Online hte bu hkawm chyai ga

Read more »

John Poi hkum hte shaga ai kadun myi

Hi Nan hte Denmark buni Kaja nga ai i? Hkau John?
Hugawng:

Ngai ndai kaw,, DK ga nkam sharin ai majaw,, n ok ai law..Ngai gaw ten nnga ai ngu ai myit hte rai sam ai..
Hkau ,,. Sa wa rit..Warmly welcome,, yaw,, Hkau..Ngai gaw Australia de maibin yang htawt mayu ai..Lamu marang hte ennvironment galai mayu nna..Ngai na matu gaw,, saq na nbung pi ngai na hkumhkrang hpe shanhte jahten kau ai majaw kun,, nlu sa wa sai!..Sa na nbung,,. ngai nga ai gawk kaw nnga ai daram re..shinggan kaw sha shang wa ai nbung gaw,, grai maza ai,.. tsirung kaw na nbung sha lo htingtsi ai..Ndai zinlawng gaw, dai pi DK hta nam law di shara re..
Hkau e,, nga shara gaw, mungkan ndai hta jinghpaw mung hta kaja ai gaw nnga ai law..
Anhte na business hpe mungkan masha ni jahten kau nna,, shanhte jahten kau ngut sai mungdan ni hkan hpe gaw anhte hpe garawt bang ai sha re..Kaja nga yang,, anhte mung anhte gawgap nna nga yang, kara mungdan mung ndep ai..
Ningbaw tai masu ai ni myutsaw myit nnga na sha re..Sa na nbung pi nnga na rai sam ai,, ndai Europe hpe gaw masha ni yawng kau da ai shara she re..US de madu sha mat ai le,, European ni gaw..Tim, US gaw loi grau kaja tim,, tsepkawp nkaja ai lam nga ai..,Earth quick leng lam ntsa na nlung pa hte re majaw le..
Crowded marekaba nkau mi gaw,, hkamja lam ah matu nkaja ai environment sha re,.
Eruop zawn ngu saga..
Anhte gaw anhte n--gun nga na matu,, anhte mung hta nan nga ra ai gaw..
Dai lam hpe chye ai myen ni gaw,, zimzim sha mawhpyi tai masu let, anhte mungdan de wa shang nga,, nna shara yawng la kau sai..ndai 15 ning hkan na,, officer tai nna wa nga ai ni mung,, bai nlek wa sam ai.. myen grai law mat sai..
12:12amJohn
nbung manam gaw nmanam ai, tim, oxygen nlawm ai daram re..dai majaw kachyi mi manan ai hte ngai gaw salum de hkra ai.Dai majaw ngai gaw,, maibin yang maling kaba hte ni ai shara hta sha nga na re..
Australia gaw,, ngai mungdan nmai wa sai re majaw,, dai mungdan gaw,, gan nga na matu ngai raq htum re..
Hkau e,, maigan du ai kaja ai lam law ai zawn,, sum lam mung grai nga ai lu,.

Ya Hkau gaw,, ma grai tsawm ai lu da sai..Dai ma ni , jinghpaw tai na matu gaw,, jinghpaw mung hta bai jinghpaw hte dinghku de nga lu na matu,, htunghking hpe yu kaba ai myusha sha rai ging ai majaw le..

