Read more »

Tinang nan myit daw dan let Myu tsaw dap de sa shang magam gun mat wa ai lam.

Daw ( V )
KIO hte Slg Nwawt La Raw a ningmu, Kamyunit masa kaw nna, Kachin masa de kalai myit wa ai aten

Myen post (Zahkan) langai hte langai hpe kasat dang dingyang rai nga ai aten re. Miwa kaw na sinat hte hpyen labu palawng, Mousitung Ohwada laika buk ni sharin gun nna, Miwa hkring hte kasat myit rawt nga ai aten mung re. Majan ram ram awng dang nga sai. Dai ten hta, Slg, kaba Maran Brang Seng, L.t: Zahkung Ting Ying, Slg, Kaba Layawk Ze Lum woi awn nna, Miwa mungdan de kamyunit Laknak jak sinat, machyu pala, myawk hte Miwa arung arai ni htuk shapraw na matu lekmat pa hta ta masat htu nna, lu htuk la sai rai nga ai. Kumyunit Tazik hpe shakam sai. Mousitong Wan sui, ngu nna, tsun shajang nga sai. Bu Thanchaung ngu ai Du Kumba Bawk Naw uhpung ni Laknak grung grung hte Myen zahkan hpya sai, Sambuyang, Maran kahtawng, Ledo lam hte Mogawng lam lapran, Namti, Lawa ni yawng hta na Myen Zahkan ni hpe anut shakrip kau lu sai. Dai hpang Myen hpyenla ni hpe ram ram kasat dang nna, Shagribum, Mahtum camp de shinggyin wa saga ai.

Dai shaloi, Du Kaba Zau Tu hpe KBC na, Laika shagun dat sai. Balawng Zau Tu nang gaw Hpung-up sara langai a kasha re. Miwa myi jut hku hkumyu, Jinghpaw myi jut hku yu ra ai. Ngu ai laika hpe lu hkap hti sai. Dai kaw nna, Du kaba hte ni dik ai ahkyak NCO ni hpe training nnan galai jaw sai. Du Kaba Zau Tu tsun ai, Myiwa Myi jut hkum yu, Jinghpaw Myi jut hku yu mu nga nna, Laika buk langai sharin sai.

Dai hpe Du kaba Senghpung laika buk langai bai sharin sai. Du kaba Pungshwe Zau Seng mung Laika buk langai bai sharin sai. Daihpang Slg, kaba Maran Brang Seng bai langai sharin sai.

Dai ngu sai hpang, anhte a Miwa Kumyunit dazik hpe di kau saga, anhte byin mai ai daram dating nna, KIA san san hku nna, bai shakut gasat saw a ga nga tsun sai. Mousitong Ohwada Laika buk ni hpe wan ju kau sai. Palawng kaw kap ai, kawlan kaw shakap ai dizik yawng di kau sai. Mi na shawng dawn a KIA hkring hkrak rai sai.

1969 ning May, Dai kaw nna, shata mi ram na hkra Mahtum camp kaw naw nga ai. Dai aten hta Slg, Kaba Maran Brang Seng hpe Suspection dawm nna, gumhpraw dum ningbaw bang tawn nna, san san nga sai. Dai hpang Maj: Namsu Zau Tawng hpe mung kaga san san nga sai. Dai kaw nna gaw Maj: Namsu Zau Tawng D.C shawk sai. Du kaba Zau Tu, Nam Su Zau Tawng hpe njaw ai. Du kaba Zau Tu ngai hpe shangun ai. “La Raw e Maj; Namsu Zau Tawng hpe shaga la su” nga ai. Namsu Zau Tawng hte hpawn rau woi lung wa sai. Du kaba Zau Tu Maj: Namsu Zau Tawng hpe tsun ai, “ Nang Du kaba Maj: langai ting re, ganing rai pru wa na, nang du kaba langai ting pru wa yang, ma ni grau myit daw na re.” ngu nna, Du kaba Pungshwe hte hpawn du kaba ni grai asawng ai. Raitim Maj: Namsu Zau Tawng a myit hta pru le mat na sha tik tik rai sai. Myi man nsam, galai mat sai. Hpyen la matut galaw na matu gawngkya mat sai.

Dai kaw nna, Miwa de ta masat htu tawn ai, Chiphwi Lawkhkawng commander jahkrat da ai, L.t: Zahkung Ting Ying hte Slg, Kaba Layawk Ze Lum ni mung Myit kaga rai mat sai. Dai kaw na gaw, Lachik kasha, Lavoa kasha nig aw baren gun hte machyu pala magazin box ting majoi gap dumbre nna, KIA nkam galaw sai nga, Kummunit de hpung hte hpung shang mat wa sai. Dai ten hta ngai Nwawt La Raw gaw, Du Kaba Zau Tu a makam gyi asak sin rai nga ai. Du Kaba hpe sut kang jaw ngut jang she ngai mai yup ai rai nga ai. Ka-baing sinat shachyen nna, shana tup tup zawng taw nga ra ai re. Du kaba Zau Tu nan hkrit maja ra mat sai aten re.

Dai kaw nna, Du kaba Zau Tu a sak sin ni hpe Hka Hku la (bum ga masha) ni sha hpe lak san shaga tawn sai. Du kaba Zau Tu tsun ai, ya dai ni na ten hta ga sadi dung ai gaw nanhte hka hku la ni sha rai sai. 1 nga yang 1 re. Anhte Sam mung hte myu mare kaba na masha ni gaw manang wa hpe sha kau chye ai. Dai majaw nanhte hpe sha kam sai. Nga nna tsun wa sai. Du kaba Zau tu hpe hpyen la lam 2 sin sai. Du Kaba Zau Tu, ngai Nwawt La Raw hpe ndat sai. Dai kaw na gaw, KIA hpyen hpung gamani ni yawng hpyen nsen madat let sadi maja let rawt sa mat wa sai. Tinang Myu sha kahpu kanau shada da nhkrum nra ai lam ni byin wa sai.

Naw matut Na-

Daw (VI)KIO magam gun hkringsa ai

Read more »

Kachin USA today news By: 2theAdvocate.com

Thanks giving day Louisiana Kachin Myanmar comunity
************
Lama gathered with 60 other Burmese refugees at a Baton Rouge church to celebrate his first Thanksgiving in his new home, where he is free to live and worship without oppression.

Catholic Charities, which resettled the refugees throughout southern Louisiana, organized the dinner for the group. The majority of attendees came to the U.S. less than a year ago, said Kristi Hackney, director of migration and refugee services for Catholic Charities.

Burma has struggled with political and social unrest since the 1960s. The Burmese people frequently clash with the military, and the Christian minority has been the focus of fierce persecution.

On the day set aside for giving thanks, the refugees held a Christian service steeped in gratitude for their new freedoms.

“We’re thankful for being alive and safe,” Seng Rahkawi said. “It’s not enough to say thank you. Words cannot express how grateful we are.

”More+++News+++Click++

Read more »

Tinang nan myit daw dan let Myu tsaw dap de sa shang magam gun mat wa ai lam.

Daw (IV)
India Asam Rifle kaw na Doctor kaba sa nna, anhte Marai 3 hpe shalawt dat ai.

