1924 (1st step of self-determination)
Englik colonial prat hta Wunpawng Amyusha ni a shawng nnan lang na, tinang lamu ga tinang uphkang na hte seng nna:-
- Srkb Maran Robin
- Srkb Pangmu Lahpai Zau Tu yan woi awn let, Sr. Hacurt Pattler hpe Katha-Maza kawn HOME RULE masat ya na matu hpyi lai wa sai.
1949, Fed (16)
No (2) Mungkan majan ngut ai hpan, mungkan mungdan law malaw, tinang lamu mungdan hpe tinang nan uphkang lu ai ahkaw ahkang hpe colonial ni jaw wa ai aten, wunpawng amyusha Lahpai Naw Seng gaw munghpawm myen hpyendap kata na Jingpaw Dap (1st Kachin Dap) hpe captain arawng aya hte woi gumlang hpang wa sai. Dai ten hta Jinghpaw Mung(common language at that time), Sam, Hkang, Karenni Mung ni hte Myen Mung gaw munghpawm mungdan gawde nga ai ten rai nga ai.
1949, Oct (11)
Captain Lahpai Naw Seng woi gumlang ai hpung a matu amyusha dawnghkawn hpe, manaw manang ni hte Bago Taing, Taung Nguu Muklum, Ye Tar Shea mare hta galaw la wa sai. (Ya KIO lang ai amyusha dawnghkawn nan rai nga ai)
1949, Nov (9-11)
Dkb Lahpai Naw Seng gaw PNDF (Pawng Yawng National Defence Force) hpe Huhpyet Manbung kaw hpaw hpang wa sai. Amyusha dawnghkawn hpe mung shawng nnan sharawt lang wa sai. (Lam amyu myu a majaw 1953, March shata hta Miwa Mung de shang mat sai)
1956
Jinghpaw Mung hte Miwa Mung lamu ga jarit manghkang byin. U Nu hte Cho In Lại gaw Jinghpaw Mung a kahtawng (3) rai nga ai Hpimaw, Gawlang, Kangfang hpe Miwa de jaw ya na gasadi jaw dat ai.
1956, Nov (9)
Yangoon kaw U Nu hte Cho In Lại hkrum ai ten, Yangoon dakkasu wunpawng ramma ni:-
1. Micheal Kareng Yun
2. Pungshwi Zau Seng
3. Ndu Zau Tawng ni woi awn nna, marai (20) dan lamu ga manghkang hte seng nna, U Nu hte sa hkrum wa sai. Amu n byin na bai wa.
1957
U Nu a myit masa chye ai hpang, U Nu hte sa hkrum ai wunpawng ramma ni kaw nna mungmasa shamu shamawt wuhpung (7) Stars paw pru wa sai. 7 Stars hta lawm ai ni:-
1. Lahtaw Zau Tu (Ningbaw) - Hpyen hpaji hkaja taw.
2. Hpauyu Tu Lum (Amu madu) - Gaw sharawt hpaji hkaja taw.
3. Malizup Zau Mai - Uphkang hpaji hkaja taw.
4. Pungshwi Zau Seng - Maigan kyithkai hkaja taw.
5. Hkangda Brang Gam - Rung hpaji hkaja taw.
6. Nahpaw Gun Jawng- Hkamja hpaji hkata taw.
7. Malang Shawng - Hpaji masa hkaja taw ten ni rai nga ai.
Dai hpung ni kaw nna Lahtaw Zau Tu gaw kahpu Lahtaw Zau Seng hte matut mahkai nna Wunpawng amyusha mungmasa hpung hpaw na matu yaw gya wa nga sai.
1960, Oct (25)
Wunpawng Mungdan Shanglawt Hpung (KIO - Kachin Independence Organization) hpe hpaw hpang.
- G.O.C Lahtaw Zau Seng (Ningbaw)
- Lahtaw Zau Tu (Ningtau)
- Lama La Ring (Amu Madu) ni rai nga ai.
Matsing;- Hpyendap shawng n hpaw ai: mungmasa hpung shawng hpaw ai. Dai gaw Hpyenmasa hta mungmasa gaw grau tsaw ai ngu lachyum rai nga ai: dai majaw hpyendap gaw mungmasa woi shakri ai kata kawn amu galaw ra ai. Mungmasa hkamla lam n nga ai hpyendap gaw gumshem ai hpyendap de gale na aloi sha rai nga ai.
