Ningmu
nsan seng ai myen asuya hte simsa lam jawm tam ai gaw ningsin kata kaw
wa hkawm hkawm nna nyau chyang hpe jawm tam abram masawp hkawm ai hte
bung wa nga ai. Nyau hpe mung nmu, shada da mung nmu hkat re majaw
lahtan shada ahkawk hkat ai lang law wa jang gaw gamu anut hkat ra ai
madang de du wa chyalu sha re.
Tsun mayu ai lachyum gaw Anhte myit mada
ai Federal a ntsa e myen asuya ni a ningmu nsan seng ai. Myen asuya ni
hku nna mungdan ting gap hkat jahkring lu na matu Rawt Malan hpung ni
hpe tang madun ai Frame Work gaw Federal de lahkam mayu ai Frame work
nre. Rawt Malan hpung ni hpe gau ngwi ngwi ginchyum dat shamyit kau mayu
ai Die Walk she re.
Dai majaw myen asuya hte mahtai nlu ai
hkrum jahta lam lang nau law wa jang gaw Anhte npawt mayu tim shanhte
myen ni pawt mayu wa chyalu sha re. Shanhte myen asuya ni jahkrat tawn
ya ai Frame Work (Die Walk) hpe Anhte nhkap la hkraw ai majaw Anhte hpe
a-gajawng sha htim gamu wa jang grau yak wa na re.
Myen asuya hte hkrum jahta ai lam lang
shalaw na malai Laknak lang Rawt Malan taw nga ai myu bawsang ni yawng
jawm pawng ai n-gun kaba wuhpung byin na matu dai hpe shawng shakut ra
sai.
Ningsin htawng kata kaw rawng nga ai
myen asuya gaw ningmu nsan seng ai re majaw gade lang hkrum jahta tim
simsa lam mahtai mu mada wa na malai nhtang de madaw gwi lagut daru rai
mara tam wa na masa nga ai. Grau nna Anhte KIO/KIA ni hpe grai n ju taw
nga ai ten mung re. Thein Sein a maw lanyet masing rai nga ai mungdan
ting gap hkat jahkring masing nmai awngdang hkraw ai majaw KIO/KIA hpe
hpyen kaba madung hku nan masat kau sai ten mung rai nga ai. Maga mi de
mungmasa jahta ga ngu tsun masu nna maga mi de gaw majan kaba a matu
ahkyak ai shara ni hta hpyen man shajin tawn lu htim ganaw gasat taw nga
ai rai nga ai.
Dai majaw Anhte hku nna dawdan shajin tawn ra ai gaw..
(1) Laknak lang Rawt Malan nga Myu Bawsang ni jawm pawng nna n-gun kaba ai Wuhpung langai byin hkra shawng shakut ra sai.
(2) Anhte myit mada ai Federal Munghpawm hkrang hpe shawng ka shajin mat wa na.
(3) Dai Federal Munghpawm hkrang hpe myen asuya hku nna myit hkrum jang she mungdan ting gap hkat jahkring sign htu lu na.
(4) Dai Federal Munghpawm hkrang hpe myen asuya hku nna nhkap la jang gaw myen nlawm ai lak san federal Munghpawm hpe gawgap mat wa sana re lam hpe mungkan de ndau shabra nna jawm shakut mat wa ra sai.
(1) Laknak lang Rawt Malan nga Myu Bawsang ni jawm pawng nna n-gun kaba ai Wuhpung langai byin hkra shawng shakut ra sai.
(2) Anhte myit mada ai Federal Munghpawm hkrang hpe shawng ka shajin mat wa na.
(3) Dai Federal Munghpawm hkrang hpe myen asuya hku nna myit hkrum jang she mungdan ting gap hkat jahkring sign htu lu na.
(4) Dai Federal Munghpawm hkrang hpe myen asuya hku nna nhkap la jang gaw myen nlawm ai lak san federal Munghpawm hpe gawgap mat wa sana re lam hpe mungkan de ndau shabra nna jawm shakut mat wa ra sai.
Daini na democracy mungkan gaw ga
shadawn hku tsun ga nga yang myit nhkrum ai Num kasha langai hpe n-gun
hte dip hkung ran la na hkum tsun, n-gun hte shinggyim roirip pyi nmai
ai ten re. Tsun mayu ai lachyum gaw.. Anhte hpe ndai daram dip gamyet
dang sha, sat nat, zing ri zing rat re ai myen amyu asuya hte naw jawm
nga na matu hpyi aput taw nga ai gaw mana bungli she rai sai.
Dai majaw ningsin kata kaw myen asuya
hte nyau chyang jawm tam nga na malai ninghtoi de gale pru mat ai gaw
hta ni hta na ngwi pyaw lam rai na re. Myen asuya hte sha jawm nga
dingsa gaw hkik hkam ai amyu nmai byin ai. Karai Kasang gaw Annau ni hpe
hkik hkam ai amyu byin shangun mayu ai re. Dai majaw laga amyu kaji ni
hpe Annau ni nan woi awn ra sai.
Sau Nan Du
JPKS