Dai kaw nna, hpang shani First DC kaw na, Asamnia kaw na Doctor kaba langai mi du nna, ahte hpe bai asawng tsun sai. Dai du wa gaw ga grai si mani ai. “ Nanhte Kachin ngu ai ni amyu kaba langai mi re, madu a personer sut masa tam sa ai nre, tinang mungdaw mungdan a matu apnawng shakut hkawm sa ai ni re, nanhte hpe kam dik nna, dat ai ni salang ni re, hpang de mungdan a du salang ningbaw ni tai na ni re. Makyin jinghku jingyu mung manu mana law nga ai. Nanhte si yang nmai na re. Si jang gaw n-ga sha tai na re. Ndai ni mung nchye na ai majaw re. Ngai ndai first Chilawng kaw nna, Docotor kaba dik re, ngai tsun ai nten jang doctor nman sai, hpawt ni kaw na, nanhte hpe ndai htawng kaw nna shalawt dat na, shat sha hpang wa mu, ngu nna dagam da sai majaw, shana daw shat sha hpang sai,

Dai kaw nna, 2nd DC rung de anhte gun sa ai buhpun nba hte arung arai ni hpe bai jaw sai. India hpyenla uniform shaw jaw nna, hpyenla hte maren bai tawn da sai.

1969 April (3) ya shani hta jeep modo hte hpyen du 1 hte balic 5 bai du wa nna, anhte 3 hpe HKunsar mare kaw nna, Mayau ka de wa sa sai. 10:00 PM hta Magrita kaw du yup sai. Hpang shani 5:00 AM hta Mayau ga kaw du wa sai. 3 ya na ai hpang Asam rifle dap ni hte rau bai nga sai. Dai hpang Phambase ngu ai camp Hilicopter nbungli pa nga ai shara de (2) ya tup tawn da ma ai.

1969 April ( praw) hta, India priministor Indera Ghandi jawn ai baw Hilicopter hte anhte 3 hpe wa htaw la nna, wa sa sai. Htaw sa ai Idia hpyenla nig aw,
(1) Immigration Capt: -1
(2) Asam Rifle Sergearnt-1
(3) Wireless -1 hte
(4) Pitot -1 ni rai ma ai.
Kara de sa na re hpe nchye shi ai. Ne win asuya wa nye a masha marai 3 India de du taw nga ai, chye ju hte dai marai 3 hpe ngai hpang de du hkra naw sa ya rit nga thet ai aten mung rai nga ai.

Slg, Nwawt La Raw, Du kaba Nchyaw Tang the Punga Tu Lum Nbungli ntsa kaw, myit daw dan let ga sadi garan hkam la sai.

Du kaba Nchyaw Tang tsun ai, Nwawt hte Tu Lum e ndai nbungli Patkai bum shindan nna, anhte sa wa Viginagar de sa sa ai nrai yang gaw, Masa nhtuk sai. Dai majaw lama nsa sa nna, lawu Myen mung U Ne Win de sa sa ai masa rai yang gaw, hkrung tim lachyum npru sai. Mi htawng rawng yang pi si hkam nna, (Hunger strige) lu sha gam atsam madun sai hte maren, ya mung kalang bai daw dan saga. Dai majaw
(1) Nwawt La Raw- Nbungli Pilot hpe kahtam u
(2) Pungga Tu Lum- Wireless wa hpe kahtam u
(3) Du kaba Nchyaw Tang- Immigration capt:
(4) hte sergernt hpe yawng jawm kahtam sat nna, nbungli hte hpawn yawng hkrat si ga ngu nna, ga sadi hkam la sai.

Dai aten hta nbungli ntsa kaw Du kaba Nchyaw Tang a myimang hpe yu dat ai shaloi, achyang rai grai ntsawm taw nga sai. Kadan bum garai ntawt shi yang shada da myi man yu hkat ai shaloi yawng grai myitru nga sai lam hpe hkrum sha sai re. Dai aten hta Immigration Capt: wa Du kaba Nchyaw Tang hpe ga san san ai. “ Nanhte Kachin ni shawng daw hta ndai zawn nbungli njawn ga ai nre i?” Ngu san ai shaloi, Du kaba Nchyaw Tang “re” ngu nna, ga kadun sha htan sai. Kaga shajan kachyi mung nshaga sai.

Kadan bum tawt rai nna, Veginagar ya nga ai( ROKAI) shara hpe nbungli ntsa kaw na mu mada sai. Du kaba Nchyaw Tang a mi man bai tsawm wa ai hte mani sai rai sai. “ ma yan e bai wa ai ga rai sai, dai ni gaw lawt sai ga re. Oh yu u, nbungli pa mung mu sai. Major senor a dum nta hpe mung mu mada sai.” Shingrai jahta nga yang 1969 ning April (15) htaVeginar nbungli pa kaba kaw anhte jawn ai Hilicopter yu hkring sa sai. Hkring sa ai hte Modo jeep hte wa woi la nna, immigration rung de Muk hpalap hte hkap hkalum la nna, apyaw alaw woi la hkrum sai. Du ai shana hte hpang shani dai shara kaw shalung(hkring sa) nga yang India du salang ni sa du nna, numhtet da ai “ Hpang de nanhte Kachin hte India asuya kaw ra ahkyak ai lam ni hta shada da garum shingtau hkat ga” ngu nna ga ngwi ga pyaw hte atsawm sha asawng dat ma ai. Ya ROKAI matut ai gaw, dai ten hta ngam da ai, bungli langai bai matut ai lam rai nga ai.

Dai hpang Immigration du (1) hte balik (3) lit gun masha marai (5) hte hpawn Pinawzup de wa sa nna, shanhte ni bai nhtang wa sai. Dai hpang Pinawzup kaw na Lisu marai (10) hte nam lam hkret waw nna, Geduhku mare, Tarung hku bum He ahkyi ngu ai Lisu salang wa a mare kaw du wa sai. Dai hpang He Ahkyi a mare masha ni wa sa nnaTawang hkahku Agyi Wa hpu a mare Marau Kawng de du wa lu sai. Dai hpang Mungsun dan hpe laidi nna, Maru salang Lukmyeng La up ai Ningbau bum mare kaw du wa lu sai. Dai ten hta Salang Lukmyeng La a moi mang hpe makoi mayang poi galaw nga ai aten mung re hte maren dai shara kaw (3) ya tup garum kau da sai. Dai hpang Naga hpyen hpung du Kaplang ni du wa ma ai. Du Kaplang hte hkrum ai shaloi ga san san ai. “ Nan 2 gaw KIA nre i? Du kaba Zau Tu the Lama La Ring ni hte ahte Naga hpung ni the Nammyung Kumgyi Tu kaw gasat ai shaloi nan 2 nlawm ai kun? Nga san ai shaloi bai htai dat ai “ an 2 gaw nlawm ga ai, 6 batalion 4 coulon model brigade KIO kaw na she re. Hpakant lam hkap ai ni she re” Ngu tsun ai shaloi, Kaplang bai tsun “ Lawm tim nra ai, ya gaw yawng rau jahkrup nna, pawng sai re. Anhte mung Du kaba Zau Tu ni hpe sa jahkrup na matu sa ai re.” Ngu nna, rawt mat wa sai.
Dai hpang Maru(lawngwaw)hpunau kasha ni sa sa nna, Singgai ga Lawt kawng mare de du wa sai. Dai shara kaw Myeng hpyen asuya mung masha hpe zingri sat kau ai aten hta wa du ang ai re.
Shawng daw Du Kaba Nchyaw Tang mung shi a nta de wa nna, Brigade de lu wa sai.

1969 ning May hta Singai ga kaw du yang Mung masha ni hpe Myen asuya Zingri ai lam.