KIO a lachyum - Wunpawng Mungdan Shanglawt Hpung gaw, Wunpawng
Mungdan masha ni hte, Wunpawng Amyu sha ni a myit hkrum kahkyin gumdin ai, Mungshawa yawng a lam woi ningshawng, Mungshawa akyu ara hpe gunhpai ai, Mungshawa a gawng malai tai ai, rawtmalan ai Hpung re.
1961, Jan (15)
Lashio mare kaw zuphpawng galaw nna Wunpawng Mungdan Shanglawt Kongsi (KIC - Kachin Independence Council) hpe hpaw hpang sai.
1961, Fed (5)
Wunpawng Mungdan Shanglawt Hpyendap (KIA - Kachin Independence Army) hpe KIC salang ni hte Mungshawa ni Lashio, Lunglaw Pa kaw galaw ai zuphpawng hta, hpaw hpang sai.
1961, Feb (7)
Lashio Bank sa hpya.
(Rawtmalan shawng nnan woi gau na matu arang sa shaw)
1961, March
Wunpawng Mungdan Shanglawt hpyen dap hpe gawgap shalat ai ningnan Hpyen Jawng Sara (Training Instructor) galaw hpang ai ni gaw:-
(1) Lamung Tu Jai
(2) Jaw Gam
(3) Duwa Lahpai Zau Tu ni rai nga ai.
KIA a shawng nnan lang na training là ai masha jahpan (73) rai nga ai. Dai kaw lawm ai Dkb Dumhpau Gam gaw ya du hkra asak naw nga ai lam chye lu ai.
1961, May (18)
Du Kaba Zau Tu gaw, Wunpawng Mungdan Shanglawt Hpyendap hta shawng nnan majan woi gasat hpang ai wa rai nga ai.
1963, June
Myen Hpyendap hte gap hkat kalang jahkring. Dai ten Myen hpyendap gaw mungdan ahkang aya zing da ai aten rai nga ai (1962-1973).
1963, Nov (15)
Federal United States gawgap na lam tsun bawngban. Ne Win n hkap la na ceasefire hten mat.
1964
Ninggawn mungmasa kaw lawm ai Tara Kanu (3) hpe ndai shaning kawn jai lang hpang taw sai.
1. Myutsaw masa
2. Democracy masa
3. Mungshawa nga mu nga mai lam.
1967, October
Slgkb Maran Brang Seng woi awn ai masha n-gun (800) ram gaw Miwa Mung de sa nna Communist Masa lam (Marx-Lenin-Moa ni a lapai masa - Social welfare hpe madung tawng ai mungmasa) hpe woi sa hkaja. Ninggawn mungmasa gaw ndai hta mahta ai.
1968, February
Slgk Maran Brang Seng hpung ni Kanu Mungdan de sinat laknak gudek hte bai wa.
1969, June (16) - August (6)
Ya KIO/KIA jai lang nga ai Ninggawn mungmasa lam yan hpe nhtoi (52) ya tup ka/ shagrin.
Ka shalat ai Ningbaw ni:-
1. Brig. Lahtaw Zau Tu (V.C.S, Ba (2) Up, Dingdung Ginwang Ginjaw - N-Div)
2. Slgk. Pungshwi Zau Seng (N - Div)
3. Slgk. Lanyaw Zawng Hra (N - Div)
4. Lt.Col. lahtaw Zau Dan (Ba (1) up, BSO)
Matsing:- Slgk Maran Brang Seng, Lt. Dauje Seng Hpang, Slgk. damya Htingnan ni gaw Miwa Mung de bungli hte bai hkawm taw ten re majaw, n lu du mat ai.
1972
Dap ba (1) hpe dingda de hpaw dat nna, Dap ba (2) hpe dingdung maga hpaw dat sai.
1972
Ginhtawng hte lanam ten (Jan - June/July) lapran simsa lam bawngban jahkring.
1975, August (6)
Dkb. Lahtaw Zau Tu, Slgk. Pungshwi Zau Seng, Zau Tu’s body guard Du Duk Zau Hkawng ni gyam sat hkrum. (Ga san law la nna, mahtai ah tsawm hkrak rai n nga shi ai manghkang)*
1975, August (10)
Ningbaw kaba, Dkb. Lahtaw Zau Seng matut gyam sat hkrum. ^*
1976, January
Slgk. Maran Brang Seng Ningbaw shara galai. Ningbaw tsang shara tsap ai hte rau mungmasa lam masan ni hpe gram sharai. Dkb. Lahtaw Zau Seng a sinna machyu lam hpe gan dawm kau nna, sinpraw (Miwa) hkran machyu lam hpe n-gun dat hpang wa sai.
