maigan myusha ni hte tsun shaga sa wa ai ten ni hta nang gadai rai? nga yang tsun na gasi tam shamat kau ai baw nbyin hkra Tinang Gadai re hpe chye hkra hkrak di shagreng da ra na re.labau hpe chye hkra di ga.Dai ni hpu shawng hpu ba ni sawk sagawn da ai,Madi madun na, an hte a labau lam ni hkrak sha nga sai re,Du magam, hkaw hkam hkaw seng, amyu ni re hpe mung dum nga ga,

Dali na madun gawk e mu lu ai kaw, AD 738 ning hta Tang dynasty na hkawhkam wa kaw na Jinghpaw Wunpawng ni Dali mare hpe up na ahkang jaw sai hte , hkawhkam ban (22) rai yang shaning 318 ning up lu ai lam, dai hta Mungshe Zau, Mungsun Zau, Dintang Zau, Shalang Zau, Lang Hkung Zau, Yeshi Zau, Mungji Zau, Wuma Zau ni gaw Wunpawng amyu sha share ni re ngu Miwa Professor marai (4) madi madun da ai hpe wa mu lu ai.Yunan madun gawk e mu kau da ai magri Da-u hte magri Chyingtawt ni hpe Dali Labau madun gawk e mung bai wa mu lu ai. Bai Dali mare kata na lam ni hpe shamying lang ai hta, "Chyang Lang lam", Me Khong hka hpe "Lang Chang" ngu shamying ai lam ni wa mu lu ai. Dali hkaw dingsa na deng (10) jan tsan ai kaw "Lang Hkung" ngu ai Lhaovo mare dingsa hpe wa mu lu ai.
Lijiang mare na hkawhkam wang hta mu lu ai, Na Hkyi myusha ni a ka hkrang gaw anhte Wunpawng sha ni a "Kaji byu" ai hte raw rai nna, shanhte a dumsa, jaiwa kaba langai hte hkrum jahta yu yang anhte Wunpawng sha ni ga hte shanhte a ga tsawmra bung nga ai lam, matsaw ningtsa de lung ai Jan lahkang, hte shanhte lang nga ai sumla laika hta shanhte a shawng de lai magang sai hpushawng hpuba ni mung laika lu ga ai raitim,dai laika hpe ju,shapyaw sha kau ai lam ka da ai hpe wa mu chye lu ai.

lawu na Bumsumshi web kaw na hpe yu ga( more +++)

http://www.bumsumshi.com/san%20htai.html#LashiTuJa

Read more »

Seng-Ja htu sha ai mung asak hte galai ra

Read more »

Online Movie

Tsawmyit hpang ai shara



Tsaw myit gaw Malaysia kaw she hpang a hka?

Kalangsha Pu ai slumpan

Read more »

Jing hpaw Mana 2 Tony Blair hte hkrum shakram

http://jpkachin.blogspot.com/

Read more »

Hugawng Danai

Read more »

Mai gan du Kachin ni hpe yu yu ga

Read more »

Labau, htung Hking, Mawn sumli, Hkri dun ni

Music Playlist at MixPod.com

Labau lam hti yu ga (Kachinnet)

Labau BSS

Labau (Nbwisam)

Htung hking lam

Jaiwa ga (BSS)

Mau mwi mau sa lam

Maumwi (BSS)

labau hte laika ngau sum hpa

Jing hpaw a lam grau chye mayu yang (KBK)

Ngang kang madi mdun lu ai sakse labau( BSS)

RIDA Maka(BSS)

Buhpun sumli (BSS)

Mungkan hpe shamau dat ai Wunpawng Labau
June 13, 2008

2008 ning June shata praw (3) ya shana, Miwa gindai ten hkying (8:00) aten hta, Miwa Gumsan Ginjaw Shiga Dap na du hkrat wa ai shi sawk ninghkring ni hte W.P Ginru ginsa Labau Ninghkring langai mi, Mangshi mare e hkrum jahta ai lam hpe CCTV- 4 kaw na dan tawk madun lai wa sai lam chye lu ai.