Hkamau hku Tsau dam kaw nna, Singgai ga kaw du ai. Dai shaloi Slg, Dingyau Chyangai + Lahkrang Hka Ra, Slg, Hparaw Zau Awng + Ndup Lu ni yawng nam de hprawng sai. Hpakant kaw na, Second Lietn: Kawn Gam hte KIO hpyenla 3 nga ai shara kaw du wa sai. N-gam mahka kawn, Myen ni wang tawn da ai kaw na, gumhtawn hprawng lawt mat ai re. Du Kawn tsun ai, “Tu Lum Nwawt e, Mani sha mung masha marai hkun hpe kahtap lup kau ai re.Daru mahka lam, Durip ga du hkra Myen hpyenla ni yawng hkap da ai re. Dai majaw dai lam hkum wa mu” ngu nna tsun ai.
Mabyin Gadun
No 1. Singgai jum ju na matu Du Lum Dau hte hpyenla ni jum ju woi awn ai, dai bum ga daru mahka, mali hkrang walawng, Hugawng pa na masha yawng pawng marai 100 ram, wu wu di di rai jum ju gun la nga ai aten rai nga ai. Jum grai rawng ai shara re. Dai aten hta du Lum Dau a ma Danai na lahkrut ma nkau mi hprawng nna, Danai de wa mat ai. Dai hprawng mat ai lahkrut ma ni hpe Myen ni chye nna, Singai jummaw a lam hpe yawng san sagawn lu sai. Nan hte singgai jummaw de woi lung ra ai, Nwoi lung yang nanhte hpe sat na nga ai majaw, Myen hpyenla 100 ram lung woi sai. Myen hpyen du Luet 1 hte sergeut: 1 woi awn ai re. A kajawng sha wang grup rai Myen hpyenla ni du wa ai majaw, jum maw sin ai, jum ju ai, mung masha hte vdf ni hprawng na lam n mu sai. Jumju nga ai mung masha ni hkam la, Mungdan asuya langai re gaw, majoi gaw nsat kau na re ngu nna, nga shajang ma ai. Dai shaloi, mung masha 50 shi ram hpe, hpalen (tsap ding gren)tawn nna, G-3 sinat hte Myenhpyenla ni gap kau sai. Si ai mang hte nsi shi ai masha ni yawng hpe pawng nna, jum nhkrun hta, marai 20 jan hpe kahtap sang bang da sai, hpang de jum nju sha na matu re. Dai majaw nsi ging ai ni mung jum nhkrun kata de dip kamyet da ai majaw si ap mat sai. Dai kaw na lawt ai gaw, Dumsa La langai sha nga ai, dai pi Lahpa kaw G-3 sinat pala hkra nna, lahpa daw mat chyalu rai nga ai, Dai hpe G-3 La, Dumsa La ngu nna, tsun kajai gumhkawng sai. Myen ni Hylicopter hte ration jahkrat sha nna, bai wa sai. Dai ration n-gun buk jahkrat ai kaw, Myen hpyenla Sergernt a baw kaw n-gu buk hkrat bun nna, dai shara kaw si mat wa sai. Dai hpang hkamau hka nam dingyang hkan nna, nbawn ga hku lai, Dainai hka gawn let Danai mare de bai yu masai. Dai ten hta jummaw hta Uhka she ak rai mat sai.

Dai hpang 5 ya na ai hpang Singai na salang ni hte Slg, kaba Hparaw Zau Awn, Slg, Dingyau Chyangai ni hte hpyen la ni sa gawan nna, Jut mali nhkrun kaba htu nna, jum nhkrun kaw na shaw la nhtawm kahtap lup dai sai. Dai shara kaw du sai. Dai majaw Daru bum lam hku hkumwa, lagyep bum lam hku lung wa sai. Jum ju sa ai Ningrang Awn Naw, Ningrang Singgawn, Kumhtung Tu, Kumhtung Gam ni hte hkrum sai. Zanan hka jummaw kaw du lung wa sai. Dai hpang Hpalap tu ga, Ndawngkawng ga de du lung wa sai. Dai hpang Nu Waga Lu hte hpu ni nga ai, laihkru hka yi yin wa de kabu gara du wa lu sai. Tu Lum, Lisu hpyenla Ah hkyi anhte 3 du wa lu sai. Dai hpang anhte bu ni sa nna, putao u, modo lam shingdan (laidi)nna, Mahtum campt: Heatquarter de du lung wa sai. Dai ten hta KIA kaw nna, Durip ga gasat dang nna, Mahtum camp kaw mahkawng nga ai aten re.
Matut na+++Daw (V ) de

KIO hte Slg Nwawt La Raw a ningmu, Kamyunit masa kaw nna, Kachin masa de kalai myit wa ai aten

Read more »

Tinang nan myit daw dan let Myu tsaw dap de sa shang magam gun mat wa ai lam. Daw (III)

Gala mung India de KIO makyit mahkai sa ai lam.

18/10/1964 ya shani kaw n na, Vijarnagar kaw na Major Senar hte Capt, Larmar(intelgent) ni hte matut la lu na Chyau kang bum camp de bai wa sai. Dai kaw n na, Du kaba N chyaw Tang (kala ga hte English ga chye ai)Slg, N wawt La Raw (India de sa yu ai) yan hpe India de kyit hkai galaw na matu lit shatsam hkrum sai.

2/9/1964 ya shani Shatsam ai bungli United State Of America de laika sa na matu Lt. Waw HKyung Zau Ring ka ai laika hpe Mulashidi kaw na American Sara Kaba Dr. Rev:  Robert Morse( Missinary Mafa Moss )hpe English hku gale la n na, 5/9/1964 ya shani Hkatsit capt kaw n na, Pungga Tu lum, Slg Nwawt La Raw hte Capt N Chyaw Tang ni India mung de lagaw lam sa mat sai. Sanit ya na ai hpang Sidilaw ngu ai Lisu mare kaba kaw

du wa sai. Lisu ni n gu dang mi jaw dat ai hpe n gu hpai mi hpra gun n na, Dayun hka hkan yu wa sai.Dai hpang 9 ya na hkra bum tawk lung yu, Dayun hka rap mai ai hkan rap rai ai shaloi sharaw ningba kaba langai mung man hkrum rai katut lai wa sai. Sharaw kaba mung hka garet let lai ai lam hpe anhte mung sharaw hkang hkan n na, India kata Kala hpyen dap Asam rifle ni nga ai shara hta 16/91964 ya shani jahpawt 6:00 AM hta Mayau ga kaw du wa lu sai. Dai shara PS ni mu n na, anhte masum hpe jahkring san jep hkrum sai. Miwa spy kun? Myen kun? Kadai re kun? Hpa galaw sa ai kun? Hpaga gas a ai kun? A myu myu san jep hkrum sai. Gara kaw na masha rai ta? San ai shaloi Ningru mare na magwi tam sa ai ni re. Ngu nna tsun dat ai. Shaloi ndai de shang dung mu ngu nna, san jep sai. Nre Major Sayna hte cpt: Lama ni hte matut nna shang ai re ngu sai. Nan hte a passport lawm ai kun? Passport traveling Document nlawm sai. Dai majaw grau sawk jep sai. Akrit akrat sawk jep ai shaloi, Du kaba Nchyaw Tang lang tawn da ai, Chyumlaika buk Kaang Kaw, nhkyi hte hkret bang da ai, USA de matut ai KIO tasik hte hkrak re ai laika, hpe mu sawk ai. Dai kaw nna du kaba Nchyaw Tang gaw, Gala ga ga nga ai kaw nna, English ga hte KIO laika hte tinang sa du ai lam hpe azin ayang sang lang dan ai hpang, India balik ni nta ndaw kaw na, nhku de shaga la nhtawm hpalap daw jaw sai. Hpalap lu let bai jahta ai shaloi, India asuya tsun dan ai “U Nay Win tsun ai, Myen mung kata tabung sha nga ai, KIA ngu ai nnga ai nga tsun ai.” Dai majaw nanhte hkring ra ai, ngu nna, Mayau ga kaw na hpyendap hkyuk hta kala hpyen ni hte rau laban bat mi rim rawg da sai.