1976, July (6)
KIO hte BCP - Burma Communist Party hte gap hkat jahkring, simsa lam la nna, majan rau jawm gasat hpang. Shawng daw na ningbaw ten BCP hte mungmasa hkamla lam n bung na, gasat hkat lai wa sai.
1978
Ginjaw hpe Pa Jau Bum de htawt sit. Shawng daw ten Ginjaw hpe Mali nmai walawng ga, dingdung maga rai nga ai.
Ndai shaning hta sha, ya aten matut jai lang nga ai “Wunpawng Mungdan Mahkawn” hpe jai lang hpang. (Dkb Lama La Ring ka shalat)
1980 - 1981, May (30)
Yangon hte Myitkyina hta simsa lam kalang bai bawngban. Tinang lamu ga tinang uphkang hparan hparen lu ai ahkaw ahkang (Self-determination) hpe 1974 ning Gawda Tara (Constitution) hta ka bang na hku hpyi lai wa sai. Amu n byin. 1947 Constitution aten, Wunpawng amyusha ni Tara masa hpaji hta gawngkya lai wa sai raitim ndai 1974 Constitution ten hta gaw Ningbaw ni Tara masa lam hta mi hpaw taw sai hpe mu chye lu ai.
1987, May (23)
Myen Hpyen Nbungli (4) hte Na Hpaw Bum Hpyendap de sa gặp nna, majan hpang. Dai ten du hkra Na Hpaw Bum kaw DLR - Dai Lawn Rung jung nna nga lai wa sai.
1887-88
Ninggawn Daju Hpyendap hpe Lai Sin de htawt sit let laisin dabang kaba byin wa sai.
1989
Myen Hpyendap hte simsa lam bai bawngban hpang. Dai aten gaw Myen Hpyendap a No (2) lang na mungdan uphkang aya zing madu tawng ai ten rai nga ai. (1989 - 2009)
1990, Oct (18-19)
Sam Mung, Pang Sai kaw hkrum bawngban hpang.
1994, Feb (24)
KIO hte Myen Hpyendap gap hkat jahkring ta masat htu let simsa lam la.
1994, August (8)
Ningbaw kaba Brang Seng stroke hte n nga mat. C.S lit la nga ai Dkb Malizup Zau Mai ningbaw lit matut gunhpai. (C.S/ Ningbaw)
2001, Feb (20)
Ya na Ningbaw kaba Nban La Awng kawn Ginjaw shangang shakang galaw nna, Dkb Malizup Zau Mai hpe ningbaw tsang kaw nna dawm kau.
2001, Feb (21)
Du Kaba Lamung Tu Jai hpe KIOCC a T/N Up galai tang sang.
2005
KIO/ KIA Ginjaw Ginra hpe Pa Jau kaw nna, Laiza, Alen Bum de htawt sit sai.
2006, June
Ningbaw kaba Lamung Tu Jai n nga mat.
2006, July
Slgk. Lanyaw Zawng Hra Ningbaw shara galai gunhpai.
2011, June (9)
Tsanban (21) hta shawng nnan majan byin hpang ai shaning rai nga ai.
2017, December
Ningbaw Kaba Lanyaw Zawng Hra Ningbaw shara kawn hkringsa.
2018, January
Dkb Nban La Awng Ningbaw shara galai gunhpai. Ya ten du hkra nan rai nga ai.
2021, Feb (1)
Myen Hpyendap a No (3) lang na mungdan shadip magam ahkang aya zing madu la mat wa ai gaw daini du hkra rai nga ai. Wunpawng Shanglawt Shadip Magam a Rawt malan makum bu la na ten mung ni wa ra ai.
Shamyet shanat ai laika ni;-
1. Dakkasu Htoisan a Wunpawng Sha Ni Hpa Majaw Rawt Malan Ra A Ta?
2. DINGDA GINWANG GINJAW MASAT (4) DAP BA KIO/KIA A RAWT MALAN HKRUNLAM LABAU (Du Kaba Labya Naw Din)
3. CHYURUM JINGHPAW WUNPAWNG AMYU SHA NI A Rawt Malan HkrunLam (Maran La Mai)
4. Myen Mung hte Miwa Mung Lapran Ga Jarit Masat Ai Labau Shang Ga Shaka Mung Gyit Laika (Lahtaw Ja Tawng)
5. WUNPAWNG MUNGDAN SHANGLAWT HPUNG NINGGAWN MUNG MASA LAM YAN
Tang madun ai;- Shanglawt Munu
2024 ning, February (5) ya
Rawt Malan N’htoi
