မေတ္တာနှောင်ကြိုးတစ်မျှင်
By Du Htoi Ningru
ဟိုး…လွန်လေပြီးသော လူပျိုဘဝ။အေးချမ်းလှတဲ့ Dec ဆောင်းည တစ်ညရဲ့ သန်းခေါင်ယံအချိန်မှာပေါ့။
ဝိညာဉ်ပို့လွတ်ပွဲ(Tsu Shawawn poi)အိမ်က Kabung dum (ကဘွမ်ဒွမ်)ကပြီး အပြန် Chyanun chyu(ခေါင်ရည်/စ’ပီ) ရေရှိန်အတော်များသွားတာကြောင့် ခြေလမ်းကသိပ်မမှန်ချင်။ ရှေ့တစ်လှမ်းတိုးလိုက်တိုင်း နောက်ကိုပြန်ဆုတ်လာသလို ဘေးကိုယိမ်းထိုးကလို့ သိုင်းကွက်ဆန်းတွေ နင်းနေလိုက်တာ အိမ်ပြန်လမ်းမှားပြီးနောက်ဆုံးတော့ လမ်းဘေးက မြေပုံမို့မို့လေးပေါ် ပုံကျရင်း အိပ်ပျော်သွားပါတယ်။
အိပ်ပျော်နေတုန်း အလွန်ချောမောလှပတဲ့ ကညာပျိုတစ်ယောက် ရောက်လာပြီး ကိုယ့်ရှေ့ဒူးထောက်လျက် ကိုယ့်ရဲ့ခြေအစုံကို ဖက်ကာ-
“ညီမကို ကယ်ပါ၊ မသွားပါရစေနဲ့.. အစ်ကို့အနားမှာသာ နေခွင့်ပြုပါ” လို့ ရှိုက်ကြီးတငင် ငိုကြွေးနေပါတယ်။
အသင် ဘယ်သူလဲ? လို့ ကျွန်ုပ်မေးလိုက်တော့…
ရင်နင့်ဖွယ် အဖြစ်က ဒီလို…..
မေတ္တာ နှောင်ကြိုး တစ်မျှင် (၂)
သူ့နာမည် Hpraw-sha Pu Numri (မနှင်းပွင့်ဖြူ)။
Duwa(စော်ဘွား)ဦးဇော်လုံး၏ တစ်ဦးတည်းသောသမီး။ စော်ဘွားကြီးတို့မိသားစုက ကျိကျိတက်ချမ်းသာပြီး သမီးကိုလည်း လိုလေသေးမရှိ ဖူးဖူးမှုတ်ထားကြတယ်။ အခြားသားသမီးမရှ်။
ကျွန်ုနာမည်က Naw Yak ခေါ် ဘခက်။ Duwa မျိုးနွယ်က မဟုတ်။ သာမန် ဆင်းရဲသား။ စော်ဘွားတို့အိမ်မှာ လိုရာ လုပ်ဆောင်ပေးတယ်။ တစ်ခါတစ်ရံ စော်ဘွားကြီး ခရီးထွက်ရင် သက်တော်စောင့် တာဝန် ယူရတယ်။
မနှင်းပွင့်ဖြူနဲ့ဘခက်တို့ဟာ ငယ်စဉ်ကလေးဘဝကနေ အတူကြီးပင်းလာကြပြီး အရွယ်ရောက်လာတော့ ချစ်သူတွေ ဖြစ်ခဲ့ကြတယ်။
ဒါကို စော်ဘွားကြီးသိသွားတော့ လုံးဝ သဘောမတူကြောင်း ပက်ပက်စက်စက်ပြောပြီး ဘခက်တို့ မိသားစုကိုလည်း ရွာက နင်ထုတ်လိုက်တယ်။ သူ့သမီးကိုလည်း တနယ်တကျေးက စော်ဘွားတစ်ဦးရဲ့သားနဲ့ လက်ဆက်ပေးဖို့ အလောတကြီး စီစဉ်လိုက်တယ်။
စော်ဘွားကြီးအိမ်မှာ dama manam ခေါ် နှင်းပွင့်ဖြူကို တောင်းရန်းတဲ့ဧည့်သည် သမက်မျိုးများ ရောက်နေချိန် နှင်းပွင့်ဖြူနဲ့ဘခက်တို့ ရွာဦးက ညောင်ပင်အောက် ညအမှောင်ထုကို အကာအကွယ်ယူပြီး ခိုးပြေးကြဖို့ တိတ်တဆိတ် ချိန်းတွေ့ တိုင်ပင်ကြတယ်။