Dai ten hta Dingwa Naw hte Pasi Kumhpai La mungdu yan sa nna, ahte Jing hpaw mare de tawn da ga, Jinghpaw uhpung re majaw anhte lit la lu ai. Ngu nna sa hkraw la ai. Raitim ndat ya ma ai. Lahta de PS ni hpe shana ra ai. Head quarter de shana ra ai. Bat mi na ai hpang asam rifle ni a lata kaw nna, Misaw Reserve Police (MSRP) ni, Leutanent langai hte hpawn, modo hte sa woi la ai. 6:00 AM kaw nna, 12:00PM du hkra modo hte hkawm sa nna, Second DC, ngu ai hpyendap kaba nga ai, HkunSa mare kaw du wa sai. Dai shara hta Nowkte Hkang labu shakrin ni hpe bang tawn ai, hkyuk htawng bang tawn sai. Dai hkyuk htawng gaw matsat shabat rai nna, grai manam shagram re. Asam Rifle ni a lata hta ap da sai hku re.

Hpang jahpawt nhtoi htoi sai kaw nna, anhte masum hpe laksan yupku hte bai hkrak bai htawt bang kau sai. Dai gaw 2^nd class prisoner bang ai shara rai nga ai. Mali ya na ai hpang shale la nna, Second DC rung kaba, 8 htap ntsa de shaga la nna, bai san jep sai. Nay win tsun ai, Myen Mung hta tabung sha nga ai nga tsun ai. KIA nga ai lam hpe ya sha chye ai. India asuya san ai gasan kaba “ Nanhte Kachin ni Putau lu la sai kun? Hugawng Valley lu la sai kun?” Shaloi anhte rawt malan ai laning mi sha naw rai shi ai, nnan rawt malan ai re. Ngu tsun ai shaloi mi na second class prisoner gawk de shata 2 bai wa bang da sai. Dai hpang Du Kaba NChyaw Tang hpe hkrai laksan shaga la nna, Hpyen du ni hte rau hkawm let san ai lam ni galaw sai. De hpang December Christmas ni hta poi lamang ni sa lawm shangun sai. Lamang hta du kaba N Chyaw Tang English hku akyu hpyi woi awn ai lamang ni galaw sai.

Shata 3 na ai hpang hkyuk kaw na, shapraw la nhtawm, India Cpt: rang hku nna, rupia 280/- B-class madang hte maren ration budget htuk jaw sai. India hpyen dap, hpyen la ni hte hpawn rau gayau nga sai. Hkawm wa hkawm sa a matu Modo jeep langai laksan tawn da jaw sai. Breakfast hte hpawn jau jau daw jaw masai.

1968 ni hta Asam rile dap hpeMisaw Reserve Police (MSRP) dap ni bai galai nna, dai ni a lata hta bai ap ya sai. Dai kaw nna, Wut pat htawng, asin chyip re ai nsin htawng de bai shata (8) bai bang kau sai. Maja tsan shara pi nnga ai, pung langai hpra tawn da jaw ai. Shi laika hte playing card sha tawn da ya ma ai. Dai ten hta hkang kasha MA degree lu ai la langai mung htawng bang hkrum sai. Shata (8) na ai hpang, myit daw dan nna, hunger strige ngu ai, lu sha nsha nna rawt malan ai lam, K.K kaw apnawng akyu hpyi let (3) ya tup galaw sai. Si yang si mungdan a matu rai sai, ngu nna, K.K kaw myit shadik kau sai.

Dai kaw nna, Asam rifle kaw na, du kaji kajaw kawn nna, Cornel, hpyen du kaba madang sa nna, shat asawng jaw sha ai. Raitim nsha sai. N lu le wa jang gaw hpa mung nsha sai, ga mung nshaga sai. Si tim ngut sai ngu daw dan kau sai.

Matut na+++

India Asam Rifle kaw na Doctor kaba sa nna, anhte Marai 3 hpe shalawt dat ai lam

Read more »

Tinang nan myit daw dan let Myu tsaw dap de sa shang magam gun mat wa ai lam. Daw (II)

Myutsaw salat hkahpawk Tsin yam???


Hkagaranyang, Sumprabum, Putao, lungshayang, Langnaw du hkra lam
dingyang hkan nna, Sumprabum mare de du shang sai.
Modo lam yawng pat mat sai, pungswi ju hte hpring rai nga ai lam hku Du kaba Zau Tu hte
hpyen hpung ni Hpung-in yang kaw na Lawkhkawng ga de lung wa ai shaloi lani mi hta Sergernt Dumsa Munglen hte Nwawt La Raw shawng lam shawng lade lit la nna hkawm sa wa ai shaloi Lungga yang kaw hkring sa nga yang Myen hpyen hpung ni hkap nga ma ai.
Lt, Wohkyung Zau Ring woi awn ai Putao colon de anhte hpyen hpung ni du wa saga ai. Dai shara kaw lam amyu myu bawngban jahkrum ga ai.
September 10, 1964 ya shani re. Namhtumhku agyi Lisu Wafu hpung ni gaw Rumarawng hte Maraubum na American hpyen hpung ni nbung li hte hpawn hkrat si ai kaw na, browning machine yawng pawng (35) tup hpe mu hta ai, Wohkyung Zau Ring a camp kaw tang tinggren da sai.
Du kaba Zau Tu hte kaga du salang ni bawngban nna, India de maigan kyit hkai
galaw sa na matu jahkrup nga ai shaloi, Myen hpyen hpung ni a kajawng sha du lung wa nna, gap htim wa ai majaw, hprawng bra htingnut mat sai. Dai shara kaw Browning machin (5)tup hpe tawn kau da sai. Browning machin (30) tup hpe gaw lu hpai la saga ai.
Dai shani kaw nna, Du kaba Zau Tu hte Slg kaba ni hpe Lungsha yang Ndawng bum de lung wa shangun dat ai hpang anhte fighting la ni lani mi hta (3) lang gap hkat ga ai. Malu masha grai yak ai hte hkyepdin nlu ai, nlung grai makram ai, ju ju ai hte grai jamjau lai wa sai. Dai hpe Myen hpyen hpung ni mung gap hkat jin nna, ndang hkam ai majaw Putao de bai nhtang wa ma sai.

