**************************
By / U Ravika
(၁) ကချင်နဲ့ ဒေါ်စု တိုက်နေကြသလား
+++++++++++++++
ပိတ်ဆို့မှုရုပ်သိမ်းရေးနဲ့ ပတ်သက်ပြီး အမေရိကန်နဲ့မြန်မာ ဆွေးနွေးဖို့ ရှိတယ်။ ဒေါ်စုက ဒီနေ့ အမေရိကကို လာပါ့မယ်။ သူရရွှေမန်းကတော့ သူ့သား ရွှေအိုးထမ်းမဲ့အဖြစ်ကို ကြည်နူးနေတယ်။ ခရိုနီတွေကလည်း နေမထိထိုင်မသာပါပဲ။ မြန်မာတရုတ်တွေကလည်း ငြိမ်ချက်သား ကောင်းနေရာကနေ အခုမှ ပဉ္စမမြန်မာနိုင်ငံတော် ထူထောင်တော့မှာဖြစ်ကြောင်း ဖားပြီး နေရာယူဖို့ ကြိုးစားနေကြတယ်။ မြန်မာစစ်တပ်ကတော့ ဒေါ်စု ဘာသွားလုပ်မလဲ သိနေလို့ အသံတိတ်နေပါတယ်။ ဒါပေမဲ့ Kachin Alliance အဖွဲ့က ပြန်ဖွင့်မပေးဖို့ သမ္မတအိုဘာမားကို စာပေးတယ်။ မြန်မာနိုင်ငံက လူ့အခွင့်အရေးအဖွဲ့အစည်းတွေကလည်း ပြန်ဖွင့်မပေးစေချင်တဲ့ သဘောထားရှိတယ်။ နိုင်ငံတကာက လူ့အခွင့်အရေးအဖွဲ့အစည်းတွေကလည်း ပိတ်ဆို့မှုကို ပြန်ဖွင့်ပေးဖို့ အချိန်မတန်သေးကြောင်း သတိပေးစာတွေ ထုတ်နေကြတာပါ။
ဒီမှာပဲ ဒီမိုလော်ဘီတွေက ဒီတစ်ခါ KIA ကပဲ စွမ်းမလား၊ ဒေါ်စုကပဲ စွမ်းမလား ကြည့်ရသေးတာပေါ့လို့ ပြောကြပါတယ်။ ဘာကြောင့် ပြောရသလဲ။ မြန်မာနိုင်ငံမှာ ပိတ်ဆို့မှုကို ဆက်ထားဖို့ ကချင်က လွဲပြီး ဘယ်အဖွဲ့ကမှ မပြောဘူး။ မွန်၊ ကရင်၊ ရှမ်း စတဲ့ လက်နက်ကိုင်အဖွဲ့အစည်းတွေဟာ ဒီမှာ ဝတ္တရားပျက်ကွက်ကြတယ်။ ပိတ်ဆို့မှုကို ဖွင့်လိုက်ရင် စီးပွားရေးနဲ့ တိုက်လာမှာကို လျှော့တွက်မိလို့ နေတာ ဖြစ်ပါလိမ့်မယ်။ ထင်ပေါ်ကျော်ကြားမှု၊ ကိုယ်ရည်သွေးမှု၊ အရည်အချင်းမပြည့်မီမှုတွေဟာ တိုင်းရင်းသားခေါင်းဆောင်အချို့ကို နိုင်ငံရေး သေစေမှာ ဖြစ်တယ်။ ဒါပေမဲ့ လက်ရှိအနေအထားမှာ ကချင်နဲ့ ဒေါ်စု ပြဿနာ မဟုတ်ဘူး။ တိုင်းရင်းသားနဲ့ ဗမာပြဿနာ ဖြစ်တယ်။ အခုအချိန်မှာ ပိတ်ဆို့မှုကို ဆက်ထားဖို့ ဘယ်ဗမာကမှ မပြောတော့ပါဘူး။ ဒေါ်စုကိုယ်တိုင် ပြန်ဖွင့်ပေးဖို့ ကြိုးစားနေခဲ့တာပါ။ နိုင်ငံတကာအသိုင်းအဝိုင်းမှာလည်းပဲ အစိုးရနဲ့ စီးပွားရေးလုပ်ငန်းရှင်တွေက ဖွင့်စေချင်တဲ့ဘက်မှာ ရှိနေပြီး လူ့အခွင့်အရေး လှုပ်ရှားသူ အဖွဲ့အစည်းတွေကပဲ ပိတ်ဆို့မှုကို ဆက်ထားစေချင်တာပါ။ ဒါကြောင့် ဒီနေရာမှာ ဒေါ်စုက ကချင်ကိုပဲ ရင်ဆိုင်ရမှာ မဟုတ်ဘဲ ပြည်တွင်းပြည်ပလူ့အခွင့်အရေးလေ့လာစောင့်ကြည့်နေတဲ့ အဖွဲ့အစည်းတွေနဲ့လည်း ရင်ဆိုင်ရမှာ ဖြစ်တယ်။