Ndai lam hte seng nna Du Kaba Manam Tawng hpe san yu yang, " Re. Teng ai, ngai hte Miwa Gumsan Mungdan, Ginjaw Asuya a CCTV- 4 kaw na shi sawk ninghkring ni June shata praw(3)ya shana, Miwa gindai ten, hkying 8:00 aten hta hkrum jahta ai lam hpe Miwa ga hku nna mungkan mungdan (100) jan de dan tawk shapoi madun dat lu sai" ngu tsun dan wa ai. Dai shi sawk ni hte rau Manau Buga Nshawn hte Jinghpaw bumga de mung wa du nhtawm labau hte seng ai,htunghking hte seng ai hpe dem gayet shapoi madun dat lu sai lam chye lu ai.
Ndai CCTV- 4 shi sawk ni sa du hkrum jahta ai shaloi, Du Kaba Manam Tawng hku nna madung tsun sanglang dan ai gaw Jinghpaw Wunpawng ni a ginru ginsa labau hte seng ai, htunghking hte seng ai lam sha n-ga, grau nna masha yawng hpe shamau kau ai gaw shaning (7000) ning na sai Lungseng htu-ren hte shaning (2000) ning na sai, La-bat lahkawn a lam ni re hpe chye lu ai.
Daini du hkra Htu-ren hpe dum lang ai ni gaw anhte Jinghpaw Wunpawng myusha ni sha rai nga ga ai. Ndai anhte dum lang ai, lungseng hte wawt da ai htu-ren hpe, 2004 ning Miwa Gumsan mungdan,Pejing lahta, Mun Gu mung jarik hte Haw Be mungdaw e mu htu shaw nna, La-bat hpe gaw Pejing mare makau deng (10) ram tsan ai shara hta mu htu shaw la lu ai lam chye lu ai. 
Ndai lungseng htu-ren hpe mu htu shaw ai ten, dai hpe gadai ni, gara hku dum lang ai, gara amyu bawsang ni a madum rai re, ngu hkrak mahtai n shapraw lu ma ai raitim, dai lam hpe na ai hte rau, Du Kaba Manam Tawng wa du nna gara hku dum ai, gara ten hta dum lang ai lam hte anhte amyu sha ni kaw daini du hkra dum lang nga ai lam wa tsun dan lai wa sai. Dai majaw Ginjaw Asuya CCTV- 4 ni ya na zawn sa du san- htai galaw nhtawm mungkan de ndau madun dat ai lam re hpe chye lu ai.
CCTV - 4 kaw nna shapoi madun dat ai hpang, (2-3) ya kawn mungdan kata hte mungdan shinggan hkan na labau sara kaba ni matut mahkai wa nna laklai ai gasan ni hte san sagawn wa ai lam ni pru wa nga ai lam Du Kaba Manam Tawng kawn chye lu ai.
Du kaba Manam Tawng gaw Sakhkung mungdaw Pati Rapdaw Dinggrin Salang Usa rai nna, ya yang gaw Sakhkung Mungdaw Asuya Hpaji jaw Ninghpung Salang hte Sakhkung mungdaw Amyusha Htunghking hte Ginru ginsa Labau Sawk Sagawn Dap, Lithkam rai nga ai.

(Shaning 7000 ning na sai Lungseng Htu-ren hte shaning (2000) na sai La-bat lahkawn hte seng nna laksan matut tang sa wa na ga ai).

Myu Shingyan

BSS

Read more »

Gold mining threatens world's largest tiger reserve More options

Gold mining threatens world's largest tiger reserve The Kachin Development Networking Group,KDNG, in its report said there are over 100 active mines throughout the Hukaung valley tiger reserve. KDNG Secretary,Tsa Ji told the BBC that not only gold mining is the biggest challenge to the world's largest tiger reserve but also it is polluting waterways, posing health problems and threatening the wildlife in the area.
>>>>more info:>>>>>

http://hugawngkachin.blogspot.com/
http://www.aksyu.com/2007/AKSYU-Books/ValleyofDarknessBurmese.pdf

http://www.aksyu.com/2007/AKSYU-Books/ValleyofDarknessBurmese.pdf

http://www.aksyu.com/2007/AKSYU-Books/brochure_in_Kachin.pdf

Read more »

Kachin land de Myen hpyen dap jat ai Map sumla

Burma Army Battalion in kachin state 2006, 41 Battalions
Burma Army Battalion in kachin state 1994 26 Battalions

http://www.youtube.com/watch?v=BuumGIJc7fc

Read more »

Hugawng Danai Yu ngwi Mahkawn

Hugawng Danai Yu ngwi Mahkan madat yu ga.
shaning 20 jan ning na mat sai Mahkawn re.
http://www.youtube.com/watch?v=6wLG4nMKkaQ
Danai-shalat ai-Hkindu LaRip
http://www.youtube.com/watch?v=74PcoA3gfFI
LamungHka-shalat ai Sara :kumgyi Naw Awng

+**HkindulaRip a mahkawn***
***''Danai gadu yang nyemyit pyaw lu na..Ngrau grau chyang ni wau di garu nga''**
Yadai ni Ngrau grau chyang nsen nna mat sai.Ngrau chyang hte bung ai maigan myushani hkrai sha tup re mat sai law..