September 20, 1964 Ya shani colon bai garan dat sai.
1.L.t, N-gawk Ja Naw ( Marawt ga)
2.T.O, Lagawng Tu ( Durip ga)
3.Slg, kaba Ngalang Tang ( Nga Lang ga)
4.W.O-I, Htingnan Tu ( Htum Jung Ga na)

Dai aten hta Lokmo colon kaw na anhte a kahpu kanau ni hpe Myen ni Sumprat dawk bang ai majaw, Rawang la ni myit hten nna, naw ku jawng kaw rau naw ku nga ai aten hte rawt htim gyit gayet sat wa ma ai.
Dai kaw hkrat sum mat ai ni aw,
1.Slg, kaba Ngalang Tang
2.T.O, Lagawng Tu hte shi a colon ni yawng majan hkrat sum mat nna, W.O-I Htingnan Tu, Ruwang kasha, Lisu kasha hte Maru kasha ni marai 5 tup lawt wa ma ai.
Wawhkyung Zau Ring woi awn ai Putao colon, Hpakmahku camp (KRCME) kaw nna, Namhtunhku agyi Wafu ni hte Hpakma hka hku hkan n na, India de rawt mat wa sai.
Du kaba Zau Tu hte Slg kaba, hpyen hpung,hpyen la ni yawng hpunau Lisu ni lam madun nna, n-gu gun lit la rawt mat wa saga ai. Manga ya manga na tup hkawm sa ai hpang Mungyak hka hku Pinongzup lam hte Chyaukang lam numbraw kaw du wa lu sai. Dai shara kaw tap gap nna, byin mai ai daram shakut nga lai wa saga ai.
Hpu nau lisu salang ni hpe India hte Putao ga de n-gu sa gun la na matu lit jaw dat saga ai.
Du kaba Zau Tuhte hpyen la nga manga yawng gaw bungli helicopter hkring na matu nbungli pa htu let hkap taw nga ga ai.

Dai hpang bat mi na mat ai shaloi, India hte Putao na hpunau lisu salang ni mung ndu rai let, n-gu sha na htum mat wa saga ai. Dai ten hta kaba dik rai nga ai Du kaba Zau Tu hte Slg kaba Pungshwi Zau Seng gaw hpyenla ni yawng sha na matu nga-tsang ni hpe myek ai lit la nna, ngam ai hpyen la ni gaw tsun nma dik hkra kyin nga ga ai. N-gu nlu ai majaw, Sumpai lap hte sha hpa shadu sha let asak matut lai wa saga ai.

Hkatsit yang camp, Putao, Chyaukang lam, Pinong Zup Lam, Mungyak Hka hku hte Lungsha yang camp kaw lisu salang ni woi la nna, Kawa waga si hta dup sha let, asak matut lai wa saga ai. Shat nau kaw si ai majaw ningwa daw si dup sha nna, agyi La Yun hte manang ni sha nang ai majaw agyi, La Yun wa htan mat ai(food poison byin ai). Dai shara hta shani nhtoi htoi yang ahpye alam rai, bum machyi ai machyi mawau grai sawng ai. Shat sha na rai yang lata hte
ahpat kau nna, she shat n-gup mi hta bang mai ai.

Du kaba Zau Tu hte Slg kaba Pungshwi Zau Seng ni grai ahkyak ai laika ka na matu wan nlu ai. Machyi mawau nau kawa ai majaw sut kang nna she laika ka mai ai. Shana nsin hta marau hpun hpya shatu la nna she laika lu ka ma ai.
October 5/10/ 1964 ya shani Putao kaw na n-gu gun ai Lisu slg ni hte India na jumdwi hte nga chyu gun ai ni bai du wa ai majaw sha asak bai matut lu ga ai.
7/10/1964 ya shani India ga jarit Chyaukang bum de lung wa lam hta masum ya hkawm nna, 11/10/1964 ya shani Dayun hka hku India Vijinagar kaw na Kala hpyen dap nga hte matut nna, bai wa sai. Chyau kang bum hte Hkatsit yang kaw Capt. Nchyaw Tang hte Slg Nwawt La Raw gaw hpyen la marai shi hte camp galaw shara bai jahkrat sai. Du kaba Zau Tu gaw Htingnan ga de shara jahkrat sa mat sai. Chyau Kang bum kaw nna Viginagar de na lu sha jum, jumdwi, ruti sa gun sha lu sai. Kala hkyepdin ni lu din sai.
Kala kaw na lu sha ni hte Putao na Lisu ni a n-gu galai sha lai wa sai. Slg Nwawt La Raw gaw bum hta u hkam sha woi n-na, shat mai tam sha woi ai.
Du kaba Zau Tu ni bai du wa nna, Lamu ga contour map yu sharin sai. Dai kaw nna, lamu ga map yu nna, hkatsit yang kaw nna, ru marawng bum ntsa hku Njoi ga de masum ya tup nam ashep hkret di yang Matsi hka kaw du wa lu sai. Bat mi na jang Njoi ga de du wa lu sai.
Dai hpang Sumpyi yang kaw na VDF marai 100 jan hpe Slg Nwawt La Raw incharge galaw nna, lam nnan hku n-gu the malu masha gun sha lu sai. Dai hpang shata mi na ai hpang Hugawng pa na magwi 35 htet nna, Kahkaw camp du hkra n-gu htaw sha sai. Dai shara kaw shata 5 ram nga lai wa sai.***
October 18 1964 ning e,***India gala mung hte Wunpawng Mungdan asuya KIO kyit hkai dat kasa lam matut na*****

Read more »

Dai ni gaw Hugawng Blog ka ai 5 ning hpring ladu Hkrum rai nga sai,

Hugawng a Blog 5 ning tup ladu hkrum ai masat ding sat hku nna Moi nnan daw hta na myutsaw hpyen la myutsaw brang ni a labau hpe shan hte ka da ai matsing buk hta na daw hte daw langai hpang langai tang madun mat wa na ngu lajang dat nngai.
Magrau grang ai myit,myu tsaw myit,Si tim mung dan matu tai,Hkrung tim mung dan matu rai ,Asak htum ten du hkra lak nak n jahkrat ai shakut laiwa sai ni lawm nga ma ai.Moi dairam yak hkak ai ten pyi rawt malan majen je gwi nga ma ai,Dai ni Wunpawng myu sha ni hpaji machye machyang mung hkum sai.Laknak mung moi na zawn gaw nrai sai.Mung kan mung masa lam hta mung moi na hta grau myi hpaw mat sai.Mung dan shara shagu hkan e mung lam amyu myu hku nna chyam bra nga sai.Dai ni nang ngai hpa galaw ra na re gaw tau chye lu sana re ngu kam ai.


Tinang nan myit daw dan let Myu tsaw dap de sa shang magam gun mat wa ai lam.
Daw (I)
Lagaw lam hkawm let 3 ya ram na ai hpang she myu tsaw shang lawt hpyen dap hpe mu tam la ai re. Dai ten hta
Nammawbum hpyendap (6) battalion, model brigade KIA hta marai
300( masumtsa) jan training awng ai kaw nna nkau mi VDF hta tawn da ai.
Loi mi grau zeng ai ni hpe lata nna, army matut galaw sai. Nammawbum
dap ngut jang, Ginsi dap bai hpaw na matu sa ai training sara ni hte hpawn,
1.Slg Sumlut Zau Li ( Sum mat sai, Training sara)
2.Slg Nhtung Hka
3.Htingnai Awng
4.Nwawt La Raw (Q.M malu masha hte seng ai)

Ginsi hpyendap gawde sa ai lam

Nammaw bun hpyen dap kawn Ginsi hpyendap de sa wa ai shaloi,
Lawnghkang hte Yihku maw rap di na matu hkrit tsang ra ai, dai ten hta
hpyen la ni dumhpau sinat pyi nlu lang shi ai.
1. Nwawt La Raw gaw nhtu nhkyi galu hte
2. Ndawng Gam scout galaw let laidi wa sai. Shim lam a majaw
Jinghpaw Wunpawng sha ni hta lai nna, dai lam hta laidi ai mu hkrup ai
masha ni hpe htau sat kau na matu dawdan let rawt sa wa sai. Hpang
shana daw de Ginsi Mahkuk Nja agyi a nta kaw du yup ai shaloi, Ginsi
Mahkuk agyi wa tsun ai. “ Hkri Nwawt La Raw e nanhte ni sinat
langai mung nlawm ai, gara hku hpyendap hpaw de na, ndai Ginsi kaw Myen ni grai ni ai re.” ngu tsun ai.