12:15amHugawng : e elo..nang tsun ai jaw ai
12:16amJohn : Dai lam ni hpe Hkau Hugawng maigan kaw accoumplish lu galaw yang chyawm Hkau Grai byin ai ga rai sai..
12:16amHugawng--ke deng gara hku?
nang mung blog ngai hpaw nna na a manu dan la ai baw nu, myit masin, kata na ni shapraw da u yaw..hkau Hugawng htet mayu ai dai re.
12:18amJohn : he, mai sa,, HKau ,, ngai ka na ram nlu ai law..
12:18amHugawng : lani myi ga hkum mi re jang ram sai
12:19amJohn : he,, he,. ngu saga..
12:19amhugawng : ngai blog 20 jan ka ai re
12:19amJohn : re i?
12:20amHugawng : Nang gaw 100 jan hkra ka u
Ok,, thank, :world kachinrecord byin hkra le hehe
12:20amJohn : yaw sai,, deng gaw,,
12:20amhugawng : yaw nan yaw ra ai/english hku/jing hpaw hku
12:20amJohn : Mai sa,, grai mani ra ai yaw..
12:20amhugawng : myen hku/DMK hku/yaw sanu , ngai 2005 kaw na ka hpang ai re/Blong mungkan hta ngai gaw no.1 kachin blogger re ang sam sai kun?hehe majoi she tsun law''''
John :Hkau , grai hkrak ai yaw,..Hkau ,, tsun ai zawn,, law law kaja she ka rit,,Ahtsam nga ai ni gaw,, nga ai ram gat ging ai le,..Ngai kaga galaw hpa nga ai law, hkau ..blog ni ah matu hkau ni kaba pan ni hpe kam sai..
Grai naw nga ai,, ndai lan she nre blog ni gaw, shiga dap hte bung ai..ahhkyak gaw,, trend kaw yawng lawm na shingnyi rai ni re ngu shadu ai le..e.g, Language,zawn re le..blog ni gaw, shiga dap kaba ni lek wa jang kaai n visit sai ,, nre i..Ahhkyak dik gaw,, yajang jinghpaw mung lu na she re law..Dai hte shumshi shumsha kaja dik ai lam ngam na rai jang,, kaning re bungli mung dai hta grau kaja ai nnga sai..Tim, blog ni hpe nra ai ngu ai nre,..
12:30amJohn : Shi ten hte shi,, nga nan nga ra ai lam ni re majaw,, ndai mung yaten na matu gaw ahhkyak dik ni re ngu saga..TIm hpang de ngu ai hta,, ngam ai rai chyawm record gaw nga na re..Shiga record,.. rainga,.yaw, Hkau Hugawng,,ngai naw rai sai!..bye..

Read more »

PADANG LUNG

Read more »

MALI HKA NAM MAYAN

Read more »

NLUNG BAREN A LAM

Read more »

Myusha ni a dat kasa rung de hkawm chyai du chyai

Lai mat wa sai June shata e Malaysia mung dan kaw jung da ai Jinghpaw wunpawng sha ni a Dat kasa rung KRC de du chyai hkawm chyai byin ai.

Tinang ti nang hte seng ang ai bungli ni hta kyin nga ma ai,Jawng sara num ni mung sara ma N Hkum Lu Lu kawn woi awn let,mani hpe gara hku nna laika sharin ya na lam,hte mahkrun myu myu tam let shakut nga ma ai,Tsin yam ning baw wa Naw Seng mung dai ning gaw Grau nna kaja ai ladat hte myu sha ni a matu gara hku galaw yang mai na lam ni, seng ang ai Mugun ni hte jahkrup nga ma ai,Moi na magam gun lai wa sai Slg/ sara/ Usa/ ni hte Makam masham

hpung,Myusha hpung myit su ni hpe hpaji hpyi bawng ban jahkrup ai lam mung tsun kajai nga ma ai.

shara myi kaw gaw sara Sut Ring hte Ahpung, groups ni Hpang na shata shapraw na KRC magazin hpe lajang nga ma ai.

Sara Ah Ram Hte Sara Roben yan mung Myu sha ni hpe matut mahkai let ra ang ai myu sha tsin yam ni a mang hkang ni hpe NGO/ UN ni hte matut mahkai let hparan ya nga ma ai.

Sara num Marip Ahkai mung Jahpan chyarang hte n rau nhtau rai kyin nga lu ai.

Sara M.N mung awng mung Computer ayi/ala yawng hpe yu gram lajang ya nga lu ai.

Daw dap shawa dun kaw grai myit lawm let astro TV bawlung poi yu nga ai sum pum myi mung nga ma ai.

Shat gawk kata e jap htu htu,coffee gayau rai daw jau ai,shayi sha 2 mung mu kau da sai.

Tsin yam ni a matu arung arai ,hte malang rai,buhpun palawng 2nd hand kumhpa ni hpe garan ya nga ai sara ma 2 hpe mung mu kau da sai.

ndai gaw Ngai hu gawng Datkasa rung e hkying hkum 4 hpahka dung lu let mu la sai lam garan dat ai lam sha re.kata kaw grau nyam ai ni naw nga na ma ai.

