15 Lang na Jinghpaw Dinghku Dabang hpe American mungdan Texas kaw ngwi pyaw ai hte galaw ngut kre la lu sai lam chye lu ai.
Kachin Christian Family camp hpe shaning shagu ndai ten e galaw ai lam chye lu ai.American mungdan a memorial day masat nhtoi ten mung rai nga ai.
Dai ning gaw shawoi shaning na hta sadu shang lawm ai jinghpaw wunpawng myu sha ni grau law ai lam chye lu ai.Du sa ai yawng marai 300 jan re lam chye lu ai.
Ngai hugawng chyawm gaw bungli kyin taw majaw nlu du lawm kau dat sai.
Florida Jackson ville kaw nga ai hugawng a manang wa Maran hpau wung David sadu nna tsun dan ai hpe garan dat nngai law,sumla kaw mu ai laika buk gaw camp kaw na la wa ya ai Maran david a kum hpa rai sai.chye ju kaba sai yaw hkau David.Ndai laika buk a lam chyi myi tsun dan mayu nngai.United state nga myusha ni a hkringdat laika buk(Kachin Directory 2010-2011) rai nga ai.KAA (Kachin American Association) kawn kalajang ai lam chye lu ai.USA kaw nga ai state shagu na myu sha ni a address hte contact Numbor ni mu lu nga ai,Naw ku hpung,Myusha hpung yawng a hkring dat ni mung lawm nga ai.Ngai hugawng zawn USA nnan du ai ni a matu na chying wa akyu rawng nga mali ai.Buga hkan e tam shamat kau , gara de du mat wa sai nchye ai manang ni hpe ndai laika buk hta bai mu tam la ai hku re.KAA hpe mung grai chye ju dum sai lam shana mayu nngai law.Htawm hpang de ndai hta grau ai myu sha lam hta myu sha ni yawng shang lawm shakut nga ga law.
