Shing ran ai

Myittrum manang ni “Shingran Ai” Ga shagawp shagun dat ai.JIC hkamja lam ningra mat nna, shana de shagu Awng Padang a matu Nawku jawng kaw akyu hpyi hpawng n lu sa lawm mat ai. (6)ya rai mat sai. Tsi tsi hkam la nga ai ten re. Ga shagawp n hprai  u ga grai shakut nga nngai. JIC a matu hte Shawnglam share Ninghkring ni a matu akyu hpyi dum mi yaw. Shawnglam de na Myu Tsaw Hpyenla ni kade she hkyiba gawngrun nga masai kun? Shingran dat yu ga. Galai la na masha n nga ai. Shanglawt Tsing hpe galai la na masha mung, garai n shangai sam ai oi. JIC Shingran Ai Ngai tsaw ra amyit lawm ai, Shawnglam de shingran nngai; Jahpawt jau jau yup rawt ten, Kyu shawng hpyi la myit sharen; Nhku kata laika ka, Hkuwat makau e dung nga; Nbung katsi ni shang hprwi, Bungli Katsi ni sha hpwi; Kadawnpan s’ma sha mi , Bawnu nchyan shaw dat sai; Shinggan de chyan mada, June marang htu abya; Goi! M’janpa de shingran nngai, Nye myit ni shawnglam du sai; June marang madi manyap, Kaduk nhkun hka hkrai pyap; Myu tsaw Share Ninghkring ni, Yu chyayat zawn nyap madi; Ntsa de mung n galup, Gangbang e wa shanhte yup; Nsin nhtoi hpyen makran, K’dai sha mung n sa shalan; Jigrawng mayen manang tai, Kawa ai pyi n na sai; Jit gan ji na ten n nga, Kaduk kata ji bang da; Shat kawsi ai kan kyu kyu, Nta shatgawk myit dum lu; Nu shadu ai Nai shatmai, Namchyim hpe marit dik ai; Hpunlum hpalap lu lu taw, Hpalap seng de dum ai yaw; Magra sha na hpa n nga, Marang dingsi mata sha; Myu tsaw Brang a Tsaw Myit wa! Hpa hte shadawn lam n nga; Shinglet hte pyi tsun n dang, Yesu hte rau hkam sharang; Goi! G’loi wa mi she Simsa na, Tak matu mung n chye wa; Kaduk k’ta n-gun jaw ga, Shingran hta e tsun kau da; “Karai Wa bau sin u ga, Chyeju hte naw sh’kut shaja; Si shatmai shagun jaw na, Myu Sh’yi ni hpe wa tsun ya; Hprawng sha gaw hkum hprawng mat yaw, Nachying kamhpa ga ai law” Shanglawt Tsing (27.6.2012, 6:00 AM) :Kadawnpan=Jessamine(စံပံပံပံပယပ္ပ္္ပ္ နး္္း္း္း)