၂။ ကရင်နဲ့ကရင် တိုက်နေကြသလား
မကြာခင်က မွန်နဲ့ကရင် ပြန်ပစ်ကြတယ်။ အထိအခိုက် မရှိလို့ တော်သေးတယ်။ ဒါပေမဲ့ ညှိလို့ အဆင်ပြေသွားပြီ။ အခု ပလောင်နဲ့ ရှမ်းတို့ ညှိနေကြတယ်။ အဆင်ပြေစေချင်တယ်။ ဖြစ်နိုင်ရင် တိုင်းရင်းသားအားလုံး စုစည်းညီညွတ်စေချင်တယ်။ လောလောဆယ်မှာ မဲသဝေါတိုက်ပွဲနဲ့ ပတ်သက်ပြီး KNU က စာထုတ်တယ်။ BGF တွေနဲ့ မြန်မာစစ်တပ်က ဘားအံခရိုင်နဲ့ ဘားပွန်ခရိုင်တို့နဲ့ ထိစပ်နေတဲ့ မဲသဝေါမှာ ထိုးစစ်မဆင်ဖို့ ကန့်ကွက်တယ်။ ကရင်လူထုက KNU အပေါ် အမြင်မကြည်မှာကို စိုးရိမ်ပုံရတယ်။ ပြီးတော့ ဥက္ကဋ္ဌသစ်ရွေးပွဲကလည်း ရှိသေးတယ်။ KNU က ဒါကို ပိုပြီးတော့ ဂရုစိုက်ပုံရတယ်။ အမှန်မှာ KNU လုပ်သင့်တဲ့ကိစ္စမှာ မြန်မာစစ်တပ်နဲ့ ပူးပေါင်းဆောင်ရွက်ဖို့မဟုတ်ဘဲ မြန်မာစစ်တပ်သွေးခွဲလို့ ကွဲနေတဲ့ ကရင်တွေကို ညီညွတ်အောင် လုပ်ရမှာ ဖြစ်တယ်။ ဒါ အရေးကြီးတယ်။ အတိတ်ကို သင်ခန်းစာယူပြီး ပြုပြင်နိုင်မှ ကရင်အကျိုးစီးပွားကို ကာကွယ်နိုင်မှာ ဖြစ်တယ်။
အချို့က ကရင်နဲ့ကရင် အချင်းချင်း သတ်နေကြတယ်လို့ ပြောပါတယ်။ အမှန်မှာ BGF မှာ အမိန့်ပေးနိုင်သူကတော့ ဗမာတွေပါပဲ။ ဗမာတွေပါပဲလို့ ပြောတော့လည်း ဗမာတွေက နာကြပါအုံးမယ်။ သူတို့က သူတို့တပ်ကိုလည်း ထောက်ခံချင်ကြတယ်၊ သူတို့တပ်က မကောင်းတော့ သူတို့ပါ နာမည်ပျက်မှာကိုလည်း တွေးကြောက်ကြသေးတယ်။ ဟိုမရောက်ဒီမရောက်ဘဝပါ။ ဒါကြောင့် မိမိက ဗမာ့တပ်မတော်အမိန့်ပေးတဲ့အတိုင်း နာခံရတဲ့ BGF ဟာ ကရင်တပ်လို့ မမြင်ဘူး။ ဗမာ့တပ်မတော်ပဲလို့ မြင်တယ်။ ဒီတော့ ကရင်နဲ့ဗမာတိုက်နေကြတယ်လို့ပဲ ပြောရပါလိမ့်မယ်။ ဗမာတွေက ကရင်တွေကို ဗမာစိတ်ပေါက်အောင် BGF အဖြစ် သွတ်သွင်းပြီး ကရင်တွေကို ပြန်တိုက်စေတာ ဖြစ်တယ်။ အိမ်ကြက်ချင်း ခွပ်ခိုင်းတာ ဖြစ်တယ်။ တကယ့်တကယ်မှာ ဘာကြောင့် တိုင်းရင်းသားတွေက BGF အစီအစဉ်ကို လက်မခံကြသလဲလို့ မေးရင် အခုန ပြောသလို ဗမာ့တပ်မတော်က တိုင်းရင်းသားတွေအချင်းချင်း အိုးမည်းသုတ်ပြီး ခွပ်ခိုင်းမဲ့အစီအစဉ်ကို တွေ့မြင်ရလို့ ဖြစ်တယ်။ ပြောင်ပြောရရင် ပြည်မဗမာတွေရဲ့ လက်ကိုင်တုတ်အဆင့်သာ ရှိပါတယ်။