Read more »

Shagun laika

Dear ,

Kanam Steve Aung hpe shana dat ai. Nang shagun ai Email hte phone ni lu shaga ai majaw kabu ai .Raitim anhte a mare buga,Hugawng danai de myen hpyen ni kam mara - dip sha wa ai lam na lu ai majaw she gari hkra pawt mayu nngai .Kanam e ya aten hta Hu - gawng ga sha n rai,Jinghpaw Wunpawng Mungdan shara magup rai mat sai.

Ga shadawn - hpakant-Uru sengmaw ga-Ndai shara ni gaw moi English rai ndu kaw nna anhte wunpawng sha ni madu nna galaw sha ai shara re.English bai du ai shaloi,Queen Victoria a prat hta sagawn yu yang J.W. sha ni a shara re chye jang kam mara ndi ya na matu,Jinghpaw Du salang ni hpe madi shadaw laika jaw da ai lam chye lu ai. Raitim Myen hpyen asuya prat kaw nna gaw, hpakant grup yin J W , mare buga,yisun hkau na,hpun hpang wa hpang ni hpe shamyit kau ya nna,Ji wa prat na madu ai lung seng nhkun ni hpe, hpet tsat law hpa law nga kashun la kau ma ai.Mung masha hkum tsun sanat lang nga ai shanglawt ni pyi,Uru hka nam-hka katsi -ngu ai lung seng kaja pru ai shara kaw hting nu kaba [1] galaw da nna mung de she gadu hkra kyuhpyi majai poi hta ngai nan lawm ai re. Raitm myen hte gap jahkring ai kaw nna gaw,lung seng nnga ai nam jim hku de hprawng ra mat ai re .hka katsi na hting nu mung run ayai kau ra mat ai.

Anhte J.W. sha ni moi kade a mayam mung nrai ga ai.myen hkawhkam prat e, anhte J.W ,amyu sha ni hpe n-up sha lu ai.Anhte J.W.sha ni moi chyai hku majoi, mali hku majoi nna, tinang magam,wala htan bam,Du magam zaw hkin mang,shadip jahpang hte rai nna man ang ai hpyen hpe gasat nna Kahta lawu du hkra nga hkrat wa ga ai .sakse gaw anhte J.W. ni a luphka hkawng hte mare buga dingsa ni re.

Sinpraw de nga jang,Sam mung,Namhkam,Ban ma, Nga law, shadan mangbu,oilaw, muze, kuthkai, Namhkyek, Howa J.W sha ni nga ai shara yawng moiJiwa ni gasat nna lu ai shara re.

Bai nna 1947-February-Panglung agreement hta mung [all ethnic equelity ] gaw madung re,ngai nan kaji dik hku conferance lawm sai . Moi English prat e gaw,myen Mung masha yawng English a mayam hkrai re.Anhte J.W ni mung English hpe gasat ga ai.Raitim n-gun nbung nna hpang e asum hkam ra mat ai re. 1948-January-shanglawt lu ai shani kaw nna gaw,Uhkru hkang Uka galai,English hkang myen lai rai nna anhte J.W sha ni myen a mayam tai ra mat ai re. Jinghpaw Mungdaw [Kachin State ] nga tim, Sama Duwa sinwa naw hte Panghuk Duwa L. Zau Lawn a lak htak Kachin asuya hte Jinhpaw hpyen dap,J.W asuya moi awn ai police dap nga ai. Ya hpang dai ni du hkra [ kachin state ] nga tim Kachin asuya nnga ai.Rangoon asuya sha, ra ai hku paran sha ai re.Nanhte a num nga nna J.W.mung hpe madu jan shatai ai gaw myen sha re.

