Tai Hpyen Wa

Myitrum manang ni, “Tai Hpyen Wa” ngu ai Ga shagawp re yaw. Mani na nhtoi gaw LZ mare ting gabring gabrawng bai byin jawng ai. Nbungli Jet 2 hte Alenbum de aging gap dumbre ai. Myawk kaba gap bun ai nsen wa, yinamta na muq nsen hta pyi grau garu ai. Lani hte lani mare masha ni LZ e n nga gwi sai re majaw, Miwa de shang lu na matu, Laikabuk ahkyeng hpe lani mi marai 100 jan jan mai byin ai ladat hte galaw la nga ma ai. Laika buk 1, Ұ 150/- hte mai galaw la ai da. JIC ni gaw n galaw dam ai yaw. Miwa de hprawng bang na malai, gumhpraw n jaw ra ai; Nawku jawng de hprawng bang na ngu, myit da ai. LZ a matu Kyu hpyi dum mi yaw.

                                                                                                                                              JIC

Tai Hpyen Wa

Karai Chyeju san san sha,
I Wunpawng ni lu la nga;

Majan shagu Tai ni sum,
Ana asa she si rum;

Pyenli lang tim gaman sha,
Iya Ninghkring gap kau ya;

Majan hkat byin Ninghkring ni,
Tai hpyen laba majoi si;

Tai ni wa chyawm gin n di,
Shawnglam de du she shari;

Majanpa e n dang jang,
Gwi manya zawn gawa nang;

Tai hpyenla n law sai da,
Hkrup mara pyi hkan magra;

Mare kaba “ Ram” lahkawn,
Sagu dun sha ai chyahkyawn;

Kachin shamyit ai masing,
Miwa hte jawm di shading;

Lamalau she rai masai,
Shoichyum ai gaw Tai wa rai……..

Shanglawt Tsing