“Ya tsa maumwi langai hkai dan na, moi Man hkawhkam galai pung nga ai, mung masha ni rawt malan kau ai lam, hkau na pa de zuphpawng jahkrum nna, wa sang shinjawn mayoi lang nna, hkawhkam wang makau e jahkring hkring lai sa lai wa galaw ai shaloi, nra ai hpe chye ai majaw
Man hkawhkam galai ai nga ai da.
Shabrang ni e nanhte mung shakut mu,Anhte Mahkuk Ginsi Sengra kaw na, dumhpau, rifle hte Japan sinat ni hpe nanhte a shawng e sha atsai atsi shagyeng la kau sai.
Hpawt de jahpawt jau rawt nna, hkau na pa hkumpup nawng kaw kabye lup da ai dumhpau sinat 2, rifle sinat (1) hpe shaw la ga” nga tsun ai.Sinat dai ni hpe lahkawn la nna, Mahkuk ga hte Namya mare lapran kaw training camp hpaw sai.

Lawnghkang, Ginsi, Tangau hte Hpakan ni hta
shang nna, hpyen la (200) tup lahkawn la lu sai. Dai kaw nna, Ginsi hpyen
dap hpaw hpang wa lu sai re.

Dai ten hta makawp maga uga ngu nna, Ginsi Nja salang ni hkrai pawng
nna, shaba lap wawt nhtawn, nga uloi kanu kaba hte hpawn nga uloi (2) ju
let Ginsi mare buga masha ni hkum hkra shat lit n-gun gun jaw nna, nat jaw
poi galaw let awngdang ai hku hpaw la lu sai.

Nov 5,1963 ning Ginsi hpyendap hpe makawp maga ai Slg Nwawt La
Raw hte hpyen la (15) tup shim lam hpe lit la sai. Nov 25, 1963 ya shani
training ngut sai hpang Kamaing, Kapmaw, Hkumtsaiyang hkan na VDF,
army hte hpyen du ni yawng pawng yang hpyenla (350) hte Kapmaw zup
kaw ambush hkap na matu Namhkam mare hkan na Japan sinat dingsa
hte dumhpau sinat lahkawn la nna, diesel hte kashin shatsawm la sai.
Kapmaw camp hta latsai hpun ga la nna, sinat ninghku shachyaw let gap
kapaw mai hkra galaw lang sai. VDF ni hpe mare de yam htu la shangun
ai, na jawn chyen adup la nna, sinat pala galaw nhtawm Tawnggung, Naju
nawng makau na bum (3) tup kaw ambush hkap sai.