၃။ ဖွတ်နဲ့ ဒေါင်း တိုက်နေကြသလား
တိုင်းရင်းသားစာပေ ထွန်းကားရေး စီမံချက်ချဆောင်ရွက်ဖို့အဆို ရှုံးနိမ့်သွားကြောင်း ကြားသိရတယ်။ အဆိုတင်သွင်းသူက အမျိုးသားလွှတ်တော်ဥက္ကဋ္ဌဟောင်း ဦးခင်အောင်မြင့်ပါ။ ကန့်ကွက်သူတွေကတော့ NLD နဲ့ အပေါင်းအပါတွေပါပဲ။ ခင်အာင်မြင့်အဆိုဟာ တိုင်းရင်းသားစာပေနဲ့ ပတ်သက်ပြီး NLD အမတ်တွေ စေတနာမရှိကြောင်း သိသာသွားစေခဲ့လို့ တိုင်းရင်းသားတွေအတွက် ဆင်ခြင်စရာလေးတွေ ဖြစ်ပါတယ်။ ဒါပေမဲ့ Don't be carried away!!!! ခင်အောင်မြင့်ကော အမှန်တကယ်ပဲ တိုင်းရင်းသားအရေးကို ဦးစားပေးသူလားလို့ စစ်ကြည့်ရင် သူက အမျိုးသားလွှတ်တော်ဥက္ကဋ္ဌလုပ်တုန်းက လက်ရှိ NLD ဥက္ကဋ္ဌထက် ပိုဆိုးခဲ့ပါတယ်။ ဒါကြောင့် သွေးနထင်ရောက်မနေကြပါနဲ့။ ဦးခင်အောင်မြင့်က ပြီးခဲ့တဲ့ (၅)နှစ်တုန်းက ဒီအဆိုကို ဘာကြောင့် မတင်ခဲ့သလဲ။ သူ တင်ခဲ့ရင် အတည်ဖြစ်ခဲ့မှာပဲ။ အခုလို NLD ကြီးစိုးတဲ့ လွှတ်တော်မှာ အဆိုရှုံးရမှာမဟုတ်ပါ။ ဒီနေရာမှာ ဘာကို ပြနေသလဲလို့ ပြောရရင် ဗမာနိုင်ငံရေးသမားတွေဟာ တိုင်းရင်းသားတွေကြားမှာ နေနေတဲ့အချိန်၊ အတိုက်အခံပါတီဘဝမှာ ရှိနေတဲ့အချိန်မှာ တိုင်းရင်းသားအရေးကို စိတ်ဝင်စားသယောင် လုပ်ပြပြီး အကူအညီကို ရယူလေ့ရှိပါတယ်။ တကယ်လို့ သူတို့အောင်မြင်သွားရင် လေသံက ပြောင်းသွားတယ်။ မျက်နှာပေးက မာသွားတယ်။ မဲဆွယ်တုန်းက ဒေါ်စုစကားနဲ့ အတိုင်ပင်ခံဘဝမှာ ဒေါ်စုပြောတဲ့စကားဟာ ဆီနဲ့ရေပမာ ကွာခြားလှပါတယ်။ ဒါကြောင့် ဖွတ်နဲ့ဒေါင်းတို့ဟာ အမှန်အကန် တိုက်နေကြတာ မဟုတ်ဘဲ ပွဲ ကြည့်ကောင်းရုံလောက်ပဲ ဆော့နေကြတာပါ။
၎။ တိုင်းရင်းသားတို့အင်အား တိုင်းရင်းသားတို့မှာသာ ရှိ
အခြေအနေတွေက ပိုပိုပြီးတော့ ရှုပ်လာတယ်။ ဒီိလိုအခြေအနေမျိုးမှာ PPST ကိုလည်း ပြောပါ့မယ်။ DPN ကိုလည်း ပြောပါ့မယ်။ Western Alliance တွေကိုလည်း ပြောပါ့မယ်။