Lak lai ai gaw

Moi nnan hpang daw de KRC,KDO hpe ntai nmai di nna majaw tawn ai rai tim,Dai ni gaw Kaja wa nan KRC ni myu sha ni hpe lu galaw ya nga sai lam mu lu nga ai.

2003 ning hpaw hpang ai ten gadai gara, tara shang uhpung hku mung n masat ya shi ai,tinang myu a matu ngu nna myit let hpang ai ten sha naw re.

2005-2006 MSF hpe KDO mugun ni garum ai a majaw NGO kaw nna Kachin Groups hku nna masat ya hpang sai ,2007-2008, NGO ,ACTS ni hpe matut mahkai bungli garum sai majaw UN hte tagin dun ai lam shangang ya hpang wa sai.2008 -Hpu nau Amyu baw sang ni yawng hte shata shagu hpawng chyawm ai a jaw e Maigan mung dan shara shagu na NGO hte myit su nkau myi masat masa law law galaw ya wa ma ai.

2009 ning gaw UNHCR kaw nna nan tara shang masat masa Kachi Refugee Committee hku nna masat laika pa(Document) hte hkrak di da ya ai lam hpe mu lu ai.

2003 ning KDO hpe mung UNHCR kawn masat da ya sai lam gaw chye lu ai rai tim laika pa document gaw njaw shi ai lam

chye lu ai.

Duwa na ten hkan sachyai yang she bai garan gachyan sana yaw..ya gaw mu naw kyin nga ma ai

Read more »

My beautyful myenmar

Ndai lai ka buk kasha a majaw Malaysia Kachin ni hpe maigan masha ni law law chye na ya wa ai lam hpe mu lu ai,

Hugawng Malaysia na star shilaika hti yu yang mung Kachin Refugee kids ni ka da ai Nagis alu tam na matu re nga ai lam hpe mu lu ai.

Bai nna TV7 yu ai shaloi mung alu gum hpraw yawng hkra hpe Myenmung dan de ap ya sai lam mu lu ai.Myen mung masha ni ndai lamang hpe galaw ai ngu hku sha nrai nna Kachin ni galaw ai re lam hpe asan sha ka da ma ai,Hugawng a Customer langai mung Ndai Kachin ni myen mung na re i?Gara mung dan kaw na ta nga san wa ai,Laika buk ra ai nga tsun ai majaw ngai kaw nga ai jaw kau dat sai.

Asak shijan ning re ma ni ka ai laika buk re majaw grau nna hkung ga jaw sam ang ma ai.Nye a customer Australia la wa tsun ai gaw ndai zawn re yawng a matu chye myit ai amyu lakung gaw kaja ai.An hte ni Kachin ni a lam astawm naw sagawn na.akyu rawng ai mai kaja ai myu langai re nga nna ngai hpe tsun kau da ai.Ngai hu gawng a mahkrum madup re.

ndai laika buk hte seng nna grau hkum tsup hkra gaw KRC ni sha chye na re.ngai gaw ntsa lam mahkrum madup hpe tsun dan ai sha re.

Ya ten hugawng galaw nga ai Malaysia kaw buhkawm chyai ai Tourist ni pyaw chyai gin ra spa kaw na mahkrum madup hpe gadun myi garan dat nngai law.

Read more »

KRC,KDO Malaysia Myusha lam hta shakut nga

Hugawng a ning mu

(KRC )Kachin refugee Comittee,moi shawng de KDO,Kachin Development Organization gaw 2003 ning kaw nna dai ni du hkra myu sha bungli hpe dang di dang dep ai hku nna galaw gun hpai nga ai hpe mu lu ai.Laiwa sai ten na ning baw ning la mugun ni yawng mung tinang akyu ntam,myu sha lam hpe lam amyu myu hku nna ayak ahkak rai woi shakut lai wa sai hpe mu lu

ai.Lam masa amyu myu a majaw ning ra mat wa ai lam ni gaw nga na sai.

ning ra ai hpe sha mara shagun dang rang hkat nga na malai shawng lam hpe rawt jat wa na hpe madung dat nna shada madi shadaw hpaji jaw hkat ai gaw madung rai na re ngu mu mada ai.