Sinat kaja nlawm ai, L.t, Htumhpau Gam walahkru ginshi hkri shakap da ai
Kabaing sinat (1), VDF sergen M.1 (1), Kumba Bawk Naw (incharge)
Rifle (1) hte Kapmaw darulu, Namya kaw na group (3) ni kaw rifle
hpaihkrawk (3) sha nga ai. Sinat dai ni hte Tawnggung ambush hkap sai.
Shana nsin aten hta, Darulu mare masha ni ba pa makai(10) htu jaw ai hte,
n-gu ngachyu kawk langai hpra wa jaw ai. Dai n-gu hpe shadu sha na di n-
lu ai majaw, hka kawk kaji kaw shadu sha let nsa matut nna nga nga ai.
Nhtoi (6) ya ngu na aten hta Myen hpyenla ni modo (2) tup, hpyen garum
gumhpraw 40,000/-(Lap mun mali tup) hte lung seng htaw du wa ma ai.
Dai hpe hkap gap kasat zing la lu sai.
Dai shaloi lu zing ai sinat laknak ni gaw,
1.G-3 (2),
2.Twin motor (1),
3.Brand gun mark-3 (1),
4.Rifle (35),
5.Ne Win stant (1),
6.Sinat kadun (2) Parachute wan gap ai baw hte hpawn,
7.Onegistar shortgun (1)
8.Yamdong (600) hpra rawng ai sutdek (2),
9.Mota si —(20)Yawng rai yang sinat lau (43) the machyu pala ni hpe lu zing hkap kasat
kau lu sai. Myen hpyendu captain, hte hpawn hpyen yawng rai yang marai (40) hpe lu gap sat kau lu nna, Myen hpyenla (2) gaw hprawng lawt lu mat sai. Lungseng nam kap ai grai kaja ai buri buk (2) tup lawm ai, Dai hpe gaw nla ai sha bum hkaraw de ru kabai kau sai. Du kaba Dumhpau tsun ai,“sinat laknak hte majan rai hta lai nna, kaga rai hte majan lanep hpa hkum
la, hpa ndi ai” nga tsun ai. Kapmaw Darulu mare na VDF ni nkau mi gaw, Myen mang ni a lagaw
nkau mi hpe nhtu hte tawk di la nna, nam kata de garawt shang nhtawm,
jangle boat hpe raw din la nna, matut hkawm ma ai.Dai hpang nam de shang wa nna, Darulu mare masha ni gaw nga uloi (1)hte wa mawn (3) sat jaw let hkap tau hkalum la ma ai. Mung masha ni hpe gumhpraw kumhpa jaw sai. Masum ya tup hkring sa let Hpakant Myen
hpyendap hpya na matu majan masing ni hpe bai jawm soi nna, hpyen
man garan sai.
1.Sergeant Ting Hkaw
2.Cpt, Bawm Ying
3.Kumba Bawk Naw ( In charge)
4.VDF hpyen hpung ni gaw,
Ka Maing, Kahtanyang, Namya mayan na, yawng marai 350 tup hte rau
Hpakan Myen hpyendap ayai hkra ngu nna, (2) ya tup gap anut rawt lung
wa saga ai. Dai shaloi Hkang (Chin) kasha (In charge) galaw shangun ai
wa hkrit nna, Mogawng na Myen hpyen reinforce ni du lung wa ai nga
tsun ai majaw loi mi ru ra rai nga yang, Myen hpyenhpung ni du lung wa
ai. Hpakan hpe garai nlu hpya ai sha, htinglut mat ga ai. Myen hpyenla ni
gaw, Hpakan Mashi kahtawng kaw nga ai Lauban Na Pa Hkum a kanau
Na Pa Gum Jat hpe sat nna, pu sin shaw tawk sha nna, hka pung hkan sai
chya lang nhtawm nanhte Jinhpaw ni hpe ndai zawn sat kau na ngu let
mare ting hkan ndau hkawm ai.
Du Dumhpau Gam a hpyenhpung ni hte bungli garan nna, Lung Tung lam
hta hkap gap ai shaloi, Myen hpyenla ni jawn ai modo langai bai hkap gap anyawp kau lu sai. Lu hta la ai sinat laknak ni
1.G-3 sinat (1)
2.Rifle sinat (5)
3.Mota si (6)
4.Rifle pala (300)
5.G-3 pala (100) ni hpe lu la sai.Mogawng hte Hpakan lam lapran byin mai ai ram KIA ni hkap kau nna,Ka mai, Lainawnghka mahkrai hte hpawn mahkrai nkau mi hpe TNT bawm hte kapaw gap di kau sai. Dai kaw nna, modo nmai lai mat nna,Miwa lauban ni hte Jinghpaw lauban ni lagaw lam hte gumra ni rau yu wa ai ni yawng mau mat ai aten rai nga ai. Dai ten shata (2) daram gaw
Hpakan hte Mogawng lam lapran kaw KIO army hte VDF hpyenhpung ni sha Modo jawn hkawm rai majan jarik tam let wanglu wanglang rai lu nga sai. Kapmaw lahta Jebu hkahku Hka-u camp hta hpyen hpung yawng pawng nna, 4 colons, 6 battalions, model brigade KIA ngu shamying
nna, hpyen dap hpaw tawn sai.Colons commanda L.T, Dumhpau Gam hpaw tawn ai, masha jep na matu Mogawng Hpakan lam hpe lagaw dappram ladat hte byin mai ai hku gap da nna, yen da yu, bai gap yu, rai hpyen wa hpe ninghkap na matu yak wa sai. Mogawng, Kamai, Namsheng hte Gauri kahtawng hkan na mung masha ni hpe byin mai ai daram nam de tap ginsum gap
nna, malawng maga mare man hkra nam de gahkyin mahkawng la sai. Dai hpang KIA hpyen hpung ni gap di da ai lainawng hka mahkrai kata na hpri (Tanbawng) kaw beda tsing tsawt adak hpring pat mat sai. Dai beda tsing pa ntsa hta e Myen hpyenhpung ni gaw hpunpyen pa nep
nna, mahkrai galaw nhtawm dumsu leng hte jeep modor gau shalai nna, mung masha ni hpe bai kashun mahkawng wa ma ai.Namsheng hte Tawnggung kahtawng shara shagu hta L.T, Dumhpau Gam dat nna mare masha ni hpe shinggyin nhtawm KIA masa gat hkai
tara hkaw tsun sai. Sara Hpauyam Gam hte Nwawt La Raw gaw shana nsin hta kaichyan (CIT) galaw let kaning re ai masa lam tsun dan let mung shawa ni hpe lam madun tsun la sai. Dai kaw nna,
1.Du kaba Brigradier Zau Tu hpung ni hte du kaba ni yawng
2.Lt. conel Lama La Ring
3.Maj. Dumhpau Gawng Colon kaw na du kaji ni
1.Lt. Dumhpau Gam (4) colons commanda
2.Lt. Kajihtu Sin wa (11) colons commanda
3.Lt. Du Brang Awng (5) colans commanda
Slg kaba ni
1.Slg kaba Maran Brang Seng
2.Slg kaba Pungshwi Zau Seng
3.Slg kaba Lanyaw Zawng Kra
4.Slg kaba Waga Awng Tu
5.Slg Kaba Ngahkyen Zau Tang yaw du zup sai.1/7/1964 shani kaw na, Majibum Gawnan, Gawlunyang Shinglang daw camp hta hpyen dap hte uphkang dap (civil) ni yawng pawng nna, 6 Battalion th Model Brigade KIA ngu shamying da sai. Maji bum, Gaw Nan hte Gawlunyang Danai hka makau kaw shata mi tup wunkat sharin hpawng galaw la saga ai. Dai shara kaw na, du ni hte Slg kaba ni gara shara kaw lit la na matu shara garan hpang wa sai. Majibum Shinglang daw camp kaw,Namsu Zau Tawng (Ya hpang de bum masum tsi galaw ai wa) lit la up hkang
lai wa sai.Daihpang 5/8/1964 ya shani, Slg Nwawt La Raw hte hpyen hpung nkau mi
gaw Darubum lam hku lung wa nna, hpang shani Durip ga kaw hkying (12:00)kaw du wa ai shaloi, Lt. Hpauwung Bawk Di hte hpyen hpung ni hkap tau la ma ai. Durip ga kaw lani mi shanu la nna, Hkagaranyang de lai lung wa sai.Hka garan yang kaw (5) ya tup zuphpawng galaw la nna, colon bai garan dat sai.
Dai shara kaw,
1.Lt. Zahkung Ting Ying ( Cpt. Sharawt ya sai)
2.Lt. Mashaw Zau Nan
3.Lt. Mahkaw Gam Ni hpe shara jahkrat taw da nna, Slg Nwawt La Raw hte law malawng gaw
1.Brigadear Lahtaw Zu Tu
2.Slg kaba Pungshwi Zau Seng (Secretary)
3.Slg kaba La Gawng Tu (Township officer tang ai)
4.Slg kaba Ngalang Tang (Township officer tang ai)
5.W.O II. Htingnan Tu
6.W.O I. N-gawk Ja Naw (Machyan baw, Ri camp dap kaw na hpyenla hte sinat hpawn shang wa ai)N dai ni hpe Lungsha yang kaw nna, Lawk Maw colon de garan dat ai ni re.

Naw matut na.+++++

Read more »

Burmese opposition groups call on UN to help resolve ethnic issues

Representatives from Burmese ethnic groups and opposition parties asked the United Nations (UN) to help resolve the country’s ethnic issues, during discussions this week at UN headquarters in New York.

The meeting, between the UN and the representatives of Burma opposition groups was held on Tuesday November 9, at the UN Correspondents Association, in New York. It was attended by General Secretary Gum San Nsang, from the Kachin National Organization (KNO-USA), Ms. Zipporrah Sein, General Secretary of the Karen National Union (KNU), Dr. Thaung Htun, Executive Director of the Burma Fund-UN Office, and U Tin Win, Executive Member of the National League for Democracy (NLD) party.
“We want a genuine dialogue with the junta, with us on equal terms, with the UN and our neighbors as facilitators,” according to Gum San, of the KNO-USA.

The Beijing Bureau of the Xinhua News Agency, of China’s state-run media, also attended the meeting, Gum San said.

About 20 UN Correspondents from major news agencies including AFP, and Kyodo News, were also in attendance.

Gum San said he raised the issue about escalating preparations for war in the ethnic areas.

He said Kachins have exhausted all their efforts to establish a dialogue with the regime, the real wish of the recently formed ethnic armed group’s Committee for Emergence of A Federal Union, made up of the Chin National Front (CNF), Kachin Independence Army (KIA), Karenni National Progressive Party (KNPP), KNU, New Mon State Party (NMSP), and the Shan State Army-North (SSA-N).
More++Kachinnews.com

Read more »

Aung San Kaw hpe dat sai

More+http://www.blogger.com/img/blank.gif++shiga++BBC
More++USA today++

Read more »

Rawt malan ai ni

DKBA rim tawn ai myen du


DKBA+KNU

Read more »

Majan poi sumla

Read more »

Myawadi myo hpe DKBA Zing madu

Myawadi myo hpe DKBA Zing madu kaU SAI.MORE++++

Read more »

Ra lata poi party ni a lam hkaja yu ga

(1)
http://www.blogger.com/img/blank.gif
(2)

(3)+++More++mizzimaTV
News update+++mizzima youtube

Read more »

Malaysia shiga

Friday, November 5, 2010

MALAYSIA DU WUNPAWNG MYU SHA NI A HTUNG HKRING MADUN POI HTE YU NGWI PYIN RA KA MANAWT

Malaysia du nga ai Wunpawng Myu Sha ni a Htung Hkring

Buhpun mawn sumli hte yu ngwi pyin ra hte ka hkrang ni hpe dai ni November 5 ya shani ngwi pyaw awng dang ai hte galaw la lu sai.

