Myen hpyen la ni Mare masha hpe hkan gap

Man Wing Gyi mare makau na, Nam Hka ngu ai mare kaw yi sun bung li galaw nga ai Labang Naw Gawng asak(70) ning re Dingla hpe Myen hpyen la ni gap ai sumla re.

Read more »

Hpa majaw November 29

Shiga kaw yu ai shaloi, November 29 hta tinang KIA/O maga na salang ni hte Myen salang ni Miwa mung Shweli kaw hkrum shaga na lam nga ai nga shiga mu ai.

November 29 kaw hpa rai hkrum na? November 30 shaloi gaw Hilary Clinton Myen mung du na rai nga ai. Ndai shaloi ya byin nga ai majan hte seng na myi man magap na matu san san sha rai na kun? November 29 nre ai sha, kaga nhtoi shaloi hpa di na nhkrum ai. Myen a mung masa gaw anhte kaga amyu a matu nlawm ai ngu ai hpe dum ra nga ga ai. Shanhte Myen ni hpe kaja ai hku mu shangun mayu ai majaw, Sanctions ni hpe dawm kau shangun mayu ai majaw ndai hku maw ai lam nmai byin ai kun? God be with Kachin! By: WPzupra

Thai kaw hkrum ai shisumla:

Read more »

Fighting flares in northern Myanmar

www.aljazeera.com

Read more »

KIO hte Myen Asuya Datkasa Salang ni Ruili kaw hkrum shaga

Myen asuya datkasa salang ni gaw tsun bawngban lam ni hpe Myen asuya Gumsan Magam Salang Teing Seing hpe matut htawn shana ya na re lam sha nhtang tsun ai majaw hpa mahtang n pru ai sha bawngban lam ngut mat ai hpe mung na chye lu ga ai.
Read more++click on++

Read more »

Shatapru kaw bawm 2 kapaw, masha si

Nov. 30, 2011-Myitkyina, Shatapru Manau Wang makau, Myitkyina Dakkasu sa lam numshe kaw mana de hkying 8:00 PM ram hta bawm kapaw ai majaw, tsang 9 jawng lung nga ai Abraham ngu ai Jinghpaw la kasha langai mi asak sum mat ai lam chye lu ai.

Bai nna, Zaiwa Htunghking Rung makau kaw mung matut manoi Bawm langai kapaw ai majaw, Num sha ma langai mi laja lana hkala hkrum ai lam chye lu ai. Raitim, hkrung ai kun, si sai kun, ngu ai hpe atsawm n chye lu ai.

Ndai bawm ni gaw kadai kapaw ai re lam hpe atsawm n chye tim, ya ten dai si hkrum, hkala hkrum ai La kasha hte numsha a nta masha ni hpe rim nna san jep taw ai lam chye lu ai.

Si hkrum ai La kasha gaw bum ga de na Shatapru kaw nga ai Jinghku nta kaw jawng sa lung nga ai rai nna, nta masha ni a amu bungli rai nga ai gat seng dut ai ginra kaw shana sa sin yup yup re ai rai nga ai.

Bawm kapaw ai shara gaw lai wa lam ntsa kaw rai nna, dai makau hku gat seng de sa sin na matu lai hkrup ai majaw, kabaw lawm mat ai re lam chye lu ai. Shana nsin re majaw, lam makau kaw bawm jahkrat da ai mung kadai n chye ai majaw ndai zawn hkrup sha mat ai re lam buga masha ni tsun wa ma ai.

Ndai zawn Myitkyina myo kata Jinghpaw kahtawng kaw bawm kapaw ai lam matut manoi byin nga ai gaw, Jinghpaw Wunpawng amyu sha ni galaw ai gaw n rai na re, ngu ai hpe yawng gaw chye taw nga ai lam tsun wa ma ai.

Hkristmas du wa ai majaw, Jinghpaw Wunpawng amyu sha ni a pyaw hpa lam amyu myu hpe jebat ya mayu ai majaw, myit masa majan mung rai na re, nga nna mung sawn nga ma ai.

By: BGSH

Read more »

Myen Asuya Hpyenla ni Sam mare nat ya

29 November 2011 (Chyanun) ya shani hta rai htaw lung ai,Myen asuya hpenhpung hpe KIA masat (5) dapba hpyenhpung ni Dawhpum yang mare shingdu kaw shani hkying 11:30 am grup-yin hta minite 20 daram hkap gap ai lam chye lu ai. KIA hpyenla ni nhtang wa mat ai hpang Dawhpum yang mare na Myen asuya hpyendap ni gaw amyawk hte grup-yin mare ni de majoi gap bun ai lam mung na chye lu ga ai.

Bai, Myen asuya hpyenla ni gaw Dawhpum yang mare grup-yin na Sam mare ni rai nga ai, htinggaw (60) jan nga ai, Namwai mare hte htinggaw (20) jan nga ai, Hpagyi mare ni de shang wa nna mare nta ni hpe hkan nat jahten ai lam mung chye lu ai. Ndai zawn, Myen asuya hpyenla ni nat jahten ai majaw Namwai mare na nta (23) hta Hpagyi mare na nta (8) hkru hten sum mat ai lam chye lu ai.

Bai, Talaw gyi mare makau, Hukat mare hta mung KIA masat (3) dapdung hpyenhpung ni hte Myen asuya hpyendap ni gaphkat ai hta Myen asuya hpynla marai (3) si hkrum ai hte hkala nba hkrum ai lam chye lu ga ai. Nmawk muklum makau, Namsai mare makau kaw mung KIA masat (3) dapba hpyenhpung ni hte Myen asuya hpyendap ni gap hkat ai lam chye lu ai. Dai majan hta Myen asuya hpyenla si hkrum ai hte hkala hkrum ai marai (8) daram re ai lam KIA shawnglam shiga kawn chye lu ga ai.

Share This Post

Read more »