ဒီလို ဘခက်နဲ့နှင်းပွင့်ဖြူတို့ ချိန်းတွေ့နေကြချိန်…
“ဒိုင်း..” ဆိုသော တူမီးသေနတ်သံနဲ့အတူ ဘခက်ရဲ့ ပုခုံးမှာလည်း ပူကနဲ ခံစားလိုက်ရတယ်။
နှင်းပွင့်ဖြူထံမှ “အား..”ဆိုတဲ့ အသံ ထွက်ပေါ်လာပြီး ဘခက်ထွေးပွေ့ထားရာမှ နှင်းပွင့်ဖြူ တဖြည်းဖြည်း ခွေကျသွားပါတယ်။
သေနတ်သမားထံမှ “ဟာ!..မှားပြီ” ဆိုတဲ့အသံသာကြားလိုက်ရတယ်။ ဘခက်ပြန်လည့်ကြည့်တော့ အမှောင်ထုထဲ လစ်ပြေး ပျောက်ကွယ်သွားပါတယ်။
အပိုင်း(၃) ဆက်ရန်
မေတ္တာနှောင်ကြိုးတစ်မျှင်
အပိုင်း(၃)
နှင်းပွင့်ဖြူသေဆုံးမှုနဲ့ပတ်သက်ပြီး ဒူဝါဇော်လုံးက ဘခက်(Naw Yak)ကို ဖမ်းဆီး မြေကျင်းထဲ အကျဉ်းချထားလိုက်တယ်။
အပြစ်မရှိသူ ဘခက်ကို ဖမ်းဆီးထားမှုမှ ချက်ချင်း လွတ်ပေးဖို့ ဘခက်ရဲ့ဆွေမျိုးများနဲ့သာမှန်ပြည်သူတို့က အုံကြွတောင်းဆိုကြတယ်။
ဒူဝါဇော်လုံးကလည်း သေနတ်သမားတရားခံကို ဖေါ်ထုတ်ပေးနိုင်ရင် လွတ်ပေးမယ်လို့ ပြောတာကြောင့် ပြဿနာက သွေးထွက်သံယိုမှုအထိ ကြီးသွားခဲ့တယ်။ ဒူဝါဇော်လုံးရဲ့အိမ်ကို ဘခက်ရဲ့ဆွေမျိုးများနဲ့ တရားမျှတမှုကိုလိုလားတဲ့ သာမှန်ပြည်သူတို့က ဝင်ရောက်တိုက်ခိုက်ပြီး ဘခက်ကိုလည်း ကယ်ထုတ်လာခဲ့တယ်။ ဒူဝါဇော်လုံးအိမ်ကိုလည်း မီးတင်ရှို့လိုက်ကြပါတယ်။
ဒူဝါမျိုးနွယ်စုများနဲ့ဘခက်တို့ သာမှန်ဆင်းရဲသားပြည်သူတို့ တိုက်ပွဲဟာ တစ်နှစ်ကျော်ကြာသွားချိန်မှာမှ သေနတ်သမား တရားခံနဲ့စေခိုင်းသူကို စုံစမ်းဖေါ်ထုတ် ဖမ်းမိလိုက်ကြပါတယ်။
သေနတ်သမားကို စေခိုင်းခဲ့သူမှာ နှင်းပွင့်ဖြူကို လာရောက်တောင်းရန်းတဲ့ ဒူဝါရဲ့သား(သမက်)ကိုယ်တိုင်ဖြစ်နေပါတယ်။
နှင်းပွင့်ဖြူနဲ့ဘခက်တို့ ချိန်းတွေ့နေတာကို သူတွေ့သွားတော့ ဒေါသမထိန်းနိုင်ဘဲ သေနတ်သမားကိုလွတ်ပြီး ပစ်သတ်ခိုင်းလိုက်တာဖြစ်တယ်။
သေနတ်သမား ရောက်လာချိန် နှင်းပွင့်ဖြူက ဘခက်နဲ့ မျက်နှာချင်းဆိုင်ပြီး သစ်ငုတ်ပေါ်ထိုင်ကာ စကားပြောနေတယ်။
ကံဆိုးချင်တော့ ဘခက်ရဲ့ နောက်စေ့ကို ချိန်ရွယ်ပစ်လိုက်တဲ့ သေနတ်သမားရဲ့ ကျည်ဆံဟာ နှင်းပွင့်ဖြူ ထရပ်လိုက်ချိန်နဲ့ အံကိုက် ဖြစ်သွားပြီး နှင်းပွင့်ဖြူရဲ့ ရင်အုံတည့်တည့် ထိမှန်သွားပါတယ်။
အပိုင်း(၄) ဆက်ပါမည်
မေတ္တာနှောင်ကြိုးတစ်မျှင်