N dai lamang hpe KRC, Kachin Refugee Commettee kawn woi awn galaw ai re lam chye lu ai. U hpung u hpawng shagu de

na saw shaga da ai dak kasa ni mung sa du kabu lawm ai.

Wunpawng Myu Sha ni a Htung Hkring bu hpun mawn sumli ni hte buga shakawn yu ngwi mahkawn ni , ka hkrang ni hte du sa ai shawa masha ni hpe shangwi shapyaw la lai wa sai. KRC a Lucky Draw ( Gam Chyam) lamang hpe mung galaw lai wa sai lam chye lu ai.
More++News+++Kasa

Read more »

Romania shiga

'Romanian' girl aged TEN gives birth to healthy 6lb 6oz baby in Spanish hospital

စပိန္နုိင္ငံတြင္မိန္းကေလးတစ္ဦးဟာ အသက္ ဆယ္ႏွစ္အရြယ္မွာတင္ပဲ ကေလးေမြးဖြားခဲ ့လို ့ကမာၻ ့အ
သက္အငယ္ဆံုး မိခင္တစ္ဦးၿဖစ္ခဲ ့ပါတယ္...
သူမဟာ စပိန္နုိင္ငံေတာင္ပုိင္း အန္ဒါလူရွားေဒသက ဂ်ီရက္ဇ္ဒီလာ ဖရြန္တီရာ အရပ္က ေဆးရံုတစ္ရံုမွာ
၆ ေပါင္နဲ ့ ၆ ေအာင္စ ကိုယ္အေလးခ်ိန္ရွိတဲ ့ရင္ေသြးငယ္ေလးကုိ ပံုမွန္သဘာ၀အတုိင္းေမြးဖြားခဲ ့တာၿဖစ္
ပါတယ္....More+++click+++this++

Read more »

Bum sin wa blog a laika

Postmodern prat a Hpaji Masa (Postmodern Education)

18^th century a shawng daw de, hpaji ngu ai gaw ‘Knowledge’ re nga ma ai. Dai majaw modern prat a shawng daw hpe (knowledge-age) hpaji prat ngu nna shagawp tsun masai.
More++Bum Sinwa Blog+++

Read more »

Kachin news from Tony Cliff

By Tony Cliff :

It's believed in Laiza headquarters that an attack from the Myanmar army can only occur between the elections and the formal transfer of power from the military to a new civilian administration, which must take place within three months of this Sunday's vote. "They have to clean up the situation before a new government starts to work," predicts one KIA officer at the group's war ready camp. (More+++News)
Exceptional ethnic
The Kachin have always been an exception in Myanmar's complex ethnic jigsaw. Their state, at 89,000 square kilometers, or more than twice the size of Switzerland, is one the country's largest administrative entities. With an estimated population of just 1.36 million, according to most recent official statistics, it's also among the least inhabited - the country's has a population of up to 55 million people. It only takes a quick look at the map to realize that more than half of Kachin is filled with hard-to-navigate mountains.

The predominantly Christian Kachin ethnic population is estimated at 1.2 million, half of whom live in Kachin State and the other half elsewhere in the country. About 300,000 Kachin also live in neighboring China, where they are known as "Jinpo". For historical reasons, the Kachin have managed to develop a strong social and educational system, which has made them one of the country's most sophisticated ethnic groups.
More+++The war to come in Myanmar++++

Read more »

Mungdan Langai Byin Wa Na Matu

Hti nan hti hkaja ra ai Mung masa laika ngau re ngu mu mada ai.

----------------------------
N kau mi tsun ai anhte mungdan gaw panglai n nga ai majaw mungdan de na matu n mai byin na re nga ai. Mungkan hta mungdan 42 gaw panglai n nga ai mungdan ni rai ma ai. ndai hta Switzerland, Czech, Austria mungdan zawn re galu kaba ai mungdan ni mung lawm shajang nga ma ai.


Exhibition launch: 7pm Fri, April 2, 2010

“Ryan Libre Photo Journalist tsun ai KIA gaw Myen hpyen gumshem hpe sha gasat nga ai n rai, hkamja lam, hpaji hparat lam kawn na hkawt hkai lu hkai sha lam, buga bawngring lam ni yawng hpe tatut shakut shaja hkrang shapraw nga ai re. Shanhte gaw Mungup a suya the kanoi maren hkum tsup ai hte lama mungdaw ahkaw a hkang shing n rai Shawnglawt lu wa yang kalang ta uphknag na atsam nga nga ai. Ryan htawng madun ai hta KIO/ KIA gaw rawnt malan langai glaw nga ai sha n re, mungdan langai gawgap nga ai re lam shi a sumla sakse hku madun mat wa ai.
J. M. “Martin” Edmunds ngu ai US na jinghpaw the seng ai hpaji ninghkring wa mung n dai lam tsun nga ai jinghpaw gaw BGF lam (ya ten na masa) hpe sha myit shajin nga ai n rai, ya hpang de na mung dan a gam maka lam hpe mung tau hkrau myit shajin nga ai lam tsun wa sai.
N dai n tsa na mabyin masa lam yawng hpe dinglik yu ai shaloi mu lu ai lam gaw Mundan langai mi gaw gap ai hta ahkyak htum madung gaw dai mungdan gaw gap nga ai myu sha ni hta sha madung re ngu hpe mu lu ai. Tianang hta ngang grin ai sutmasa, lamuga, su hprang ai mung shawa hte kaja nan mungdan lu mayu ai myit n gun marai nga ai hte Shanlawt n dau ai rai yang mungdan gadaga ting a masat masa la hkrum ai lam mi n nga tim tianang hpe masat masa la na mungdan gaw nga nan nga na re. Dai re majaw WP mungdan paw pru wa lu na matu gaw WP myu sha ni a lata kaw sha re.

Gara hku gaw gap na Matut hti yu ga.
more+++
click++Kachinreview.com

Read more »

ကခ်င္ႏွင့္မြန္ေခါင္းေဆာင္ အေမရိကန္ သို ့ ေရာက္ရိွလာျခင္း

ကခ်င္ေခါင္းေဆာင္ အင္ဗန္ လွ ႏွင့္ မြန္ေခါင္းေဆာင္ ဗိုလ္ခ်ုပ္ေထာမြန္တို ့အေမရိကန္ အစိုးရက ဖိတ္ၾကားခ်က္အရ အေမရိကန္ နိင္ငံသို ့ေရာက္ရိွေနပါတယ္။ နအဖရဲ ့ မတရားဖိႏိွပ္မႈမ်ားကို အေမရိကန္အစိုးရထံတင္ျပျပီး အကူညီမ်ား ရယူ ရန္ အတြက္ျဖစ္တယ္လို ့ အမည္မေဖၚလိုတဲ့ သံတမန္ တဦးကဆိုပါတယ္။
More++MotteeBlog++,
Kachin Post+++++

Read more »

Mungkan a madang dep prat shingjawng Majan jak rai ni

Navigation System & DARPA

Posted by SLIP in My Research And Development Of ....
More++>>>>Ndai kaw dip dat u>>>>

.

• Webliography
• http://www.darpa.mil/
• http://www.autoblog.ru/robot-touareg
• http://viterbi.usc.edu/news/news/2009/taking-the-dog.htm
• http://www.google.com/
• http://www.wikipedia.org/

Read more »