Yadai ni Malaysia mung dan hta tang du hkra myu sha lam hta tsap nga ai u hpung u hpawng ni hta na KRC,KDO gaw n gun ja dik galaw lu ai lam law dik mung rai nga ai.KDO,KRC galaw ai magam bung li ni hta UN lu na hpe sha madung dat ai sha nrai nna,Mani hpe hpaji sharin ya ai lam mung NGO hte ta gindun let Tsin yam jawng pyi hpaw na madang de rai wa sai.

Hpaji lam,

KDO,KRC tsin yam jawng na jawng ma ni ning tawn ai lam hpe Maigan mung dan masha ni mu chye wa ai majaw Kachin hpe grau chye na tsaw ra sharawng ai lam mung nga wa sai.Myen mung na Nagis tsin yam hpe Garum na matu KRC,KDO tsin yam jawng ma kaji ni laika buk ka nna alu tam ai lam mung awng dang nga malu ai.Dai laika buk kasha a majaw maigan mung dan lawlaw mung kachin hpe grau chye na wa ai lam mu lu ai.

Myusha lam,

KDO,KRC ni myusha lam hta tsap nga ai lam masa mung myit lawm hpa lamang ni lawm nga ai.Tinang myu sha a matu sha nrai nna myen mung dan na du sha ai myusha baw sang lawlaw hte kanawn mazum let shata shagu hpawng ai lam,shada garum madi shadaw hkat ai lam,Myen mung dan myu baw sang masha ni grau grau nna zin lum wa na lam hpe madung dat let myu sha baw sang poi,htung hking poi ni rau jawm galaw rai shakut nga ai hpe mu lu ai.

Mung dan masa lam,

mung masa hpe chyawm gaw KRC,KDO amying shing teng hte adan aleng woi galaw ai lam gaw nmu lu tim myusha mung sang masa hku nna maigan mung dan du,buga kata nga ai myit su du salang ni hte myusha ni a galu gaba lam san jahkrup nna hkawm sa chye ai lam gaw mu lu nga ai.

Makam masham lam,

Makam masham lam hta mung Naw ku hpung woi baw hpan lawlaw hte kanawn mazum nna rap ra hkra ganawn mazum hpawng de nga ai lam mu lu nngai.

Tsin yam ni hpe garum ai lam

Malaysia mung dan du nga sai myu sha tsin yam ni hpe mung lam amyu myu hku nna ladat shaw let shada garum hkat nga ma ai.Tinang myut sha ni hkyuk htawng rawng ai ten sadu gawan,shaw hkye la ai lam,Machyi makaw Tsirung du ai ni hpe KRC,KDO mugun ni nan sadu gawan let NGO hte hpawn rai tsi lajang la ai lam ni hpe mu lu ai,Tsin yam hkrum ai ni yawng

hpe kaba dik hku nna lu garum la ai lam gaw UNHCR hte tagin dun let Tsin yam lekmat shawk ya ai lam rai nga ai,Dai tsin yam lek mat lu ai hpang she ahkaw ahkang lawlaw nga ai lam ni a majaw rai nga malu ai.

Myu sha law tham wa ai lam,

KRC,KDO a myusha mayat maya lam ladat mung ram daw gaw awng dang ai lam hpe mu lu ai.Laban bat shagu hkung ran poi,Shata shagu ngu na ram madai daw hkalum kyu hpyi poi ni grai law ai hpe yu yang mayat maya lam mung ding yang re hpe mu lu nga ai.

Ndai gaw ngai langai sha mu lu ai ning mu sha re,dai hta grau nna lu galaw ai lam ni lawlaw nga na re.

Laimat wa sai ning nan hpang kawn dai ni du hkra lam woi laiwa sai Hpu shawng hpu ba Mugun ni yawng hpe Myu sha langai hku nna Hkung ga jaw arawng la nngai ngu tsun mayu ai la re.

chyeju Kaba sai,

hugawng@gmail.com

Read more »

Post-modern hpawa ta? tawng kun? pa kun? ntsin kun? ( Hugawng a manang wa ka ai hti yu ga)

Mara Tam Nmu ai Mang Hkang
by Bum Sin Wa Karai Masa

Manghkang hkrai hkrai manghkang hkrai.
Grau nna gaw (Asak 30)ning jan sai ni, galu kaba hpang wa ai mungdan kaw shangai ai ni yawng hta byin nga sai. Makam masham, hpaji, kanawn mazum hku hkau, bungli galaw sha, sut tam, hkawm sa, nga pra lam yawng lawm nga ai. Galu kaba sai mungdan ni kaw grau byin ai hpe gaw nchye lawm ya nga ga ai. Shanhte kaw byin ai grau nga ai. Hpa wa rai ta?

