Nawng Hkyeng Hkin-gau

            Myitrum manang ni, “Nawng Hkyeng Hkin-gau” ngu ai Ga shagawp re yaw. Tai ni n-yun bu nga ma ai; annau ni kyu grau hpyi ra sai. Ndai Ga shagawp hte n-gun la ga yaw. Mani gaw, Tai ni nbungli lang ai majaw, Ntapbum hpe gan yen kau sai. Myit n kaji ga yaw. Masha asak she manu dan ai; Shawnglam Share Ninghkring ni hpe mung mara n mu ga; Lamu ga gaw galoi raitim anhte a re. Shanhte gaw manam she rai ma ai. Hkayabum shiga garai n na ai. Rim hkrum ai Mare kaba na ramma ni lawt kawt lu na matu kyu aja awa hpyi ga lu yaw.

                                                         N-gun jaw ai;

                                                                              JIC

Nawng Hkyeng Hkyin-gau

Myen Mungdan na Hpara-u,

Gadau galet manya bu;

Zingri ri ai ladat hkum,

Shi mahtang she shoi mi chyum;

Kachin hpe n dang n mai,

Adip arip she rai sai;

Ntsa de gaw nbungli,

Dumbre bun rocket si ni;

Lagaw lam de Mun kaba,

Masha n re ai sawa;

Mare kaba de mung gyam,

Kachin ramma ni she nyam;

Shawng si gwiran shatai na,

Abom kabye shangun gya;

Sinpraw wa mung n-gun jaw,

Tsadan hpang de she shalaw;

Kachin nte hpe sha mi,

Jawm matep sat she mani;

Mungkan myit hku myit daw ging,

Ndai 2013 ning;

Nawng Hkyeng Hkin-gau de du sai,

Wora hkran de chyan yu mai;

Nawng Hkyeng Panglai hkarang tai,

Yehowa sharap na rai;

Myit mada shara jaw ya,

Shi hpe kam sham na chyu ra;

Annau ni myit shaja da,

Myit n kaji ga lu yaw ya……….

Shanglawt Tsing

(14.1.2013,5:00AM)