Myen Asuya Dap KIA Du Jum Langai Hte Hpyen Ma Langai Hpe Mara Kata Zingri Sat Kau

By-MyutsawKS blog

0 Comments Leave a comment

March 17, 2014 at 10:37 AM

KIO ginjaw Laiza makau Nam San Yang mare kaw du nga ai myen asuya dap nu Tat-Ma-(33) ni gaw tinang KIA magam gun Du Jum langai hpe mara kata zingri gat sat kau ai lam na chye lu ai. Lai wa sai Mar 14, 2014 ya shani hta KIA Masat (5) Dap Ba npu Dap Dung (18) na tinang KIA myu tsaw ninghkring Du Jum Zau Awng hte shi a hpyen ma langai gaw tinang shara jahkrat da ai shawng lam post kaw nna Laiza makau Mai Sak Pa maga de nhtang wa ai lam lapran Nam San Yang Zi Kahtawng ngu ai shara kaw myen asuya dap ni hkap wang gap nna si nnsi re ai tinang KIA magam gun yen hpe aging agang zingri nna lup makoi kau ai re lam na chye lu ai. 

Ndai lam hpe chye ai hpang tinang KIA dap ni bai sa sagawn nna Du Jum Zau Awng a mang hpe hpyi ai shaloi myen asuya dap ni gaw "Nga dumsu lagu shalai sha ai ni hte shut nna gap kau ai re" nga nna mara lawt daw tsun wa ai lam na chye lu ai. Du Jum Zau Awng a mang hpe sa shaw yu ai shaloi aging agang laja lana zingri da ai wunma hkang hkrai hpring rai taw ai hpe mu lu ai majaw ya yang Laiza na KIA Du salang ni gaw laja lana masin pawt taw nga sai lam na chye lu ai. 

Myen asuya dap ni gaw ya yang KIA dap ni hpe ya sha ya sha jahte tam ga law saw, KIA dap ni hpe akajawng sha sa htim gap, mung masha ni hpe jahkrit shama re lam ni grau grau galaw wa nga ai lam na chye lu ai. Ndai lam gaw simsa lam hpe dingsa sa dingbai dingna jaw  nga ai lam re hpe asan sha mu mada lu nga ai, myen dap ni gaw simsa lam hpe nra sharawng ai lam nan re ngu myit la mai nga ai.