Prat a maka gaw "Post-modernity" kata kaw rai nga ai. Anhte myit jasat nga ai hte sharin la nga ai lam ni gaw "Modernity" lai hkrai rai nga ai. Lachyum gaw, shi a du hkra ladaw hte shi, shi a ginra masa hte shi nga ra ai raitim,yawng hpe nhti nhtang bai li bai la ndi nda byin kau shangun ai gaw Post-modernism rai nga ai. Masha ni ndai ga hkaw hpe atsun nga tim Sinpraw masha ni a matu gaw "word form" langai hku sha chye na la nga ga ai kun. Kadai mung kaning re ai hpe tsun ai rai ta? ngu ai hpe hkrak nchye na wa sai. Lachyum shaleng ai ni law law, htai sang lang dan ai ni law law re. Dai lam ni yawng mung shi a ginra hte grup yin hta byin nga ai lak lai lam hta mahta nna tsun da ai hkrai law rai nga ai.

Generation gap ngu na kun, kaba ai ni ndai pot-modern lam hpe nchye na ma ai. Grai kaba sai ni hkum tsun (Asak 30) jan jang grai chye na yak nga masai. Kanawn ai manang nkau mi tsun nga ma ai. Post-modern gaw Modern hta grau tsaw ai hpe tsun ai le, da. Modern ngu ai gaw lak lai ai hku galaw lu ai atsam ningja hte htung lai maka langai re le, da. Modern age kaw shangai wa ti pyi modern na lam hkrak nchye shi ga ai. Ga si hpe gaw na ga ai na sai. Local knowledge law nna world view hta nshang ai majaw mung mai byin ai, hpaji sharin ai hta hti hka ja na laika buk ni hkum hkra nlu ai majaw mung ndep nhkap byin na sai. Hpa mi rai rai, prat a leng gaw kyi mat wa nga ai re majaw ndep kau sai ngu ai hte gaw hti ngam nga sana sha re.

Dai majaw manang langai hte hku hkau na yak wa sai. Nbung ai ningmu hte kanawn na yak la ai zawn, chye na ai nhkrum jang mung yak nga ai. Kaba ai ni tsun ai ga hpe ramma ni nau nkam madat wa sai. Ramma ni hpe mung kaba ai ni gaw nchye yu chyoi wa sai. Hpung sara ni hkaw ai tara hkaw ga hpe nau nhkan sa sai. Masha ni tsun shagu mung kadai nau nkam sham wa sai. Tinang kaw nga ai lama ma hpe manu shadan mayu wa sai. Tinang kaw lama ma nnga yang asak hkrung nga pra na gaya kahpa dum wa ai. Tsang (10) nlu awng jang masha jahpan nshang dum wa ai. Awng nna mung laklai ai maka mi gaw n lu gran dan tim, manu shadan la hkat ai nbung wa sai.

Masha shagu hkam la mayu ai gaw, sut su na, gumhpraw lu nna arawng tsaw na, mungkan chyam hkawm lu na hte galoi mung akyu rawng ai masha, tsawm htap nna hpaji rawng ai wa rai nga mayu sai. Raitim, shaman chyeju gaw yawng hpe ren di nna shai ai hku she jaw da sam sai.

Dai majaw Post-modern ngu ai prat de shang gabye wa ai ten hta, gara kaw na mi rai yang rai tinang a hkum hpe chye na la ra ai daw, masha ni hpe chye na ya ra ai daw, byin nga ai htunghkring hpe hkap la lu na atsam marai hte ndai mungkan gara de shading sa wa nga ai hpe hkrak sha hkan hkawn chye ra sai hku re. Hkawn hkrang chye na ai lam nbung la na re, raitim layung madi man yawng ra ai daw hpe gaw chye ra na ga ai. Grau nna Mungdan kaga de du kabye shang wa nga ai ni gaw nchye nmai rai nga ai
shing nrai yang, maanghkan hkrai hkrai manghkang hkrai hkrai rai nga na rai nga ai...ngu ai hpe ga hpaw hpaw dat nngai....

Read more »