myen wa n masat ya tim anhte mungdan sha re. Myen hpyen wa gaw Aung San wa nnga ai hpang,Panglung agreement hpe run kau nna an- hte madu jan [Kachin State ]shi madu jan shatai wa ai majaw,nkam hkam nna,1961-Febru- -ry [5] ya shani sanat lang nna anhteJ.W.shani rawt malan wa ai re.Nnan e shanglawt Du kaba Zau Seng, Zau Tu hte marai [ 7 ] Jinhpaw Mung de majen je sa na rai yang,Ban ma- Nga law anhte nta e shawng , hpu ba Ngalaw Duwa M.Zau hpang gaw, shakawn-127:1-2 hpe hti nna K.K.nlawm yang kaman sha rai na re.Chyum Mungga hte maren sa wa mu ngu machyai kyu hpyi dat ya ai re. Shing rai anhte J,W sha ni yawng myit mang hkrum,lahkrip rara gasat sa wa ai majaw,Kachin State e, myen mung up, jinghpaw asuya mung up rai lu ai re .

Kaai-Duwa M .Zau Aung [ 12-12-06 ] Email-maranduwa@yahoo.com

hpang daw Naw matut na

Read more »

Hugawng report pru hkyen sai

De;

Hkung ga ai JW Uhpung ni, Kanu kawa salang ni hte Manaw manang ram ma shayi shadang ni yawng hpang de shana dat ai. Jan 10,2007. Jinghpaw mungdaw n htoi shani Valley of Duckness ngu ai report laika buk hpe Thailand mungdan shara mi kaw report launch galaw na shajin da ga ai. N dai report hpe All Kachin Students and Youth Union (AKSYU) hte Kachin Development Networking Group (KDNG) ta gindun let galaw shapraw ai rai nga mali ai.

N dai report hta madung yaw shada ai hte jaw mayu ai message gaw,

1. Anhte wunpawng Mundan kata Hugawng Pa hta Myen Hpyen Dap asuya wa lamu ga manu mana zing madu la kau n na, hpyen dap hte seng ai lamu ga masat kau hkrum sai. Jau man masha ni lamu ga shamat kau wa nga sai.

2. Ja htu sha lam hte n hprang rai htu shaw sha ai lam ni hpe ladu shalai tara n lang ai hku laja lana rai galaw sha nga ai. Raitim mung lamu ga madu jau man ni hta hpa ahkyu amyat n hkam sha lu ai. Mung shawa ai n sen hpe tsep kawp madat mara ai lam n nga ai. Myen hpyen asuya hte company ni sha akyu hkam sha lu ai.

3. Ja htu sha ai majaw mung masha ni hta mang yang manghkang amyu myu byin hkrum hkra nga sai. Nang hpam lu sha sha ai lam law wa ai. Myu shayi ni hkum shan dut sha let hpaga ga ai lam law wa ai. Myu shayi ni hpe roi rip ai lam law wa ai. Dai hta Myen hpyen asuya wa nan shang lawm taw nga ai.

4. Myen hpyen asuya gaw lamu ga madu jau man masha ni a mayak manghkang hpe n mu jahpai n na, shanhte kam ai hku sha chying lau sha taw nga sai. Myen hpyen dap gaw sharawt na hte hpyen hte seng ai aru arat ni a bawngring lam hpe sha madung dat galaw taw nga ai.

Dai majaw n dai lam ni hpe Kachin State day shani mungkan shara shagu de nga ai myit hkawn ai Wunpawng sha ni rau jawm shakut let anhte mungdaw mungdan hta byin hkrum hkra machyi taw nga ai hpe mungkan hta mu chye lu na matu atsam dat yu ga ngu saw lajin dat n ngai. Kachin State day shani shawa n gun madun mayu ai nga yang mung n dai report laika buk hpe laknak langai zawn lang let atsam madu mat wa tim mai ai. Yawng hpe kam hpa let lit shatsam mayu ai hku re.

Yawng hpe kam hpa let shana dat ai. Matut n na grau chye mayu ai, san mayu ai lam nga yang mung bai matut mahkai wa marit. Report draft hpe mung jau tau hkrau shagun jaw dat na ga ai. Bai matut mahkai wa na hpe la nga na n ngai.

Myu sha lam yan hta

STEVEN AWNG(Amumadu)
Kachin Development Networking Group (KDNG)

Email: kdngroup@gmail.com

Read more »