(ဇာတ်သိမ်း)
ဒူဝါဇော်လုံးမျိုးနွယ်စုများနဲ့ဘခက်ဦးဆောင်တဲ့သာမှန်ပြည်သူတို့ စစ်ခင်းနေခဲ့ကြတာ တစ်နှစ်ကျော်ရှိပြီ။ တဖက်နဲ့တဖက် အသော် စစ်ပန်းနေကြပြီး အိုးအိမ်ပျက် သေကြေဆုံးရှုံးမှု အတော်များနေကြပြီ။
နှင်းပွင့်ဖြူဆုံးသွားပြီး မကြာခင်မှာပဲ သူ့အမေ ဒူဂျန်လည်း ပူဆွေးသောကမီးကြောင့် ဆုံးသွာ:ခဲ့ပါတယ်။
စစ်ခင်းနေကြတော့ သေဆုံးသွားသူ နှင်းပွင့်ဖြူ့ရဲ့ ဝိညာဉ်(လိပ်ပြာ)ကို လည်း Tsu Ga ခေါ ဝိညာဉ်ဘုံကို ပို့လွတ်ခြင်းပွဲ mang bru poi မလုပ်နိုင်ခဲ့ကြ။
ဒါကြောင့် သေလွန်သွားပြီးနောက် နှင်းပွင့်ဖြူရဲ့ဝိညာဉ်ဟာ ဤလောကထဲမှာ တဝဲလည်လည် ဖြစ်နေတယ်။ ညစဉ်ညတိုင်းလည်း ချစ်သူဘခက်ဆီ ရောက်ရောက်လာပြီး ဘခက်ရဲ့ ခြေရင်းနား ငိုကြွေးနေပါတယ်။
$$$$$&&&&&
လူသတ်သမားကို ဖမ်းမိပြီးနောက် ဒူဝါဇော်လုံးနဲ့ ဘခက်တို့လည်း စစ်ငြိမ်းလိုက်ကြကာ နှင်းပွင့်ဖြူရဲ့ ဝိညာဉ်ပို့လွတ်ပွဲကို ပြုလုပ်ဖို့ စီစဉ်နေကြပါတယ်။
နောက်တစ်နေ့ဆိုရင် နတ်ဆရာက နတ်ဝင်စကား ကဗျာ အလင်္ကာများဖြင့် နှင်းပွင့်ဖြူရဲ့ ဝ်ိညာဉ်ကို ဘိုးဘွားတို့ရဲ့ဝိညာဉ်များစုဝေ:ရာ ဝိညာဉ်ဘုံ/နတ်ဘုံကို ပို့လွတ်တော့မှာ ဖြစ်ပါတယ်။
ချစ်သူကို မေ့မရ လွမ်းတသသစိတ်တွေ တဒင်္ဂမေ့ဖျောက် ပစ်စေ လိုလို့လော? ဘခက် ခေါင်ရည်နဲဲ့ စ,ပြီ အတော်များများ သောက်ပစ်လိုက်တယ်။ ညသန်းခေါင်ကျော် သူအိမ်ပြန်လာတော့ သူ့ကိုယ်သူ မထိန်းနိုင်တော့ပါ။ အိမ်အပြန် လမ်းမှားပြီး ရွာအနောက်ဖက် င်္သဂျိုင်းကုန်းကို ရောက်သွားတယ်။ ရှင်းနေတဲ့ မြေပုံပေါ် သူထိုးအိပ်သွားပါတယ်။ နောက်ပိုင်း သူဘာမှ သတိမရတော့ပါ။
မနက်မိုးလင်း တောင်ယာသွားတဲ့ ရွာက လူတွေ လှုပ်နိုးလိုက်မှ သူနိုးသွားပြီး ကြည့်လ်ိုက်တော့ ညက သူထိုးအိပ်လိုက်တဲ့ မြေပုံမို့မို့လေးဟာ ချစ်သူ နှင်းပွင့်ဖြူရဲ့ ရုပ်ကလပ် မြုပ်နှံထားရာ င်္သဂျိုင်းမြေပုံဖြစ်နေပါတယ်။
“အော်…နှင်းပွင့်ရယ်…ကိုယ်ဘယ်လို ဖြေသိမ့် နေရစ်ရတော့မှာလဲလို့ ဆို့ဆို့နှစ်နှစ် ရေရွတ်ရင်း ရွာအဝင်လမ်းဖက်သို့ လေးလံသော ခြေလှမ်းများဖြင့် ဘခက် တရွေ့ရွေ့လှမ်:ဝင်သွားပါတယ်။
စာရှုသူအားလုံးကို လေးစားလျက်..
တက္ကသိုလ်ထွယ်ဆန်
---------------------------