(၁) ဒေါ်စုရဲ့ ဒီတစ်ခေါက် နိုင်ငံခြားခရီးစဉ်ဟာ မြန်မာစစ်တပ်ရဲ့ အကျိုးစီးပွားနဲ့ လုံးလုံး သက်ဆိုင်နေပါတယ်။ ဒီမိုကရေစီစနစ် မပီပြင်သေးဘဲ၊ ဖက်ဒရယ်မရသေးဘဲ စီးပွားရေးပိတ်ဆို့မှုကို ဖွင့်ခဲ့ရင် အဓိကနစ်နာရမှာက ပြည်သူများနဲ့ တိုင်းရင်းသားများ ဖြစ်ပါတယ်။ တိုင်းရင်းသားတွေက အမျိုးပျောက်ဖို့အထိ ဖြစ်နိုင်ခြေရှိတယ်။ ဒါ အပိုပြောတာ မဟုတ်ဘူး။
(၂) ဒုတိယသတိထားရမှာက ဗြိတိန်၊ ဥရောပနဲ့ အမေရိကန်ပြည်ထောင်စုတို့ရဲ့ မူဝါဒဟာ လွန်ခဲ့တဲ့ ဆယ်စုနှစ်တွေနဲ့ မတူတော့ဘူးဆိုတာပါပဲ။ သူတို့က တရုတ်ကို ထိန်းဖို့ မြန်မာကို အသုံးချစရာ ရှိပါတယ်။ မြန်မာကို အသုံးချနိုင်ဖို့ မြန်မာ့တပ်မတော်ကို အလိုလိုက်အကြိုက်ဆောင်ပေးဖို့ ဝန်လေးကြမှာမဟုတ်ဘူး။ မြန်မာ့တပ်မတော်ရဲ့ အလိုဆန္ဒဆိုတာ တိုင်းရင်းသားတွေကို ဗမာမှုပြုရေးပဲ ဖြစ်ပါတယ်။ တကယ်လို့ ဗြိတိန်တို့၊ အမေရိကန်တို့၊ ဥရောပသမဂ္ဂတို့က မြန်မာစစ်တပ်နဲ့ ပူးပေါင်းဆောင်ရွက်လာခဲ့ရင် တိုင်းရင်းသားလက်နက်ကိုင်တော်လှန်ရေးအဖွဲ့အစည်းများအနေနဲ့ မိမိတို့ရပ်တည်နိုင်ဖို့အတွက် အခုကတည်းက ပြင်ဆင်ထားကြရမှာ ဖြစ်တယ်။ လက်နက်ကိုင်တိုက်ပွဲ ခေတ်မမီတော့ဘူးဆိုခဲ့ရင် မြန်မာ့တပ်မတော်ကလည်း လွှတ်တော်မှာ ထိုင်ပြီး စစ်တိုက်ချင်တိုင်း တိုက်လို့အောင် ဖွဲ့စည်းပုံကို ရေးဆွဲထားခဲ့မှာမဟုတ်ဘူး။ ဒါကြောင့် မတွေဝေကြပါနဲ့။ တတိယနိုင်ငံများနဲ့ ဝင်ဆံ့ဖို့ ကြိုးစားကြပါ။ အဲ့လို ဝင်ဆံ့ဖို့ဆိုခဲ့ရင် အားလုံးက တစ်စုတစ်စည်းထဲ ဖြစ်နေရပ့ါမယ်။ မဖြစ်လို့ မရပါ။ မဖြစ်ခဲ့ရင် ဘယ်တော့မှ နလံမထူနိုင်တော့တဲ့အဖြစ်မျိုးနဲ့ ရင်ဆိုင်ရနိုင်ပါတယ်။
(၃) UPDJC က ပြည်ထောင်စုငြိမ်းချမ်းရေးညီလာခံကို ဦးဆောင်ဖို့ လိုပါ့မယ်။ အားလုံး UNFC ထဲ ဝင်ရောက်လိုက်ပါ။ UNFC ဖွဲ့စည်းပုံကို ပြင်စရာရှိရင် ပြင်လိုက်ပါ။ အဖွဲ့စုံမှ ညီလာခံကို တက်ရောက်မယ်ဆိုတဲ့မူကို ကိုင်စွဲကြပါ။ တိုင်းရင်းသားတွေ စုစည်းညီညွတ်မှုရှိမှ အင်းအားအမှန်ကို ရနိုင်ပါလိမ့်မယ်။ အချင်းချင်းသွေးစမ်းနေကြမဲ့အစား ဖက်ဒရယ်ရရှိဖို့အရေးအတွက် နိုင်ငံရေးကိုပဲ ကစားကြပါ။
